Research on Black Hole: కృష్ణబిలాలపై అంతర్జాతీయ పరిశోధన.. భాగస్వామ్యం కానున్న ఐఐటీ హైదరాబాద్ విద్యార్థులు..
Research on Black Hole: కృష్ణబిలాలపై అంతర్జాతీయ పరిశోధన.. భాగస్వామ్యం కానున్న ఐఐటీ హైదరాబాద్ విద్యార్థులు..
కృష్ణబిలాల నుంచి వెలువడే గురుత్వాకర్షణ తరంగాలను కనిపెట్టేందుకు అంతర్జాతీయంగా ఐపీటీఏ పేరుతో పరిశోధనలు జరుగుతున్నాయి.
గురుత్వాకర్షణ తరంగాలపై జరుగుతున్న పరిశోధనల్లో ఐఐటీ హైదరాబాద్ విద్యార్థులు భాగస్వామ్యం కానున్నారు.
దేశంలోని 15 సంస్థలకు చెందిన 25 మంది విద్యార్థులు ఈ పరిశోధనలో పాల్గొననున్నారు.
ఇప్పటికే ఇండియన్ పల్సర్ టైమింగ్ అర్రే పేరుతో పుణెలోని యూజీఎంఆర్‌టీ రేడియో టెలీస్కోపుతో తరంగాలపై పరిశోధనలు చేస్తున్నారు.
ప్రత్యేకమైన పౌనఃపున్యాన్ని గుర్తించగల ఈ టెలిస్కోపు సామర్థ్యం అంతర్జాతీయ పరిశోధనల్లో ఉపయోగపడనుంది.
ఐఐటీ హైదరాబాద్‌కు చెందిన శంతను దేశాయ్‌(అసోసియేట్‌ ప్రొఫెసర్‌, ఫిజిక్స్‌), రాఘవ్‌ గిర్గావంకర్‌(బీటెక్‌ విద్యార్థి, ఇంజినీరింగ్‌ ఫిజిక్స్‌), అశ్విన్‌ పాండే(బీటెక్‌ విద్యార్థి, మెకానికల్‌ ఇంజనీరింగ్‌) ఇప్పటికే ఈ పరిశోధనల్లో భాగస్వాములు కానున్నారు.
అంతర్జాతీయంగా బ్లాక్‌ హోల్స్‌పై జరుగుతున్న పరిశోధనలకు ప్రపంచంలోనే అతిపెద్ద టెలిస్కోపును వినియోగిస్తున్నారు.