Money Astrology: కుంభరాశిలో శని, చంద్రుల కలయిక.. వారి ఆర్థిక నిర్ణయాలు సఫలంకావడం పక్కా.. !
Zodiac SIgns: కుంభరాశిలో రెండు రోజులపాటు శనీశ్వరుడితో కలిసి ఉండే చంద్రుడి మీద సప్తమ స్థానమైన సింహరాశిలో సంచరిస్తున్న కుజ, బుధ, శుక్ర గ్రహాల దృష్టి పడుతుంది. మొత్తం మీద నాలుగు గ్రహాల ప్రభావం చంద్రుడి మీద పడుతున్నందువల్ల వివిధ రాశుల వారి జీవితాల్లో ఆర్థికంగా మార్పులు, చేర్పులు చోటు చేసుకోవడం, స్థిరత్వాలు ఏర్పడడం జరుగుతుంది.
ఈ నెల (ఆగస్టు) 3,4 తేదీల్లో చంద్రుడు కుంభరాశిలో ప్రవేశించి, అక్కడే ఉన్న శనీశ్వరుడిని కలుసుకోబోతున్నాడు. సాధారణంగా శనీశ్వరుడి ఉచ్ఛ, స్వక్షేత్రాల్లో శని, చంద్రులు కలుసుకోవడం వల్ల ప్రశాంతంగా, నిబ్బరంగా ఉండడానికి అవకాశం ఇస్తుంది. జాతక చక్రంలో ఈ రెండు గ్రహాలు కలిసి ఉన్నవాళ్లు సాధారణంగా ‘కూల్’గా ఉండడం జరుగుతుంది. పక్కనే బాంబు విస్ఫోటనం జరిగినా పట్టించుకోరు. అయితే, కుంభరాశిలో రెండు రోజులపాటు శనీశ్వరుడితో కలిసి ఉండే చంద్రుడి మీద సప్తమ స్థానమైన సింహరాశిలో సంచరిస్తున్న కుజ, బుధ, శుక్ర గ్రహాల దృష్టి పడుతుంది. మొత్తం మీద నాలుగు గ్రహాల ప్రభావం చంద్రుడి మీద పడుతున్నందువల్ల వివిధ రాశుల వారి జీవితాల్లో ఆర్థికంగా మార్పులు, చేర్పులు చోటు చేసుకోవడం, స్థిరత్వాలు ఏర్పడడం జరుగుతుంది.
మేషం: ఈ కాంబినేషన్ కు సంబంధించినంత వరకూ ఈ రాశి వారు అదృష్టవంతులనే చెప్పాలి. లాభ స్థానంలో చంద్రుడు ప్రవేశించడం వల్ల, లాభ స్థానం మీద నాలుగు గ్రహాల ప్రభావం పడడం వల్ల ఈ రాశివారికి తప్పకుండా ఆర్థిక స్థిరత్వం లభిస్తుంది. ఆర్థికంగా తమకింక పరవాలేదన్న అభిప్రాయం కలుగుతుంది. ఈ రెండు రోజుల్లో ఆర్థికంగా చేపట్టే ప్రతి ప్రయత్నమూ కలిసి వస్తుంది. ఉద్యోగంలో జీతభత్యాల పెరుగుదలకు, వృత్తి జీవితంలో సంపాదన వృద్ధి చెందడానికి అవకాశం ఉంటుంది.
వృషభం: ఈ రాశివారికి దశమ స్థానంలో ఈ గ్రహాల ప్రభావం పడుతున్నందువల్ల వృత్తి, ఉద్యోగాలపరంగా ఆర్థికాభివృద్ధికి అవకాశం ఉంది. నిజానికి ఈ కాంబినేషన్ వల్ల ఎక్కువగా లబ్ధిపొందేది రియల్ ఎస్టేట్ వారు, రైతులు, భూమిని నమ్ముకున్నవారు, ఆస్తిపాస్తులున్నవారు. ఆస్తి విలువ పెరగ డానికి సంబంధించిన శుభవార్త వినడం జరుగుతుంది. నిరుద్యోగులకు సొంత ఊర్లోనే ఉద్యోగం దొరకడం, అవివాహితులకు బంధువర్గంలోనే పెళ్లి సంబంధం కుదరడం వంటివి జరుగుతాయి.
మిథునం: చంద్రుడితో సహా అయిదు గ్రహాల ప్రభావం ఈ రాశికి తొమ్మిదవ (భాగ్య) స్థానం మీద పడడం వల్ల తప్పకుండా ఈ రాశివారికి అదృష్టం కలిసి వస్తుంది. విదేశీయానానికి సంబంధించిన సమస్యలు తొలగిపోతాయి. విదేశాలలో స్థిరత్వం సంపాదించడానికి మార్గం సుగమం అవుతుంది. పిల్లలు ఉన్నత విద్యల్లో అవకాశాలు సంపాదించుకుంటారు. వారసత్వ సంపద కలిసి వస్తుంది. వారసత్వ సంపద విలువ పెరుగుతుంది. తండ్రి నుంచి అవసరమైన సహాయ సహకారాలు అందుతాయి.
కర్కాటకం: అష్టమ స్థానం మీద అయిదు గ్రహాల ప్రభావం పడుతున్నందువల్ల, ఇందులో చంద్రుడు రాశి అధిపతి అయినందువల్ల, అప్రయత్న ధన లాభం కలుగుతుంది. ప్రయత్నపూర్వకంగా శుభ ఫలితాలు అనుభవానికి వచ్చే అవకాశం ఉండదు. లాటరీలు, జూదం, షేర్లు, వడ్డీ వ్యాపారం, ఆర్థిక లావాదేవీలు వంటి వాటి ద్వారా ధన ప్రాప్తికి అవకాశం ఉంటుంది. రుణ మాఫీ జరిగే అవకాశం కూడా ఉంటుంది. జీవిత భాగస్వామి తరఫు నుంచి కూడా ఆర్థిక లాభం పొందడం జరుగుతుంది.
సింహం: సప్తమ స్థానం మీద అయిదు గ్రహాల ప్రభావం పడడం వల్ల వృత్తి, వ్యాపారాలు వేగం పుంజుకుం టాయి. వీటికి సంబంధించిన వ్యవహారాలు ప్రాధాన్యం సంతరించుకుంటాయి. వీటి మీద ఎక్కువగా పెట్టుబడులు పెట్టడం జరుగుతుంది. ఉద్యోగాలు చేసుకుంటున్నవారికి కూడా వ్యాపారాల మీదకు దృష్టి మళ్లుతుంది. ఎక్కువగా పర్యటనలు, ప్రయాణాలకు అవకాశమున్న వ్యాపారాలు బాగా లాభిస్తాయి. జీవిత భాగస్వామి సహాయ సహకారాలతో వృద్ధిలోకి రావడం జరుగుతుంది.
కన్య: ఈ రాశివారికి ఆరవ స్థానంలో ఎక్కువ గ్రహాల ప్రభావం పడుతున్నందువల్ల, శత్రువులు, ప్రత్య ర్థుల కారణంగా గుర్తింపు పొందడం, వృత్తి, ఉద్యోగాల్లో ఆదాయం పెరగడం, అవినీతి, అక్రమ కార్య కలాపాల ద్వారా సంపద పెరగడం వంటివి జరిగే అవకాశం ఉంది. నిరుద్యోగులకు మంచి జీత భత్యాలతో ఆఫర్లు రావడం జరుగుతుంది. వైద్య ఖర్చులు తగ్గవచ్చు. బంధువర్గంలో పెళ్లి సంబం ధం కుదిరే సూచనలు కూడా ఉన్నాయి. మేనమామల ద్వారా లబ్ధి పొందే అవకాశం కూడా ఉంది.
తుల: ఈ రాశివారికి పంచమ స్థానంలో ఈ కాంబినేషన్ చోటు చేసుకుంటున్నందువల్ల, వీరి ఆలోచనలు, నిర్ణయాలు సత్ఫలితాలను ఇస్తాయి. వీటి ద్వారా వీరు విశేషంగా ధనార్జన చేసే అవకాశం ఉంది. వృత్తి, ఉద్యోగాల్లో సంపాదన పెరుగుతుంది. ఎటువంటి వ్యాపారమైనా లాభాలను మిగలుస్తుంది. పిల్లల ద్వారా లబ్ధి పొందడమో, పిల్లల సంపాదన పెరగడమో కూడా జరుగుతుంది. జూదాలు, స్పెక్యులేషన్, ఆర్థిక లావాదేవీల వంటివి లాభం చేకూరుస్తాయి. ప్రయత్నాలన్నీ కలిసి వస్తాయి.
వృశ్చికం: ఈ రాశికి నాలుగవ స్థానంలో గ్రహ ప్రభావం ఎక్కువగా ఉన్నందువల్ల రియల్ ఎస్టేట్ రంగం వారు అసాధారణంగా అభివృద్ధి చెందుతారు. భూమికి సంబంధించిన క్రయ విక్రయాల ద్వారా లాభాలు పండించుకోవడం జరుగుతుంది. స్థిరాస్తుల విలువ పెరుగుతుంది. రైతులు బాగా లాభపడతారు. వారి అంచనాలు నిజమవుతాయి. కుటుంబంలో పురోగతి ఉంటుంది. గృహ, వాహన యోగాలు పట్టే అవకాశం కూడా ఉంటుంది. మాతృవర్గం నుంచి ఆర్థిక సహాయ సహకారాలు అందుతాయి.
ధనుస్సు: ఈ రాశివారికి ధన వృద్ధి స్థానమైన మూడవ స్థానంలో ఎక్కువ సంఖ్యలో గ్రహాల ప్రభావం పడుతు న్నందువల్ల అనేక మార్గాల ద్వారా ధనార్జనకు అవకాశం ఉంటుంది. తప్పకుండా ఆర్థిక స్థిరత్వం ఏర్పడుతుంది. ఎక్కువగా ధనార్జన మీదే దృష్టి కేంద్రీకృతమయ్యే అవకాశం ఉంటుంది. తోబుట్టు వులతో ఆస్తి వివాదాలు పరిష్కారం కావడం, సోదరుల కారణంగా ఆర్థికాభివృద్ధి కలగడం, ప్రయాణాల వల్ల కలిసి రావడం, కొద్ది ప్రయత్నంతో బ్యాంక్ బ్యాలెన్స్ పెరగడం వంటివి జరుగుతాయి.
మకరం: ఈ రాశివారికి ధన స్థానంలోనే ఎక్కువ గ్రహాల ప్రభావం పడడం నిజంగా విశేషమే. ఆదాయ మార్గాలు పెరుగుతాయి. ఈజీ మనీకి కూడా అవకాశం ఉంటుంది. ఆర్థికంగా స్థిరత్వం లభించడం, ముఖ్యమైన అవసరాలు తీరడం వంటివి జరుగుతాయి. కొద్ది ప్రయత్నంతో ఎక్కువ లాభం పొందు తారు. వృత్తి, వ్యాపారాలు బాగా కలిసి వస్తాయి. ముఖ్యంగా రియల్ ఎస్టే ట్, లిక్కర్, రాజకీయాలు, ప్రభుత్వ హోదాల వల్ల రాబడి పెరుగుతుంది. కుటుంబపరంగా కూడా ఆర్థికాభివృద్ధి ఉంటుంది.
కుంభం: ఈ రాశిలో గ్రహాల ప్రభావం పెరగడం ఆర్థిక పరిస్థితి మెరుగుపడడానికి దోహదం చేస్తుంది. భాగస్వా ముల వల్ల లాభాలు పెరుగుతాయి. వృత్తి రంగంలో కూడా ఎక్కువ మందితో సంబంధాలు ఏర్పడి, తద్వారా సంపాదన పెరుగుతుంది. ఉద్యోగంలో అనుకోని విధంగా బరువు బాధ్యతలు పెరిగి, ఆర్థికంగా ప్రతిఫలాలు పొందడం జరుగుతుంది. ఎటువంటి టెన్షనూ లేకుండా నిబ్బరంగా ఆర్థిక వ్యవహారాలను చక్కబెట్టడం జరుగుతుంది. ఆదాయ ప్రయత్నాలకు అత్యధిక ప్రాధాన్యం ఇస్తారు.
మీనం: వ్యయ స్థానంలో ఎక్కువ గ్రహాల ప్రభావం పడడం వల్ల ఆదాయం అంతగా పెరిగే అవకాశం లేదు కానీ, ఖర్చులు తగ్గించుకోవడం, పొదుపు చేయడం, మదుపు చేయడం, దాదాపు పిసినారిగా మారడం వంటివి జరుగుతాయని చెప్పవచ్చు. కుటుంబపరంగా, కుటుంబ సభ్యులపరంగా ఆదా యం పెరిగే అవకాశం ఉంది. దూర ప్రాంతంలో ఉన్న పిల్లల నుంచి ఆర్థిక సహాయం అందడం, తల్లి తండ్రుల సహాయ సహకారాలు కూడా తోడవడం వంటి వాటివల్ల ఆర్థికాభివృద్ధికి అవకాశం ఉంటుంది.