Migraine Remedies: అకస్మాత్తుగా మైగ్రేన్ నొప్పి వస్తే ఇలా చేయండి.. బాధ నుంచి చిటికెలో రిలీఫ్ వస్తుంది
మైగ్రేన్ ఉన్నవారికి తలనొప్పి విపరీతంగా వస్తుంది. ఆ బాధ వారికే అర్థమవుతుంది. నొప్పి తలకు ఒకవైపు నుంచి మొదలై తల మొత్తం వ్యాపిస్తుంది. ఏ పనీ చేయలేదు. ఆ బాధ వర్ణనాతీతం. శరీరంలో సెరోటోనిన్ రసాయన సమతుల్యత కోల్పోయినప్పుడు మైగ్రేన్ సమస్య వస్తుందని నిపుణులు అంటున్నారు. చాలా సందర్భాలలో మైగ్రేన్లకు జన్యుపరమైన కారకాల వల్ల కూడా తలెత్తుతుంది..
మైగ్రేన్ సమస్య ఉంటే ఆల్కహాల్ డ్రింక్స్ ముట్టుకోకూడదు. మైగ్రేన్తో బాధపడేవారిలో 35 శాతం మంది అతిగా తాగుతారని అధ్యయనాలు చెబుతున్నాయి. మైగ్రేన్లకు రెడ్ వైన్ అత్యంత హానికరం. మైగ్రేన్ తలనొప్పి ఉన్నవారు చక్కెర పానీయాలు, ఆహారాలు, స్వీట్లను నివారించాలి. ఇటువంటి ఆహారాలు మైగ్రేన్ నొప్పిని తీవ్రతరం చేస్తాయి. కాఫీలో కూడా చాలా కెఫిన్ ఉంటుంది. అందువల్ల కాఫీ అధికంగా తీసుకోవడం వల్ల మైగ్రేన్ వచ్చే ప్రమాదం ఉంది. కాఫీ మాత్రమే కాదు కెఫిన్ ఉన్న ఏ ఆహారాన్ని కూడా ఎక్కువగా తీసుకోరాదు.
మైగ్రేన్ సమస్య అధికంగా ఉప్పు తినడం మానుకోవాలి. కాబట్టి ఉప్పు ఎక్కువగా ఉన్న ఆహారాలు తినడం మంచిది కాదు. ఉప్పులో ఉండే సోడియం మైగ్రేన్ మాత్రమే కాకుండా అధిక రక్తపోటు, అలసటను కూడా కలిగిస్తుంది.
మైగ్రేన్లు ఒకసారి వస్తే.. ఈ నొప్పిని వదిలించుకోవటం అంత సులభం కాదు. కానీ నొప్పిని నివారించడానికి కొన్ని ఆహారాలకు దూరంగా ఉండాలంటున్నారు ఆరోగ్య నిపుణులు. ముఖ్యంగా చాక్లెట్లకు దూరంగా ఉండాలి. చాక్లెట్ మైగ్రేన్లను మరింత తీవ్రతరం చేస్తుంది. చాక్లెట్ ఆధారిత పానీయాలు, స్వీట్లు, చాక్లెట్ ఆధారిత ఆహారాలు తినడం నొప్పిని మరింత తీవ్రతరం చేస్తుంది. చాక్లెట్లోని కెఫిన్, టానిన్ల వల్ల ఇది జరుగుతుంది.
తలనొప్పి ప్రారంభమైతే కోల్డ్ కంప్రెస్ ఇవ్వాలి. మెడ, తలపై కోల్డ్ కంప్రెస్ చేయడం వల్ల మైగ్రేన్ నొప్పి తగ్గుతుంది. అంతేకాకుండా లావెండర్ ఎసెన్షియల్ ఆయిల్తో తలకు మసాజ్ చేయడం వల్ల కూడా ప్రయోజనాలు పొందవచ్చు.
మైగ్రేన్లు జన్యుపరమైనవి. కుటుంబంలో ఎవరైనా ఉన్నట్లయితే ఈ వ్యాధి జన్యుపరంగా సంక్రమిస్తుంది. మెదడులోని 'ట్రైజెమినల్ నర్వ్' ఉత్తేజితం అయినప్పుడు ఈ నొప్పి వస్తుంది. అలాగే 'సెరోటోనిన్' అనే రసాయనం సమతుల్యత దెబ్బతిన్నా కూడా ఈ నొప్పి వచ్చే అవకాశం ఎక్కువ.