Kitchen Hacks: గోడపై పడ్డ ఆయిల్ మరకల్ని ఇలా ఈజీగా పోగొట్టుకోవచ్చు..
ప్రస్తుత కాలంలో ఇంటికి ఎంతో ఖరీదైన పెయింట్స్ని వేయిస్తూ ఉంటున్నారు. అయితే ఒక్కోసారి అనుకోకుండా ఇంట్లోని గోడలపై ఆయిల్ మరకలు పడుతూ ఉంటాయి. ఈ ఆయిల్ మరకలు అంత సులభంగా పోవు. కానీ ఇలా ట్రై చేశారంటే ఖచ్చితంగా గోడపై పడ్డ ఆయిల్ మరకలు ఈజీగా పోతాయి..
సాధారణంగా ఇంట్లో లేదా బయట ఉన్న గోడలపై అనేక మరకలు పడుతూ ఉంటాయి. కర్రీలు వంటి లేదా ఇతర మరకల్ని ఎలాగోలా వదిలించుకోవచ్చు. కానీ ఆయిల్ మరకలు అంత తేలిగ్గా పోవు. మళ్లీ పెయింట్ వేయాల్సిందేనని బాధ పడుతూ ఉంటారు.
కానీ ఈ చిట్కాలను ట్రై చేశారంటే ఖచ్చితంగా ఆయిల్ మరకల్ని వదిలించుకోవచ్చు. గోడపై పడ్డ ఆయిల్ మరకల్ని వదిలించడంలో వెనిగర్ ఎంతో చక్కగా సహాయ పడుతుంది.
ముందుగా మీ ఇంట్లో ఉన్న ఏదో ఒక పిండిని.. గోడలపై చల్లండి. ఓ పావు గంట సేపు పక్కకు వదిలేయండి. అలా చల్లడం వల్ల పిండి నూనెను గ్రహిస్తుంది.
ఆ తర్వాత ఒక గిన్నె తీసుకుని అందులో కొద్దిగా నీరు, వైట్ వెనిగర్ కలిపి మిక్స్ చేయండి. స్పాంజ్ లేదా సాఫ్ట్గా ఉండే ఒక క్లాత్ తీసుకుని నీటిలో ముంచి గోడలపై రుద్దండి. ఇలా చేస్తే గోడలపై నూనె మరకలు పోతాయి.
అదే విధంగా బేకింగ్ సోడాతో కూడా నూనె మరకల్ని వదిలించుకోవచ్చు. గోరు వెచ్చని నీటిలో కొద్దిగా డిటర్జెంట్ లిక్విడ్ లేదా పౌడర్, బేకింగ్ సోడా వేసి మిక్స్ చేసి.. ఓ క్లాత్తో తుడిస్తే ఆయిల్ మరకలు పోతాయి.