Masoor Dal: మీకూ పప్పుచారు ఇష్టమా? అయితే దీని సైడ్‌ ఎఫెక్ట్స్‌ మీరు తప్పక తెలుసుకోవాలి
ప్రతి ఇంట్లో పప్పు చారు లేకుండా రోజు గడవదు. మన రోజువారీ ఆహారంలో పప్పు తప్పనిసరిగా తీసుకుంటూ ఉంటాం. కంది పప్పులో ప్రోటీన్లు పుష్కలంగా ఉంటాయి. పప్పులో ప్రొటీన్‌తో పాటు పీచు పదార్థాలు కూడా ఎక్కువగా ఉంటాయి. ఇది రక్తపోటును నియంత్రించడంలో కూడా ముఖ్యమైన పాత్ర పోషిస్తుంది. అందుకే రక్తహీనతతో బాధపడుతున్నవారికి వైద్యులు కంది పప్పు తినాలని సిఫార్సు చేస్తుంటారు..
ప్రతి ఇంట్లో పప్పు చారు లేకుండా రోజు గడవదు. మన రోజువారీ ఆహారంలో పప్పు తప్పనిసరిగా తీసుకుంటూ ఉంటాం. కంది పప్పులో ప్రోటీన్లు పుష్కలంగా ఉంటాయి. పప్పులో ప్రొటీన్‌తో పాటు పీచు పదార్థాలు కూడా ఎక్కువగా ఉంటాయి. ఇది రక్తపోటును నియంత్రించడంలో కూడా ముఖ్యమైన పాత్ర పోషిస్తుంది. అందుకే రక్తహీనతతో బాధపడుతున్నవారికి వైద్యులు కంది పప్పు తినాలని సిఫార్సు చేస్తుంటారు.
అనేక పోషకాలు ఉన్నప్పటికీ పప్పు ఎక్కువగా తీసుకుంటే ఆరోగ్యానికి బదులు హాని తలెత్తుతుందని నిపుణులు అంటున్నారు. నిజానికి పప్పు అందరికీ మేలు చేయదు. కొన్ని ఆరోగ్య సమస్యలున్న వారు దీనిని అస్సలు తీసకూడదట. పప్పు ఎక్కువగా తినడం వల్ల ఎలాంటి సమస్యలు వస్తాయో ఆయుర్వేద నిపుణుల మాటల్లో మీ కోసం..
యూరిక్ యాసిడ్ సమస్య ఉన్నవారు కంది పప్పును అస్సలు తినకూడదు. పప్పులో ఉండే ప్యూరిన్లు శరీరంలో యూరిక్ యాసిడ్ మొత్తాన్ని మరింత పెంచుతాయి. కీళ్ల నొప్పులకు కూడా కారణం అవుతుంది. అలాగే ఏదైనా కిడ్నీ సంబంధిత సమస్యలతో బాధపడేవారు కూడా పప్పు ఎక్కువగా తినకూడదు. ఇది కిడ్నీ సమస్యలను మరింత పెంచుతుంది.
ఎవరైనా పప్పుతో అలర్జీ కలిగితే అలాంటి వారు కూడా పప్పు తినకుండా ఉండాలని సూచిస్తున్నారు. పప్పులో ఫైబర్ పుష్కలంగా ఉంటుంది. కాబట్టి గ్యాస్ సమస్యతో బాధపడేవారు పప్పు తినడం వల్ల గ్యాస్ సమస్య మరింత పెరుగుతుంది.
అయితే ఈ సమస్యలన్నీ లేని వారికి కంది పప్పు ఎంతో మేలు చేస్తుంది. అయితే నిర్ణీత మోతాదులో మాత్రమే తింటే ఆరోగ్యానికి మంచిది. ఏదైనా అతిగా తీసుకుంటే అది శరీరానికి మంచిది కాదు.