Indian Railways: రైల్వే స్టేషన్‌లోని పసుపు బోర్డుపై పీహెచ్ అని ఎందుకు రాస్తారో తెలుసా..? దాని అర్థం ఏంటో తెలుసా?
Indian Railway: భారతీయ రైల్వేలు, యునైటెడ్ స్టేట్స్, చైనా, రష్యా తర్వాత ప్రపంచంలో నాల్గవ అతిపెద్ద నెట్‌వర్క్ కలిగిన రవాణా వ్యవస్థ. మనలో చాలా మందికి రైలు ప్రయాణం అనుభవం తప్పనిసరిగా ఉంటుంది. అయితే సాధారణంగా రైల్వే స్టేషన్లలో స్టేషన్ నేమ్‌ బోర్డులు కనిపిస్తుంటాయి. అయితే, రైలులో ప్రయాణిస్తున్నప్పుడు స్టేషన్ పేరు మీద 'PH' అని రాసి ఉండటాన్ని మీరు ఎప్పుడైనా చూశారా? మీరు చూసినట్లయితే, దాని అర్థం ఏమిటో మీరు ఎప్పుడైనా ఆలోచించారా?
వాస్తవానికి, 'PH' అంటే ప్యాసింజర్ రైలు స్టాప్ మాత్రమే. ఈ స్టేషన్ ప్యాసింజర్ రైళ్లకు మాత్రమే, గూడ్స్ రైళ్లు లేదా మెయిల్/ఎక్స్‌ప్రెస్ రైళ్లు ఈ స్టేషన్‌లో ఆగవు. కానీ, ప్యాసింజర్ రైలు లోకో పైలట్ ఇక్కడ నుంచే ఆపి స్టార్ట్ చేస్తాడు. లోకో పైలట్ సూచనల ప్రకారం, రైలు ఇక్కడ 2 నిమిషాలు ఆగుతుందని అర్థం.
'PH' అంటే 'ప్యాసింజర్స్ స్టాప్'. ఈ స్టేషన్లు నిజానికి 'D' కేటగిరీ స్టేషన్‌ల కిందకు వస్తాయి. లూప్ లైన్ లేకపోవడం, సిగ్నలింగ్ కారణంగా ఈ స్టేషన్లలో ఉద్యోగులను నియమించడం లేదు. కాబట్టి ఈ స్టేషన్ ప్యాసింజర్ రైలు స్టాప్ కోసం మాత్రమే.
ఇటువంటి PH స్టేషన్లు సాధారణంగా చిన్న గ్రామాలు లేదా మారుమూల ప్రాంతాల్లో కనిపిస్తాయి. ప్యాసింజర్ రైలు లోకో పైలట్ సూచనల ప్రకారం, రైలు ఇక్కడ 2 నిమిషాలు ఆగుతుంది
ఈ స్టేషన్లలో టిక్కెట్లను ఎవరు విక్రయిస్తారు అనే ప్రశ్న తలెత్తవచ్చు. టిక్కెట్లను విక్రయించేందుకు రైల్వే శాఖ స్థానిక వ్యక్తులను కాంట్రాక్ట్, కమీషన్ ప్రాతిపదికన నియమించుకుంటుంది.
టిక్కెట్ విక్రయాల సంఖ్య ఆధారంగా ఈ స్టేషన్లలో టిక్కెట్ కౌంటర్లు, ప్లాట్‌ఫారమ్‌లు, ఫుట్ ఓవర్ బ్రిడ్జిల వంటి కొన్ని సౌకర్యాలను రైల్వే శాఖ ఏర్పాటు చేస్తుంది.