Pilot whales: అమ్మో బాబోయ్.. సముద్ర తీరంలోకి కొట్టుకొచ్చిన వందలాది తిమింగలాలు
ఆస్ట్రేలియాలోని ఓ సముద్ర తీరంలో 100కు పైగా పైలట్ తిమింగలాలు కొట్టుకురావడం అందర్ని ఆశ్చర్యం కలిగించింది. అందులో దాదాపు 50 కి పైగా ప్రాణాలు కోల్పోయాయి. మిగిలిన తిమింగలాలను రక్షించేందుకు సహాయక బృందాలు ప్రయత్నిస్తున్నాయి.
ఆస్ట్రేలియాలోని ఓ సముద్ర తీరంలో 100కు పైగా పైలట్ తిమింగలాలు కొట్టుకురావడం అందర్ని ఆశ్చర్యం కలిగించింది. అందులో దాదాపు 50 కి పైగా ప్రాణాలు కోల్పోయాయి. మిగిలిన తిమింగలాలను రక్షించేందుకు సహాయక బృందాలు ప్రయత్నిస్తున్నాయి.
తూర్పు అల్బానికి సుమారు 60 కి.మీ దూరంలో ఉన్న చెయిన్స్ బీచ్‌లో ఈ ఘటన జరిగింది. మంగళవారం సాయంత్రం తీరానికి డజన్ల కొద్ది తిమింగలాలు కొట్టుకొచ్చి.. ఇసుకలో చిక్కుకుపోయాయి. బుధవారం ఉదయం 36 తిమింగలాలు మృతి చెందగా వీటి సంఖ్య ఇప్పుడు 51కి చేరింది.
ఈ తీరం వద్దకు రావద్దని అధికారులు అక్కడి ప్రజలను కోరారు. మరోవైపు ఈ బీచ్‌లో తిమింగలాల కళేబరాల నుంచి వచ్చే వాసన షార్క్ చేపలను విపరీతంగా ఆకర్షిస్తుందని అధికారులు తెలిపారు. అందుకు ఈ ప్రాంతాల్లో సముద్రం వద్దకు వెళ్లకూడదని హెచ్చరిస్తున్నారు.
వాస్తవానికి పైలట్ తిమింగలాలు అనేవి చాలా అరుదైన జీవులు. ఇవి రెండు మూడు సంవత్సరాలకొకసారి బిడ్డకు జన్మనిస్తాయి. అలాగే ఆ బిడ్డను పెంచేందుకు తల్లి కొన్ని నెలల పాటు తిండి లేకుండా ఉండాల్సి వస్తుంది. అలాగే ఆ బిడ్డ పెరిగి తోడు వెతుక్కునే వరకు దాన్ని కాపాడుకునేందుకు కొన్ని తిమింగాలు మళ్లి గర్భం దాల్చకుండా జాగ్రత్తపడతాయి.
పునరుత్పత్తి దశ దాటాక ఎక్కువ కాలం జీవించే ప్రాణి మనిషి. ఆ తర్వాత తిమింగలాలే. 40 ఏళ్ల నాటికి తిమింగలాలు పునరుత్పత్తి శక్తిని కోల్పోతాయి. 50, 60 ఏళ్ల వయసులో మెనోపాజ్‌కి గురవుతాయి. ఈ మధ్య కాలంలో తరచూదా ఆస్ట్రేలియా తీరానికి పైలట్ తమింగాలాలు వందల సంఖ్యలో కొట్టుకొచ్చి ప్రాణాలు కోల్పోతున్నాయి.