వర్షాకాలంలో జాగ్రత్త..! డెంగ్యూ-మలేరియా జ్వరాన్ని తరిమికొట్టే ఆయుర్వేద మందులివి..
వర్షాకాలం అంటనే సీజనల్‌ వ్యాధులకు కేరాఫ్‌. ఇది మలేరియా-డెంగ్యూ ప్రమాదాన్ని పెంచుతుంది. ఫీవర్‌ కేసులు పెరుగుతాయి. వర్షాలకు, దోమలు భయంకరమైన రూపాన్ని సంతరించుకుంటాయి. డెంగ్యూ-మలేరియా వంటి దోమల ద్వారా సంక్రమించే వ్యాధులను వ్యాప్తి చేస్తాయి. దీనివల్ల విపరీతమైన జ్వరం, చలి, ఒళ్లు నొప్పులు, వాంతులు ఇబ్బందిపెడుతుంటాయి. ఈ సమస్య చిన్నదైతే వైద్యుల సలహా మేరకు కొన్ని ఆయుర్వేద పద్ధతులను అనుసరించవచ్చు.
Tulsi Tea- తులసి ఆకులలో యాంటిపైరేటిక్, డయాఫోరేటిక్ లక్షణాలు ఉన్నాయి. ఇవి విపరీతమైన చెమట ద్వారా శరీర ఉష్ణోగ్రతను తగ్గిస్తాయి. దీనివల్ల తులసి ఆకుల రసం జ్వరానికి మేలు చేస్తుంది.
Turmeric Milk- పసుపు పాలు తాగితే జ్వరం నుండి ఉపశమనం పొందవచ్చు. ఇది శరీరంలో వేడిని పెంచడం ద్వారా ఇన్ఫెక్షన్‌ను తొలగిస్తుంది. ఈ ఆయుర్వేద ఔషధం ఒళ్లు నొప్పులను కూడా తగ్గించడంలో సహాయపడుతుంది.
Ginger Tea- అల్లంలో యాంటీ బ్యాక్టీరియల్, యాంటీ ఇన్ఫ్లమేటరీ లక్షణాలు ఉన్నాయి. ఇది రోగనిరోధక శక్తిని పెంచడం ద్వారా ఇన్ఫెక్షన్‌ను దూరం చేస్తుంది. అందువల్ల మీరు జ్వరంతో ఇబ్బంది పడుతున్నట్టయితే.. అల్లం రసం తాగొచ్చు.
Cinnamon Tea- మలేరియా-డెంగ్యూ రోగులకు దాల్చిన చెక్క టీ ఒక అద్భుతమైన ఔషధం. ఆయుర్వేదంలో ఇది జ్వరానికి అద్భుత ఔషధంగా పరిగణించబడుతుంది. ఈ డికాక్షన్ టేస్టీగా ఉండాలంటే తేనె కలుపుకోవచ్చు.
Giloy Plant- తిప్పతీగ రోగనిరోధక శక్తిని పెంపొందించడానికి పనిచేస్తుంది. తిప్పతీగ కషాయాలను తీసుకోవడం వల్ల జ్ఞాన త్వరగా తగ్గుతుంది. ఇందులో ఉండే యాంటీ ఇన్ఫ్లమేటరీ, యాంటీ పైరేటిక్ గుణాల వల్ల జ్వరం మళ్లీ పెరగదు.
Neem Leaves- రోజూ వేప ఆకులను తినడం వల్ల అధిక జ్వరం, మలేరియా, ఫ్లూ, డెంగ్యూ, వైరస్ వంటి అనేక ఇన్ఫెక్షన్లు నయమవుతాయి. బ్యాక్టీరియా, వైరస్‌లను నిర్మూలించే శక్తి దీనికి ఉంది.