గోంగూర ఉల్లి కారం ఇలా చేస్తే.. ఆహా అదిరిందంటూ వదలకుండా మొత్తం లాగించేస్తారు
గోంగూర ఉల్లి కారం ఎప్పుడైనా తిన్నారా.. మీకు పుల్ల పుల్లగా తినాలనిపిస్తే ఈ రెసిపీ ఇంట్లో ట్రై చేసి తినండి రుచి అదిరిపోతోంది. మరి, ఇంకెందుకు లేట్, ఈ గోంగూర ఉల్లి కారం ఎలా తయారు చేయాలో ఇక్కడ చూద్దాం. అన్నం, చపాతీల్లోకి చాలా రుచికరంగా ఉంటుంది
కావాల్సిన పదార్దాలు : గోంగూర, రెండు ఉల్లిపాయలు, 3 పచ్చిమిర్చి , 4 ఎండుమిర్చి , ధనియాల పొడి, 4 వెల్లుల్లి రెబ్బలు, 3 టేబుల్ స్పూన్స్ నూనె, రుచికి తగినంత ఉప్పు,తాలింపు గింజలు తీసుకోవాలి.
ముందుగా గోంగూరను నీటిలో మూడు సార్లు కడిగి ఫ్యాన్ కింద ఆరబెట్టుకోవాలి. ఆ తర్వాత వీటిని పాన్ లో నూనె వేసి రంగు మారే వరకు వేయించి పక్కన పెట్టుకోవాలి.
ఇక ఇప్పుడు రోటిలో 4 ఎండుమిర్చి, ఉల్లిపాయ ముక్కలు, వెల్లుల్లి రెబ్బలు, రుచికి సరిపడా ఉప్పు, కొంచం కారం వేసి నూరుకోవాలి. మరి పేస్ట్ లాగా చేసుకోకండి.
అలా నూరుకున్న గోంగూరను ఒక గిన్నెలోకి తీసుకోండి. దానిలో వెల్లుల్లిని దంచి వేయండి. దీని వలన రుచి కరంగా ఉంటుంది. ఒకసారి చేతితో మిక్స్ అయ్యేలా కలపండి.
తాలింపు కోసం స్టవ్ వెలిగించి దానిలో నూనె వేసి ఆ తర్వాత పచ్చడిని వేసి పోపు పెట్టి ఒక గిన్నెలోకి తీసుకోండి. అంతే, వేడి వేడి గోంగూర ఉల్లి కారం రెడీ.