నివారాలలో కూడా చేయకూడని పనులు కొన్ని ఉన్నాయి. ఈ పనులు చేయడం వల్ల జాతకంలో శనిశ్వర స్థానం బలహీనంగా మారి చేపట్టిన పనులన్నీ చెడిపోవడం మొదలవుతాయి. అదే సమయంలో శనీశ్వరుడి ఆగ్రహానికి కూడా కారణం అవుతారు. అయితే శనివారం నాడు అస్సలు చేయకూడని పనులు ఏంటో ఈ రోజు తెలుసుకుందాం..
నూనె కొనకూడదు: జ్యోతిష్యుని ప్రకారం శనివారం పొరపాటున కూడా ఆవనూనె లేదా మరేదైనా నూనె కొనుగోలు చేయకూడదు. ఈ రోజు నూనె కొంటే ఇంట్లో దారిద్య్రం వస్తుందని నమ్ముతారు. అయితే శనివారం రోజున నూనె దానం చేయడం వలన శుభ ఫలితాలను పొందుతారు. ముఖ్యంగా ఆవాల నూనె, లేదా నువ్వుల నూనెను దానం చేయడంవలన శనీశ్వరుడు సంతోషపడతాడు.
జుట్టు కడగకండి: కొందరికి రోజూ తలకు స్నానం చేసే అలవాటు ఉంటుంది. అయితే పొరపాటున కూడా శనివారం జుట్టుకు తల స్నానం చేయవద్దు. ముఖ్యంగా స్త్రీలు ఈ రోజు జుట్టు కడగడం అశుభం, ఇంటిపై చెడు ప్రభావం చూపుతుందని నమ్ముతారు.
ఇనుప వస్తువులు ఇంటికి తీసుకురావద్దు: అంతే కాకుండా శనివారం నాడు ఇనుముతో చేసిన ఏ వస్తువులనైనా ఇంటికి తీసుకురాకూడదు. అలా చేయడం అశుభంగా భావిస్తారు. శనిదేవుడు ఇనుప ఆయుధాన్ని ధరిస్తాడని పురాతన గ్రంధాలలో చెప్పబడింది, అందుకే ఇనుము శనీశ్వరుడికి సంబంధించిన లోహంగా పరిగణించబడుతుంది. కనుక శనివారం రోజున ఇనుమును, ఇనుప వస్తువులను ఇంటికి తీసుకురావద్దు.
మాంసం తినకూడదు: శనివారం రోజున ఏ జంతువుకు హానీ కలిగించకూడదు. మీరు మాంసాహారులైతే ఈ రోజు పొరపాటున కూడా మాంసాన్ని తినకండి. బదులుగా మీరు పేదలకు సహాయం చేయండి. దీంతో శనీశ్వరుడు సంతోష పడతాడు.
ఇంటికి ఉప్పు తీసుకురావద్దు: శనివారం రోజున ఇంట్లోకి ఉప్పు తీసుకురాకూడదు. శనివారం నాడు ఇంట్లోకి ఉప్పు తీసుకురావడం చెడు శకునంగా పరిగణించబడుతుంది. వాస్తు ప్రకారం, శనివారం రోజున ఉప్పును తీసుకురావడం వల్ల ఇంట్లో అప్పులు పెరుగుతాయి. ఇంట్లోని కుటుంబ సభ్యులు అనేక వ్యాధులకు గురవుతాడు.