Mango Side Effects: ఈ ఆరోగ్య సమస్యలున్నవారు మామిడి పండుని పొరపాటున కూడా తినవద్దు.. కోరి కష్టాలు తెచ్చుకున్నట్లే..
వేసవి కాలం వచ్చిందంటే చాలు వయసుతో నిమిత్తం లేకుండా అందరూ మామిడి పండు కోసం ఆసక్తిగా ఎదురు చూస్తారు. మామిడికాయ పప్పు, ఆవకాయ ఇలా రకరకాల ఆహార పదార్దాలను అత్యంత ఇష్టంగా తింటారు. ఇంకా చెప్పాలంటే మామిడిని పచ్చిగానో, పండినప్పుడో తినని వారు చాలా అరుదు. విటమిన్ ఎ, సి, బి6, మామిడితో సహా వివిధ పోషకాలు పుష్కలంగా ఉండటం వల్ల ఆరోగ్యానికి కూడా మేలు చేస్తుంది. అయితే మామిడి పండ్లను తినడం వల్ల ఎన్ని ఆరోగ్య ప్రయోజనాలున్నాయో అదే విషంగా కొన్ని దుష్ప్రభావాలు కూడా ఉన్నాయి. కొన్ని రకాల అనారోగ్యలతో బాధపడేవారు ఇష్టమైనా సరే.. మామిడి పండును తినవద్దు. కనుక ఈ రోజు మామిడి పండును ఎవరు తినకూడదో తెలుసుకుందాం..
మామిడి పండ్లలో పోషకాలు చాలా ఎక్కువ. ఇందులో ఎ, బి, సి విటమిన్లతో పాటు ప్రొటీన్లు, పీచులు, కాపర్‌, పొటాషియం, మెగ్నీషియంలాంటి మినరళ్లు అధిక మోతాదులో ఉంటాయి. శరీరానికి తక్షణ శక్తినిచ్చే కార్బొహైడ్రేట్లు కూడా ఎక్కువే. ఇందులో ఉండే సహజ చక్కెరలు షుగర్ స్థాయులను పెంచుతాయి. డయాబెటిస్ ఉన్నవారు మామిడికాయ తినవచ్చు, కానీ కొన్ని జాగ్రత్తలు తీసుకోవాలి.
పోషకాహార నిపుణులు, వైద్యుల అభిప్రాయం ప్రకారం మామిడిపండ్లను తక్కువ మొత్తంలో తింటే మధుమేహ రోగుల ఆరోగ్యంపై పెద్దగా ప్రభావం చూపదు. నియమం ప్రకారం టిఫిన్ సమయంలో మరింత రుచిని అందించడానికి మామిడి పండు ముక్కను తినడం మధుమేహ వ్యాధిగ్రస్తుల శరీరానికి ఎటువంటి హాని కలిగించే అవకాశం లేదు. అయితే ఎక్కు మోతాదులో మామిడి పండ్లు తింటే రక్తంలో చక్కెర స్థాయిలు పెరిగే అవకాశం ఉంది. డయాబెటిస్ ఉన్నవారు తమ వైద్యులను సంప్రదించి మామిడి పండ్లను తీసుకుంటే మంచిది.
మీ రక్తంలో చక్కెర స్థాయిలను ఎప్పటికప్పుడు చెక్‌ చేసుకోవాలి. మామిడిలో చక్కెర ఎక్కువగా ఉన్నప్పటికీ ఇది డయాబెటిస్ ఉన్నవారికి కొన్ని ప్రయోజనాలను కూడా కలిగి ఉంటుంది. మామిడిలో ఫైబర్ పుష్కలంగా ఉంటుంది, ఇది రక్తంలో చక్కెర స్థాయిలను నియంత్రించడంలో సహాయపడుతుంది.
ఇతర పండ్లతో పోలిస్తే మామిడి పండులో పీచు పదార్థం తక్కువగా షుగర్ లెవెల్ ఎక్కువగా ఉంటుంది. కనుక ఈ పండ్లను అధికంగా తింటే బరువు పెరుగుతారు. ఇష్టమని మామిడి పండ్లను అదే పనిగా తింటే బరువు పెరుగుతారు.
పండిన మామిడి పండు యూరిక్ యాసిడ్ స్థాయిలను పెంచుతుంది. కనుక యూరిక్ యాసిడ్ సమస్య లేదా కీళ్ల నొప్పులతో బాధపడేవారు మామిడి పండ్లను తినకూడదు
భరించలేని వేడిలో అత్యంత ప్రయోజనకరమైన, రుచికరమైన పండ్లలో ఒకటి మామిడి. ముఖ్యంగా వేడిగా ఉన్న రోజుల్లో మామిడికాయలు తినకుండా పాస్తా తినాలి. మామిడి పండు మాత్రమే కాదు, మామిడి రసం కూడా చాలా ఉపయోగకరమైన రిఫ్రెష్ పానీయం. అయితే ఎక్కువగా తింటే డయేరియా బారిన పడే అవకాశం ఉంది. డ
చర్మ అలెర్జీలు, మొటిమలు, కురుపులు ఉంటే మామిడి పండ్లకు దూరంగా ఉండండి. అతిగా పండిన మామిడి పండ్లను తినడం వల్ల చర్మంపై మొటిమలు, దద్దుర్లు, కురుపుల సమస్య పెరుగుతుంది. కనుక అలర్జీ లేదా మొటిమల సమస్య ఉంటే మామిడి పండుని తినే ముందు వైద్యుడిని సంప్రదించండి
వేసవిలో మామిడి పండ్లు తిన్నా షుగర్ పెరుగుతుంది. మామిడిలో అధిక మొత్తంలో ఫ్రక్టోజ్ ఉంటుంది. ఈ పండు గ్లైసెమిక్ ఇండెక్స్ కూడా ఎక్కువగా ఉంటుంది. ప్రతిరోజూ మామిడి పండ్లను తినడం వల్ల ఎప్పుడైనా షుగర్ పెరిగే అవకాశం ఉంది.