Cauliflower Health Benefits : కాలీఫ్లవర్ తీసుకోవడం వల్ల ప్రయోజనాలు తెలిస్తే.. ప్రతి రోజూ తింటారు..!
కాలీఫ్లవర్ అనేది క్రూసిఫెరస్ కూరగాయ. ఇందులో కార్బోహైడ్రేట్స్ తక్కువగా ఉంటాయి. క్యాలీఫ్లవర్ తింటే ఆరోగ్యం మెరుగుపడుతుంది. బరువు తగ్గవచ్చు. అంతేకాదు.. మితంగా తింటే కాలీఫ్లవర్ తో బోలేడు లాభాలు ఉన్నాయంటున్నారు పోషకాహర నిపుణులు. అవేంటో ఇక్కడ తెలుసుకుందాం..
ఒక పరిశోధన ప్రకారం, కాలీఫ్లవర్ ఆకులు ప్రోటీన్, ఖనిజాలకు మంచి మూలం. ఇవి పిల్లల పెరుగుదల, అభివృద్ధికి అవసరమైనవి. పుల్లటి ఆకులను రోజూ తీసుకోవడం వల్ల పోషకాహార లోపం ఉన్న పిల్లలకు ఆరోగ్య ప్రయోజనాలు కలుగుతాయి. ఇది వారి ఎత్తు, బరువు, హిమోగ్లోబిన్ స్థాయిని కూడా పెంచుతుంది.
మీకు గాల్ బ్లాడర్, కిడ్నీలో రాళ్లు ఉన్నట్లయితే కాలీఫ్లవర్ తినకపోవడమే మంచిది. కాలీఫ్లవర్లో క్యాల్షియం ఉంటుంది. ఇది రాళ్ల సమస్యను పెంచుతుంది. అలాగే మీకు రక్తం గడ్డకట్టే సమస్యలు ఉంటే కాలీఫ్లవర్ తినవద్దు. కాలీఫ్లవర్లో అధిక మొత్తంలో పొటాషియం ఉంటుంది. ఇది శరీరంలోని రక్తాన్ని చిక్కగా చేస్తుంది. కాబట్టి ఇలాంటి వారు కాలీఫ్లవర్ అస్సలు తినకూడదు.
కాలీఫ్లవర్లో ఆరోగ్యానికి మేలు చేసే అనేక విటమిన్లు పుష్కలంగా ఉంటాయి. ముఖ్యంగా ఇందులో విటమిన్ సి, విటమిన్ ఎ, విటమిన్ బి వంటి పోషకాలు అధికంగా ఉంటాయి. కానీ ప్రతిరోజూ కాలీఫ్లవర్ తినడం కొంతమందికి కొన్ని రకాల ఆరోగ్య సమస్యలను కలిగిస్తుంది. అందుకే ఈ సమస్యతో బాధపడేవారు కాలీఫ్లవర్ తినకుండా దూరంగా ఉండాలని నిపుణులు హెచ్చరిస్తున్నారు.
కాలీఫ్లవర్ జుట్టుతో పాటు చర్మానికి కూడా చాలా మేలు చేస్తుంది. జుట్టు పల్చబడటం లేదా జుట్టు రాలడం వంటి సమస్యలు ఉన్నవారికి, నిపుణులు తమ రెగ్యులర్ ఫుడ్ లిస్ట్లో కాలీఫ్లవర్ను చేర్చుకోవాలని సిఫార్సు చేస్తున్నారు. జుట్టు సాంద్రతను పెంచడంలో, జుట్టును మెరిసేలా చేయడంలో ఇది చాలా ప్రభావవంతంగా పని చేస్తుందని చెబుతున్నారు.
న్యూట్రిషన్, డైటెటిక్స్ విభాగం ప్రచురించిన ఒక పరిశోధన ప్రకారం.. కాలీఫ్లవర్ ఆకులు ఐరన్ గొప్ప మూలం. అటువంటి సందర్భాలలో దాని వినియోగం రక్త లోపాన్ని తొలగించడానికి ప్రయోజనకరంగా ఉంటుందని రుజువు చేస్తుంది. అనేక శాస్త్రీయ అధ్యయనాలలో రక్తహీనత చికిత్సలో కాలీఫ్లవర్ ఆకులు కూడా ప్రభావవంతంగా పరిగణించబడతాయి. ఈ ఆకులు అనేక రకాల తీవ్రమైన గుండె జబ్బుల నుండి రక్షించడానికి పని చేస్తాయి.