Marriage Astrology: వివాహ బంధానికి విశిష్ట రాశులు.. కళ్లు మూసుకుని వీరితో పెళ్లి చేయవచ్చట..!
Best Zodiac Signs To Marry: వివాహ బంధానికి సంబంధించినంత వరకూ జ్యోతిష శాస్త్రంలో ఆరు రాశుల వారికి ఒక విశిష్ట స్థానం ఉంది. అవిః వృషభం, కర్కాటకం, కన్య, తుల, ధనుస్సు, మకరం. ఈ రాశులకు సంబంధించిన సంబంధాలు వచ్చినప్పుడు కళ్లు మూసుకుని వీరితో పెళ్లి చేయవచ్చని జ్యోతిష పండితులు చెబుతుంటారు.
వివాహ బంధానికి సంబంధించినంత వరకూ జ్యోతిష శాస్త్రంలో ఆరు రాశుల వారికి ఒక విశిష్ట స్థానం ఉంది. అవిః వృషభం, కర్కాటకం, కన్య, తుల, ధనుస్సు, మకరం. ఈ రాశులకు సంబంధించిన సంబంధాలు వచ్చినప్పుడు కళ్లు మూసుకుని వీరితో పెళ్లి చేయవచ్చని జ్యోతిష పండితులు చెబుతుంటారు. ఈ రాశులవారు సాధారణంగా వివాహ బంధానికి, కుటుంబ బాధ్యతలకు అత్యంత ప్రాధాన్యం ఇస్తుంటారు. ‘తెగే దాకా లాగితే తప్ప’ వీరు విడాకులకు, విడిపోవడాలకు అవకాశం ఇవ్వరు. ఇందులో కూడా వృషభ, కర్కాటక, మకర రాశులవారు ఎంతో ఒద్దికగా, ఓర్పు సహనాలతో కుటుంబ బాధ్యతలను నెరవేర్చడం, కుటుంబానికి, జీవిత భాగస్వామికి అంటి పెట్టుకుని ఉండడం జరుగుతుంటుంది. విచిత్రమేమిటంటే, పాశ్చాత్య జ్యోతిష్యులు, సౌరమానాన్ని అనుసరించేవారు కూడా వివాహ బంధం విషయంలో ఈ రాశులకే ప్రాధాన్యం ఇస్తుంటారు.
వృషభం: ఈ రాశివారికి జీవిత భాగస్వామి పట్ల ఎంతో ఆదరభావం ఉంటుంది. జీవిత భాగస్వామికి ఎంతో విలువ ఇస్తారు. వీరికి ఈగో సమస్యలు ఉండవు. ఎప్పుడైనా కొద్దిగా కోపతాపాలు తలెత్తినా మరు క్షణం మరచిపోవడం జరుగుతుంది. సాధారణంగా వీరికి ఇల్లు, ఆఫీసు తప్ప మరో లోకం ఉండదు కూడా. అందువల్ల జ్యోతిష్యులు వివాహ పొంతనలు కుదర్చడంలో ఈ రాశివారికి అత్యంత ప్రాధాన్యం ఇవ్వడం జరుగుతుంటుంది. కుటుంబ బాధ్యతలను నెరవేర్చడంలో వీరికి వీరే సాటి.
కర్కాటకం: సాధారణంగా ఈ రాశివారు పక్కన జీవిత భాగస్వామి గానీ, పిల్లలు గానీ లేకుండా బయటికి కదలరనే అభిప్రాయం జ్యోతిష పండితుల్లో ఉంటుంది. కుటుంబానికి అంతగా ప్రాధాన్యం ఇస్తారు. ఏ పని చేసినా కుటుంబ సంక్షేమం కోసమే చేస్తారు. కుటుంబం అభివృద్ధిలోకి రావ డానికి ఎంత కష్టా నికైనా సిద్ధపడతారు. పిల్లల కోసం ఎవరితోనైనా పోరాటానికి కూడా రెడీ అవు తారు. పిల్లల కోసం జీవితాంతం తాపత్రయపడుతూనే ఉంటారు. కుటుంబం కోసం ఎన్నో త్యాగాలు చేయడం జరుగుతుంది.
కన్య: కుటుంబ సంక్షేమం సవ్యసాచిలా సంపాదించేవారిలో ఈ రాశివారు మొదటి స్థానంలో ఉంటారు. ఈ రాశివారు ఎప్పుడు చూసినా అదనపు ఆదాయం కోసం పని చేస్తూనే కనిపిస్తారు. కుటుంబం కోసం భాగా ఖర్చుపెడుతూ ఉంటారు. వీరికి రెండు ఆదాయ మార్గాలుంటాయి. జీవిత భాగ స్వామిని అంటి పెట్టుకుని ఉంటారు. జీవిత భాగస్వామితో సంప్రదించనిదే ఏ పనీ చేయరు. ఏ విష యంలోనైనా జీవిత భాగస్వామి మాటలకు అత్యంత ప్రాధాన్యం ఇస్తారు. వీరికి కుటుంబం తర్వాతే ఏదైనా.
తుల: ఈ రాశివారికి జీవిత భాగస్వామే బలం. జీవిత భాగస్వామి పక్కన ఉన్నంతవరకూ ఒక వెలుగు వెలుగుతారు. వృత్తి, వ్యాపారాలు ప్రారంభించే పక్షంలో జీవిత భాగస్వామి పేరు మీదే ప్రారంభి స్తారు. ఏ విషయంలోనైనా నిర్ణయాన్ని జీవిత భాగస్వామికే వదిలివేస్తుంటారు కూడా. జీవిత భాగస్వామి పట్ల, పిల్లల పట్ల వీరు తమ బాధ్యతలను ఎంతో శ్రద్ధగా నిర్వర్తిస్తుంటారు. పిల్లలకు పెళ్లిళ్లు అయిన తర్వాత కూడా వీరు పిల్లల కోసం నిర్విరామంగా పాటుబడుతూనే ఉంటారు.
ధనుస్సు: సాధారణంగా వీరిలో ఆధ్యాత్మిక కోణం ఎక్కువగా ఉంటుంది. ఆ కోణం నుంచే తమ కుటుంబ బాధ్యతలను నిర్వర్తిస్తుంటారు. వీరు జీవిత భాగస్వామి సుఖ సంతోషాల కోసం ఏ పని చేయడాని కైనా వెనుకాడరు. జీవిత భాగస్వామి పట్ల వీరిలో అసాధారణ ప్రేమ వ్యక్తం అవుతుంటుంది. వృత్తి, ఉద్యోగాలపరంగా విడిగా ఉండడానికి కూడా అవకాశమివ్వరు. వీరికి పిల్లలు, జీవిత భాగస్వామి తప్ప మరో సంగతి పట్టదు. కుటుంబం మీద అతిగా ఖర్చు పెట్టేవారిలో వీరు ముందుంటారు.
మకరం: కుటుంబం కోసం తన జీవితాన్ని త్యాగం చేయడంలో వీరిని మించిన వారుండరు. పిల్లల కోసం, పిల్లల భవిష్యత్తు కోసం పాటుబడడానికి వీరికి ఇరవై నాలుగు గంటలు సరిపోదు. వృద్ధాప్యంలో సైతం కష్టపడడం కనిపిస్తుంది. ఈ రాశికి శనీశ్వరుడే రాశినాథుడు, కుటుంబ స్థానాధిపతి కావడం ఇందుకు ప్రధాన కారణం కావచ్చు. పిల్లల భవిష్యత్తు కోసం ప్లాన్లు వేయడంలో వీరికి వీరే సాటి. తమకంటూ వేరే ప్రపంచం లేకుండా చేసుకుంటారు. సాధారణంగా దారి తప్పే అవకాశం ఉండదు.