Lord Shanidev: మీ కలలో శని దేవుడు ఇలా కనిపించాడా? రానున్న రోజుల్లో మీ ఇంట్లో డబ్బే డబ్బు..!
Lord Shanidev: శనివేవుడు పేరు తలుచుకోవాలంటేనే జనాలు జంకుతారు. ఎందుకంటే శని దృష్టి పడిందంటే జీవితం అస్తవ్యస్తం అవుతుందని విశ్వాసం.
Lord Shanidev: శనివేవుడు పేరు తలుచుకోవాలంటేనే జనాలు జంకుతారు. ఎందుకంటే శని దృష్టి పడిందంటే జీవితం అస్తవ్యస్తం అవుతుందని విశ్వాసం. ఒక్కోసారి కొందరు కలల్లోకి శనిదేవుడు వస్తుంటారు. అలాంటి వారు భయంతో భీతిల్లిపోతుంటారు. కానీ, శనిదేవుడు కలల్లోకి వచ్చినవారు భయపడాల్సిన పనిలేదని చెబుతున్నారు వేద పండితులు. స్వప్న శాస్త్రం ప్రకారం.. శనిదేవుడు కలల్లోకి రావడం శుభసూచికమేనని అంటున్నారు. మరి శనివేవుడు ఏ రూపాలలో కలలోకి వస్తే ఏం జరుగుతుందో ఇవాళ తెలుసుకుందాం..
ఒక వ్యక్తి కలలో కాకిపై స్వారీ చేస్తున్న శని వేవుడి కనిపిస్తే.. అలాంటి కల అశుభానికి చిహ్నం. కాకి శని దేవుడికి సంబంధించినది. అలాంటి కల వస్తే వారి జీవితంలో అశుభ ఫలితాలు మొదలవుతాయి. ఎన్నో ఒడిదుడుకులు ఎదుర్కోవాల్సి వస్తుంది. అలాంటి కల వారి గౌరవాన్ని, ప్రతిష్టను తగ్గిస్తుందని కూడా విశ్వాసం.
రాబందుపై కూర్చున్నట్లుగా శనిదేవుడు కనిపిస్తే.. ఆ కల అశుభమైనది. ఈ కల వచ్చినట్లయితే, వ్యక్తి జీవితంలో అశుభ ఫలితాలు వస్తాయి. చెడు వార్తలు వినాల్సి వస్తుంది. ఇలాంటి కల వస్తే వెంటనే శని దేవుడికి సంబంధించిన పరిహారాలు చేయాలి.
ఒక వ్యక్తి కలలో ఏనుగుపై శని దేవుడి విహరిస్తున్నట్లు కనిపిస్తే అది శుభసూచకంగా పేర్కొంటున్నారు. అలాంటి కల వ్యక్తికి వస్తే వారి జీవితంలో మంచి జరుగబోతుందని అర్థం. ఆనందకరమైన రోజులు వస్తాయి. సంపద, గౌరవం లభిస్తుంది.
కలలో శని దేవుడు నెమలిపై కూర్చున్నట్లు కనిపిస్తే.. ఆ కల కూడా శుభప్రదంగా పరిగణించడం జరుగుతుంది. వారి జీవితంలో శుభ ఫలితాల వస్తాయి. అన్ని సమస్యలూ తొలగిపోతాయి.
ఒక వ్యక్తి కలలో శని దేవుడిని పూజిస్తున్నట్లుగా వస్తే.. ఆ కల మిశ్రమ ఫలితాలను ఇస్తుందని చెబుతున్నారు పండితులు. ఈ కలలు వస్తే శని దేవుడికి సంబంధించిన పరిహారాలు, పూజలు చేయాలి. అయితే, మీరు ఇప్పటికే శని దేవుడిని పూజిస్తున్నా.. ఈ కల వచ్చినట్లయితే, మీ పూజలకు శనీశ్వరుడు సంతోషంగా ఉన్నాడని అర్థం.