Ginger for Alzheimer: మతిమరుపుకు అల్లంతో చికిత్స.. ఎలా తీసుకోవాలంటే?
ఒకప్పుడు ఆరవై ఏళ్లకు వచ్చే మతి మరుపు ఇప్పుడు పదహారేళ్లకే పలకరిస్తుంది. దీనికి ముఖ్య కారణం జీవనశైలి. అయితే దీని నుంచి సహజ పద్ధతుల్లో బయటపడాలంటే అల్లం సహాయం తీసుకోవచ్చు. దీనిలోని ఔషధ గుణాలు జ్ఞాపక శక్తిని మెరుగుపరచడంలో సహాయపడుతుంది..
అల్లం సహజ ఔషధం. అందుకే అనేక రోగాల నివారణకు ఆయుర్వేద ఔషధంగా దీనిని వినియోగిస్తుంటారు. ఇందులో అనేక రకాల పోషకాలు ఉంటాయి. పచ్చిగా నమలవచ్చు లేదంటే దీని రసాన్ని కూడా సేవించవచ్చు. అల్లం టీ కూడా తయారు చేసి తాగవచ్చు. అల్లంలోని జింజెరాల్ అనే సమ్మేళనం చాలా ప్రయోజనకరంగా ఉంటుంది. ఇందులో విటమిన్ బి3, విటమిన్ బి6, విటమిన్ సి, ఐరన్, పొటాషియం, మెగ్నీషియం, ఫాస్పరస్, జింక్, ఫోలేట్, రైబోఫ్లావిన్, నియాసిన్ వంటి పోషకాలు కూడా ఉంటాయి.
అల్లంలోని ఎంజైమ్‌లు జీర్ణక్రియను మెరుగుపరచడంలో సహాయపడతాయి. ఇది కడుపు సంబంధిత సమస్యలను నివారిస్తుంది. తద్వారా గ్యాస్, మలబద్ధకం, అజీర్ణం వంటి సమస్యలను నివారిస్తుంది. అల్లంలో విటమిన్ సి పుష్కలంగా ఉంటుంది. ఇది రోగనిరోధక శక్తిని బలోపేతం చేస్తుంది. వ్యాధులతో పోరాడే సామర్థ్యాన్ని పెంచుతుంది.
అల్లంలో ఉండే యాంటీఆక్సిడెంట్లు మరియు సహజంగా రక్తపోటును నియంత్రించడంలో సహాయపడతాయి. చర్మాన్ని కూడా ఆరోగ్యంగా ఉంచుతుంది. అల్లంలో ఉండే యాంటీ ఆక్సిడెంట్లు చర్మాన్ని ఆరోగ్యంగా ఉంచడమే కాకుండా మెరిసేలా చేస్తాయి. చర్మ సౌందర్యాన్ని మెరుగుపరుస్తుంది. అల్లం బరువు తగ్గడంలో సహాయపడుతుంది. ఇందులో ఉండే యాంటీ ఆక్సిడెంట్లు కొవ్వును తగ్గించడంలో సహకరిస్తాయి.
అల్లం జలుబు, దగ్గును నివారించడంలో సహాయపడుతుంది. ఎందుకంటే ఇది వేడిని ఉత్పత్తి చేసే సామర్థ్యాన్ని కలిగి ఉంటుంది. అల్లం తీసుకోవడం మధుమేహ ప్రమాదాన్ని కూడా తగ్గిస్తుంది. రక్తంలో చక్కెర స్థాయిలను నియంత్రిస్తుంది.
అల్లంలో ఉండే యాంటీ ఇన్‌ఫ్లమేటరీ గుణాలు ఆర్థరైటిస్ రోగులకు అమృతంలా పనిచేస్తాయి. అల్లం తీసుకోవడం వల్ల ఒత్తిడి తగ్గుతుంది. మానసిక ఆరోగ్యం మెరుగుపడుతుంది. అల్లంలో ఉండే యాంటీఆక్సిడెంట్లు అల్జీమర్స్ వంటి మానసిక వ్యాధులను నివారిస్తాయి.