Srilakshmi C |
Updated on: Apr 09, 2022 | 3:49 PM
Signs and Symptoms of a Hacked Smartphone: మీ ఆండ్రాయిడ్ స్మార్ట్ ఫోన్ హ్యాక్ అయ్యిందో? లేదో? ఈ సింపుల్ సంకేతాలను బట్టి సులువుగా కనిపెట్టొచ్చు..
ఐఫోన్ల కంటే ఆండ్రాయిడ్ ఫోన్లు కాస్త ఎక్కువ సురక్షితమైనవి. నిపుణులు కూడా చెప్పారు. ఆండ్రాయిడ్ ఫోన్ కంటే ఐఫోన్ను మరింత సురక్షితంగా ఉంచే కొన్ని ఫీచర్లు ఐఫోన్లో ఉన్నాయి. ఆండ్రాయిడ్ ఫోన్ హ్యాక్ చేయబడిందని ఎలా అర్థం చేసుకోవాలో చూద్దాం.
బ్యాటరీ వెంటనే దిగిపోతుంటుంది.. మీ ఫోన్ కొంచెం సమయం వాడినా ఛార్జింగ్ వెంట వెంటనే తగ్గిపోతూ ఉందంటే.. మీ ఆండ్రాయిడ్ ఫోన్ హ్యాకయ్యిందేమోనని అనుమానించాలి.
ఇలా జరగకుండా ఉండాలంటే మీ ఫోన్లో కొత్త యాప్లను ఇన్స్టాల్ చేయకుండా ఉండాలి లేదా కొంచెం అనుమానాస్పదంగా కనిపించే వెబ్సైట్లను ఓపెన్ చెయ్యకుండా ఉండాలి. ఎందుకంటే మీ ఫోన్లో ఈ యాప్లు లేదా వెబ్సైట్లను ఓపెన్ చేస్తే, మీకు తెలియకుండానే మీ వ్యక్తిగత సమాచారం థర్డ్ పార్టీ చేతుల్లోకి వెళ్తుంది.
మరో సంకేతం ఏంటంటే.. మీ ఫోన్ డేటా వేగంగా అయిపోవడం. అవును.. మీ ఫోన్ డేటా స్పీడ్గా ఐపోతున్నా, ఫోన్ హ్యాక్ అయ్యిందేమోనని సందేహించాల్సిందే! ఎందుకంటే ఒక ఫోన్కు సంబంధించిన యూజర్ వ్యక్తిగత సమాచారం థర్డ్ పార్టీకి చేరితే, ఆ ఫోన్ నుంచి సైబర్ నేరగాళ్లు నిరంతరంగా సమాచారం సేకరిస్తూనే ఉంటారు. అందువల్ల ఇంటర్నెట్ డేటా వేగంగా ఖర్చవుతుంది.
మీ ఫోన్ను ఓపెన్ చేసినప్పుడు ఫోన్ సడన్గా క్రాష్ అయినట్లయితే, మీ ఫోన్పై వైరస్ దాడి చేసిందని లేదా ఫోన్ హ్యాక్ చేయబడిందని గ్రహించాలి.