Lord Ganesh: వామ్మో విఘ్నాలకధిపతి వినాయకుడికి 108 రకాల ప్రసాదాలు.. ఇంతకీ ఎక్కడ..
గణపతి నవరాత్రులు దేశ వ్యక్తంగా ఘనంగా జరుగుతున్నాయి. హిందూ సనాతన ధర్మంలో వినాయకుడునీ ఉండ్రాళ్ళ ప్రియుడని, నైవేద్య ప్రియుడని చెబుతూ ఉంటారు. అందుకే ఏడాదికి ఓసారి వచ్చే వినాయక చవితి ఉత్సవాల్లో స్వామివారికి ప్రసాదానికి ఏ లోటూ లేకుండా చూసుకుంటారు భక్తులు. స్వామి వారికి ఇష్టమైన ఉండ్రాళ్ళ పాయసంతో పాటు వివిధ రకాలైన ఫలాలు సమర్పించి ఆరాధిస్తారు.
108 రకాల వంటకాలను ప్రసాదంగా సమర్పించటం వినాయకుడికి ఎలా ఉందో తెలియదు గానీ అన్నీ రకాల వంటకాలను చూసిన వారిలో నోరూరకుండా ఉన్నవారు లేరు అంటే మాత్రం అతిశయోక్తి కాదు.
కానీ ఇలా వినాయకుడికి రుచికరమైన 108 వంటకాలను ప్రసాదాలుగా సమర్పించి చూసేవారoదరిని అబ్బురపరిచి ఔరా అనిపించారు.
దేవుడికి 108 ప్రదక్షిణాలు చేయటం, 108 టెంకాయలు కొట్టి మొక్కులు చెల్లించటం వంటివి చూసాం...ప్రముఖ పుణ్యక్షేత్రాలలో 108 స్వర్ణ తులసి దళాలు లేదా స్వర్ణ పుష్పాలతో జరిపే ఆర్జిత సేవల గురించి విన్నాం.
ప్రసాదాలు సమర్పించటం తో పాటు మహిళలు పెద్ద సంఖ్యలో పాల్గొని భక్తి శ్రద్ధలతో స్వామివారికి ప్రత్యేక సామూహిక పూజలు చేశారు.
గులాబ్ జాములు, జాంగ్రీలు, బాదుషాలు , పంచదార చిలకలు, బూరెలు, అరిసెలు, పాల కోవాలు, కారపు బూందీ, మురుకులు,చేగోడీలు, పులిహోర, దద్దోజనం ఇలా చెబుతూ పోతే ఒకటా రెండా నోరూరించే అనేక రకాల స్వీట్లు, హాట్ పదార్దాల్న స్వామివారి ముందు కొలువు తీర్చారు భక్తులు.
పార్వతీపురం మన్యం జిల్లా పాలకొండ లోని ఆంజనేయ నగర్ లో గణేష్ ఉత్సవాల్లో భాగంగా శుక్రవారం వినాయకుడికి ప్రసాదాలతో ముంచెత్తారు కాలనీ వాసులు. ఒకటి కాదు రెండు కాదు ఏకంగా 108 రకాల ప్రసాదాలను సమర్పించి తమ భక్తి భావాన్ని చాటుకున్నారు.