Adulteration: మీరు వంటల్లో ఉపయోగించే కారం పొడి స్వచ్ఛమైనదేనా? కల్తీ కారంను ఇంట్లోనే ఇలా చెక్ చేసుకోవచ్చు..
భారతీయ వంటగదుల్లో ఉపయోగించే పదార్ధాల్లో కారం ఒకటి. ఎర్రని ఎండు మిరపకాయలతో తయారు చేసిన కారం పొడిని దాదాపు అన్ని రకాల వంటల్లో ఉపయోగిస్తారు. అయితే మార్కెట్లో దొరికే కారం పొడుల్లో కల్తీ ఉంటుందని మీకు తెలుసా?..
భారతీయ వంటగదుల్లో ఉపయోగించే పదార్ధాల్లో కారం ఒకటి. ఎర్రని ఎండు మిరపకాయలతో తయారు చేసిన కారం పొడిని దాదాపు అన్ని రకాల వంటల్లో ఉపయోగిస్తారు. అయితే మార్కెట్లో దొరికే కారం పొడుల్లో కల్తీ ఉంటుందని మీకు తెలుసా?
ప్రస్తుతం మార్కెట్లో విక్రయిస్తున్న ఎర్ర కారం ప్యాకెట్లన్నింటిలో ఇటుక పొడి, టాల్కం పౌడర్, ఇతర విషపూరిత పదార్థాలు కలిసిపోయి ఉంటాయి. ఇటువంటి ఉత్పత్తులను కంటితో చూసి, వెంటనే కల్తీని కనుక్కోలేం. ఇటువంటి కల్తీ ఆహారాల వల్ల ఆరోగ్యానికి తీరని నష్టం వాటిల్లుతుంది.
అందుకే మీరు వాడుతున్న మిరప పొడి స్వచ్ఛమైనదా.. కాదా.. అనే విషయం నిర్ధారించుకోవడం చాలా అవసరం. తాజాగా FSSAI ఎర్ర కారం పొడి స్వచ్ఛతను తనిఖీ చేసే విధానం గురించి ట్విట్టర్‌లో ఒక వీడియోను షేర్‌ చేసింది.
కారం స్వచ్ఛతను ఇంట్లోనే తనిఖీ చేసుకోవచ్చు. సగం గ్లాసు నీరు తీసుకుని, దానిలో ఒక స్పూన్‌ కారం కలుపుకోవాలి. అనంతరం నీటిని కదిలించకుండా ఉంచాలి.
తర్వాత గ్లాస్‌ అడుగుభాగానికి చేరిన కారంపొడిని తీసుకుని.. అరచేతిపై మృదువుగా రుద్దాలి. చేతికి గరుకుగా అనిపిస్తే.. అందులో ఇసుక లేదా ఇటుక పొడి కలిపినట్లు అర్థం.
కల్తీలేని కారం పొడి సాధారణంగా నీటిలో కరిగిపోతుంది. అలా కరగలేదంటే ఆ కారం పొడిలో సబ్బు పొడి లేదా డిటర్జెంట్ పౌడర్ కలిపినట్లు అర్ధం. ఈ రకమైన కారం పొడిని ఆహారంలో అస్సలు ఉపయోగించకూడదు.