Navratri Home Decor Tips: నవరాత్రికి ఇంటిని అందంగా అలంకరించేందుకు ఈ సింపుల్ చిట్కాలు మీకోసం
నవరాత్రులు ప్రారంభం కావడానికి కొన్ని రోజులు మాత్రమే మిగిలి ఉన్నాయి. అటువంటి పరిస్థితిలో ప్రజలు ఈ పండుగ కోసం ముందుగానే సన్నాహాలు ప్రారంభిస్తారు. నవరాత్రుల సందర్భంగా తమ ఇళ్లను అలంకరించుకోవడానికి ఇష్టపడతారు. ఈనేపధ్యంలో మీ ఇంటిని అలంకరించుకోవడానికి కొన్ని చిట్కాలు ఈరోజు తెలుసుకుందాం. ఇంటిని అలంకరించుకోవడానికి వాటిని అనుసరించవచ్చు.
హిందూమతంలో నవరాత్రి పండుగకు ప్రత్యేక ప్రాముఖ్యత ఉంది. ఈ పండుగ సందర్భంగా, ప్రజలు ఉపవాసం ఉంటారు. దుర్గాదేవి తొమ్మిది రూపాలను పూజిస్తారు. ఈ పండుగ తొమ్మిది రోజుల పాటు జరుపుకుంటారు. పండుగ సన్నాహాలు కొన్ని రోజుల ముందుగానే ప్రారంభిస్తారు. ఈ సమయంలో మీరు మీ ఇంటిని అందంగా ఎలా అలంకరించుకోవచ్చో తెలుసుకుందాం.
మట్టి దీపాలు: మీరు మీ ప్రియమైన వారితో ఇంట్లోనే మట్టి దీపాలతో, రంగులతో అందంగా అలంకరించవచ్చు.రంగురంగుల దీపాలను వెలిగిస్తే చాలా అందంగా కనిపిస్తాయి. ఇవి మీ ఇంటి అందాన్ని మరింత పెంచేందుకు పని చేస్తాయి.
కర్టెన్లు: ఇంటి కర్టెన్లను మార్చండి. రంగురంగుల లేదా మీకు నచ్చిన కర్టెన్లను ఏర్పాటు చేసుకోండి. పండగ సీజన్కు మంచి ఎంపిక ఇంట్లో రంగు కాగితంతో చేసిన వాల్ హ్యాంగింగ్. ఇవి ఇంటికి అందమైన రూపాన్ని ఇస్తాయి.
పూలు: పండుగల సీజన్లో ఇంటిని తాజా పువ్వులను ఉపయోగించి అందంగా అలంకరించవచ్చు. బంతి పువ్వు, మందార వంటి సీజనల్ పువ్వులను ఉపయోగించవచ్చు. దండను తయారు చేసి.. వాటిని అందంగా అలంకరించుకోవచ్చు. ఇవి ఇంటిని అందంగా మార్చడంతోపాటు సువాసన వెదజల్లేందుకు సహకరిస్తాయి.
ముగ్గులు: నవరాత్రి పండుగ శోభను ముగ్గులు మరింత కలుగజేస్తాయి. రంగులు లేదా పువ్వుల ముగ్గులు బెస్ట్ ఎంపిక. ఇంటి ప్రధాన ద్వారం ముందు లేదా పూజా మందిరం ముందు ముగ్గును వేసుకోవచ్చు. నిజంగా ఇంటి అందాన్ని ముగ్గులు మరింత పెంచుతాయి.