Tirumala: ముక్కోటి ఏకాదశి పురస్కరించుకుని తిరుమల శ్రీవారిని దర్శించుకున్న ప్రముఖులు.. చిత్రాలు
దేవదేవుడు కొలువైన సప్తగిరులు ఎప్పుడూ శోభాయమానంగానే దర్శనమిస్తుంటాయి. ముక్కోటి ఏకాదశి రోజు అటు ప్రకృతి కూడా సహకరించినట్టు పొగమంచుతో రమణీయంగా తయారయ్యాయి తిరుమలగిరులు.
దేవదేవుడు కొలువైన సప్తగిరులు ఎప్పుడూ శోభాయమానంగానే దర్శనమిస్తుంటాయి. సెలయేళ్లు, పక్షుల కిలకిలరావాలతో అలరారే ఏడుకొండలు ఇవాళ మరింత అందంగా ముస్తాబయ్యాయి. ముక్కోటి ఏకాదశి రోజు అటు ప్రకృతి కూడా సహకరించినట్టు పొగమంచుతో రమణీయంగా తయారయ్యాయి తిరుమలగిరులు.
వైకుంఠ ఏకాదశి సందర్భంగా ఆలయం రంగురంగుల పుష్పాలతో ముస్తాబైంది. ఒకవైపు శ్రీవారి స్వర్ణ రథం కదిలి వస్తుంటే.. ఏడుకొండలపై పొగమంచు పరుచుకుంది. సృష్టిలోని అందమంతా అక్కడే కొలువై ఉందా ? అనే చందంగా ఏడుకొండలు కనువిందు చేస్తున్నాయి. సప్తగిరులకు ప్రకృతి కొత్త అందాలద్దింది.
ముక్కోటి ఏకాదశి రోజు వైకుంఠ ద్వారం ద్వారా స్వామి వారిని దర్శించుకుంటే ముక్తిని ప్రసాదిస్తాడని భక్తుల నమ్మకం. అందుకే వీఐపీ రాత్రి ఒంటి గంటనుంచి 4 గంటల వరకు, సాధారణ భక్తులు తెల్లవారుజామున 4 గంటల నుంచి శ్రీవారిని దర్శించుకుంటున్నారు.
ఏడుకొండలవాడిని దర్శించుకునేందుకు వీఐపీలు, వీవీఐపీలు క్యూ కట్టారు. తెలుగు రాష్ట్రాల మంత్రులు, ప్రజా ప్రతినిధులతో పాటు సుప్రీంకోర్ట్‌ చీఫ్‌ జస్టిస్‌ వరకు శ్రీవారిని దర్శించుకున్న వారిలో ఉన్నారు.
ముక్కోటి ఏకాదశి సందర్భంగా ఊరేగుతున్న స్వర్ణ రథాన్ని లాగి పునీతులయ్యారు ప్రముఖులు. తెలంగాణ రాష్ట్ర ఆర్థిక, ఆరోగ్య శాఖమంత్రి హరీష్ రావు శ్రీవారిని దర్శించుకున్నారు.
ఉదయం నైవేద్య విరామ సమయంలో టీడీపీ ఎంపీ గల్లా జయదేవ్, హీరో అశోక్ గల్ల, హీరోయిన్ నిధి అగర్వాల్, డైరెక్టర్ శ్రీ రామ్ అధిత్య ఆలయంలోకి వెళ్లి స్వామివారి మూలవిరాట్టును దర్శించుకున్నారు
ముక్కోటి ఏకాదశి సందర్భంగా తిరుమలకు వచ్చే భక్తుల కోసం అన్ని ఏర్పాట్లు చేశామన్నారు ఏపీ దేవాదాయశాఖ మంత్రి వెల్లంపల్లి శ్రీనివాస్‌. తెల్లవారుజాము నుంచే వేలాది మంది భక్తులు దర్శించుకుంటున్నారని తెలిపారు.
ముక్కోటి ఏకాదశి సందర్భంగా శ్రీవారిని దర్శించుకోవడం పూర్వ జన్మ సుకృతమంటున్నారు ఎమ్మెల్యే రోజా. ఎన్నిసార్లు దర్శించుకున్నా తనివి తీరదన్నారు.
రైతులతో పాటు ప్రజలంతా సుభిక్షంగా ఉండాలని శ్రీవారిని వేడుకున్నానని తెలిపారు మంత్రి తలసాని శ్రీనివాస్‌యాదవ్‌. తెలంగాణ ప్రభుత్వం ప్రజల కోసం అనేక సంక్షేమ పథకాలు ప్రవేశపెట్టి అమలు చేస్తోందని తెలిపారు.
ఏపీ మాజీ హోంమంత్రి చినరాజప్ప తిరుమలలో శ్రీవారిని దర్శించుకున్నారు. అంతకు ముందు రోజుకు లక్ష మందికి దర్శనం లభించేదని, ఇప్పుడు రోజుకు 30 వేల మందికి మాత్రమే స్వామి దర్శనం లభిస్తోందన్నారు.
వైకుంఠ ద్వారా దర్శనం ద్వారా వేలాది మంది భక్తులు స్వామి వారిని దర్శించుకుంటున్నారు. ఇవాళ 45 వేల మంది వరకు భక్తులు శ్రీవారిని దర్శించుకునే అవకాశం ఉందని టీటీడీ అధికారులు తెలిపారు.
స్వామి వారిని దర్శించుకుంటే ముక్తిని ప్రసాదిస్తాడని భక్తుల నమ్మకం. అందుకే వీఐపీ రాత్రి ఒంటి గంటనుంచి 4 గంటల వరకు, సాధారణ భక్తులు తెల్లవారుజామున 4 గంటల నుంచి శ్రీవారిని దర్శించుకుంటున్నారు.
సుప్రీంకోర్ట్‌ చీఫ్‌ జస్టిస్‌ వరకు శ్రీవారిని దర్శించుకున్న వారిలో ఉన్నారు.
ముక్కోటి ఏకాదశి సందర్భంగా ఊరేగుతున్న స్వర్ణ రథాన్ని లాగి పునీతులయ్యారు ప్రముఖులు.