Cooking Tips: అర‌ర్రె.. కూరలో ఉప్పు ఎక్కువైందా..? చింతించకండి.. ఇలా చేస్తే సరి..!!
వంట ఏదైనా సరే.. ఉప్పు, కారం సరిగ్గా ఉంటేనే దాని రుచి పెరుగుతుంది. అప్పుడే మనం దాన్ని తినగలం. మన జిహ్వకూ రుచిస్తుంది. ఉప్పు లేని వంటకం నోట్లో కూడా పెట్టుకోలేం. అలాంటి ఉప్పు వంటలో ఎక్కువైతే కూడా నాలుకపై పెట్టలేము. కొన్నిసార్లు చిన్న చిన్న పొరపాట్ల కారణంగా వంటల్లో ఉప్పు ఎక్కువ పడుతూ ఉంటుంది. కొద్దిగా ఉప్పు ఎక్కువైతే పర్లేదని సర్దుకుంటాం. కానీ ఉప్పు మరీ ఎక్కువగా ఉంటే ఆ వంట అస్సలు తినలేం. అలాగని చూస్తూ వంటను చెత్త బుట్టలో పడేయనూ లేము. కూరలో ఉప్పు ఎక్కువైందని బాధపడే వారికోసం కొన్ని సింపుల్ టిప్స్ బాగా ఉపయోగపడతాయి.
కూరలో ఉప్పు ఎక్కువైనప్పుడు బంగాళాదుంప చక్కటి పరిష్కారం అవుతుంది. ఆలూతో కూడా మీరు కూరలో ఉప్పును తగ్గించుకోవచ్చు. ఇందుకోసం ఉడకబెట్టిన బంగాళాదుంపల తొక్కతీసి గుజ్జుగా చేయండి. దీన్ని ఉప్పగా ఉండే కూరగాయలో వేసి కలుపుకుంటే ఉప్పు రుచి తగ్గి కూరలు టేస్టీగా అవుతాయి.
కూరలో ఉప్పు ఎక్కువైనప్పుడు టెన్షన్‌ పడకుండా అందులో కొన్ని తరిగిన టమాటాలు లేదంటే, టమాటా రసం పోసి కలుపుకుంటే సరిపోతుంది. టమాటాల్లో ఉండే నేచురల్ ఎసిడిటీ ఉప్పును బ్యాలెన్స్ చేస్తుంది. కావాలంటే, మీ ఇంట్లో ఎప్పుడైనా వంటల్లో ఉప్పు ఎక్కువైనప్పుడు ఈ చిట్కాను పాటించి చూడండి.
Curd
కూరలో ఉప్పును తగ్గించడానికి మీరు బ్రెడ్ ముక్కలను కూడా ఉపయోగించవచ్చు. అవును బ్రెడ్ ముక్కలు కూడా బంగాళాదుంపల మాదిరిగా ఉప్పును గ్రహిస్తాయి. అలాగే మీరు ఉప్పును తగ్గించడానికి కొబ్బరి పాలను కూడా ఉపయోగించొచ్చు. కొబ్బరి పాలు కూడా వంటల్లో ఎక్కువైన ఉప్పును తగ్గిస్తాయి.
Sugar