Lemon Tea: ఉదయాన్నే ఖాళీ పడుపుతో లెమన్ టీ తాగితే ఏమవుతుందో తెలుసా..?
చాయ్ .. దాదాపు ప్రతి ఒక్కరికీ ఉండే అలవాటు.. ఉదయం నిద్ర లేవగానే వేడి వేడి టీ లేదా కప్పు కాఫీ కడుపులో పడకపోతే.. ఆ రోజు మొదలుకాదు చాలా మందికి. కొందరు ఉదయాన్నే నిద్రలేవగానే బెడ్ టీ లేదా కాఫీ తాగుతుంటారు. మరికొందరు మార్నిగ్ బ్రేక్ఫాస్ట్ అయిన వెంటనే తీసుకుంటారు. అయితే, ఇటీవలి కాలంలో పాలతో చేసిన టీ, కాఫీలను పక్కనపెట్టి, గ్రీన్ టీ, లెమన్ టీని అలవాటుగా చేసుకుంటున్నారు. టీ, కాఫీలలో ఉండే కెఫీన్ మన ఆరోగ్యానికి హాని చేస్తుంది. కనుక వీటిని అతిగా తాగడం మన ఆరోగ్యానికి మంచిది కాదు. కానీ లెమన్ టీ ఆరోగ్యానికి ఎంతో మేలు చేస్తుందని వైద్యులు చెబుతున్నారు. ఉదయాన్నే ఖాళీ కడుపుతో లెమన్ టీ తాగితే శరీరంలో ఏం జరుగుతుందో ఇప్పుడు తెలుసుకుందాం.
లెమన్ టీలో ఫ్లేవనాయిడ్స్, టానిన్స్, కాపర్, పొటాషియం సమృద్ధిగా ఉంటాయి. ఇవి మెదడును ఉత్తేజ పరుస్తాయి. దీంతో ఒత్తిడి, ఆందోళన నుంచి ఈజీగా బయట పడవచ్చు. రోజూ లెమన్ టీ తాగటం వల్ల ఒత్తిడి మటుమాయం అవుతుంది. డిప్రెషన్, ఇతర మానసిక సమస్యలు కూడా తగ్గుతాయని నిపుణులు చెబుతున్నారు. అలాగే రాత్రి పూట మైండ్ ప్రశాంతంగా మారి నిద్ర చక్కగా పడుతుంది. పడుకున్న వెంటనే గాఢ నిద్రలోకి జారుకుంటారు.
శరీరంలో ఆమ్ల స్థాయి పెరగడం వల్ల జీవక్రియ ప్రభావితం చేస్తుంది. శరీరంలోని నీటి స్థాయిలో అసమతుల్యత ఏర్పడుతుంది. వివిధ ఆరోగ్య సమస్యలకి దారి తీస్తుంది. లెమన్ టీ తాగిన తర్వాత తలనొప్పి కూడా రావచ్చు.
నిమ్మకాయ మూత్రం ద్వారా కాల్షియంని బయటకి పంపిస్తుంది. దీన్ని టీలో కలుపుకుని దాగినప్పుడు శరీరం గ్రహించలేని అల్యూమినియంని టీ గ్రహించేలా శరీరాన్ని ప్రేరేపిస్తుంది. ఇవి శరీరంలో యాసిడ్ స్థాయిలని పెంచుతాయి. ఇది నేరుగా ఎముకల ఆరోగ్యాన్ని ప్రభావితం చేస్తుంది. షుగర్, బీపీ లాంటి సమస్యలకు మందులు వేసుకుంటే లెమన్ టీ తాగొద్దు. తాగితే చాలా అనారోగ్య సమస్యలు వస్తాయి.
లెమన్లో అధికంగా ఉండే సిట్రిక్ యాసిడ్ లివర్లోని టాక్సిన్లను బయటకు పంపుతుంది. దీంతో లివర్ క్లీన్ అవుతుంది. లెమన్ టీని ఉదయం పరగడుపున కూడా సేవించవచ్చునని నిపుణులు చెబుతున్నారు.. దీంతో శరీరంలోని వ్యర్థాలు, టాక్సిన్లు సులభంగా బయటకు పోతాయి. శరీరం అంతర్గతంగా శుభ్రంగా మారుతుంది. లెమన్ టీన తాగడం వల్ల దగ్గు, జలుబు నుంచి త్వరగా ఉపశమనం కలిగిస్తుంది.
పుల్లటి ఆహారం పడనివాళ్లు లెమన్ టీ తాగకూడదు. తాగితే ఒంట్లో చాలా సమస్యలొస్తాయి. అసిడిటీ సమస్య ఉన్నవాళ్లు లెమన్ టీ తాగకూడదు. తాగితే కడుపులో అసిడిటీ ఇంకా ఎక్కువ అవుతుంది. ఒంటి నొప్పులు, తలనొప్పి ఉన్నవాళ్లు లెమన్ టీ తాగకూడదు. అది తలనొప్పిని ఇంకా పెంచుతుంది.