Offbeat Villages: ఆఫ్బీట్ టూర్ అంటే ఇష్టమా.? ఇండియా ఈ 5 హిడెన్ విలేజ్స్ చూడండి..
భారతదేశంలో ప్రయాణ విషయానికి వస్తే, చాలా మంది పర్యాటకులు సిమ్లా మనాలి లేదా గోవా వంటి ప్రసిద్ధ గమ్యస్థానాలకు వెళ్తూ ఉంటారు. కానీ వీటికి మించి అందంగా ఉన్న ప్రదేశాలకు హిడెన్ ఆఫ్బీట్ గ్రామాలు చాలమందికి తెలీదు. ఇక్కడ అద్భుతమైన ప్రకృతి దృశ్యాలు, ప్రశాంతమైన పరిసరాలు, ప్రామాణికమైన సాంస్కృతి ఆకర్శిస్తాయి. భారతదేశంలోని 5 ఆఫ్బీట్ గ్రామాలు ఏంటి.? ఈరోజు తెలుసుకుందాం..
కలాప్, ఉత్తరాఖండ్: గర్హ్వాల్ ప్రాంతంలో ఉన్న కలాప్ అనే మారుమూల గ్రామం చాలా తక్కువ మంది ప్రయాణికులు మాత్రమే తెలుసు. సముద్ర మట్టానికి 7800 అడుగుల ఎత్తులో ఉన్న కలాప్ మంచుతో కప్పబడిన శిఖరాల దట్టమైన పైన్ అడవులు, టెర్రస్ పొలాల అద్భుతమైన దృశ్యాలను అందిస్తుంది. ఈ గ్రామం ఆధునిక ప్రపంచం నుంచి పూర్తిగా దూరమై ఉంది. రోడ్డు సదుపాయం, మొబైల్ సిగ్నల్, విద్యుత్తు లాంటివి ఉండవు. ఇది డిజిటల్ డీటాక్స్కు అనువైనది.
జిరో, అరుణాచల్ ప్రదేశ్: జిరో అనేది అరుణాచల్ ప్రదేశ్ తూర్పు హిమాలయాలలో ఉన్న ఒక మంత్రముగ్ధమైన లోయ గ్రామం. ఆహ్లాదకరమైన వాతావరణ వరి పొలాలకు, ప్రత్యేకమైన అపతాని తెగకు ప్రసిద్ధి చెందిన జిరో ఒక సాంస్కృతిక, సుందరమైన స్వర్గధామం. ఈ ప్రదేశం పచ్చని కొండలు, వెదురు తోటలు, పైన్ అడవుల అద్భుతమైన దృశ్యాలను అందిస్తుంది.
మావ్లిన్నోంగ్, మేఘాలయ: ఆసియాలో అత్యంత పరిశుభ్రమైన గ్రామంగా పిలువబడే మావ్లిన్నోంగ్ సహజమైనది మాత్రమే కాదు, దృశ్యపరంగా కూడా అద్భుతంగా ఉంటుంది. తూర్పు ఖాసీ కొండలలో ఉన్న ఈ చిన్న గ్రామం బంగ్లాదేశ్ మైదానాల పచ్చదనం, లివింగ్ రూట్ బ్రిడ్జిల వంటి ప్రత్యేకమైన సహజ నిర్మాణాల విస్తృత దృశ్యాలను అందిస్తుంది.
కిబ్బర్, హిమాచల్ ప్రదేశ్: స్పితి లోయలో ఉన్న కిబ్బర్ ప్రపంచంలోనే ఎత్తైన మోటారు గ్రామాలలో ఒకటి. నాటకీయ ప్రకృతి దృశ్యాలు, బంజరు పర్వతాలు, లోతైన లోయలతో చుట్టుముట్టబడిన ఈ గ్రామం హిమాలయ ఎడారి అందాలతో ఆకట్టుకుంటుంది. ఈ గ్రామం 14000 అడుగుల ఎత్తులో ఉంది. మరొ గ్రహంలో ఉన్నాం అనిపించే దృశ్యాలను అందిస్తుంది.
తీర్థన్ లోయ, హిమాచల్ ప్రదేశ్: తీర్థన్ లోయ ఇతర కొండ ప్రాంతాలతో పోలిస్తే ఇది ఇప్పటికీ చాలా దూరంగా ఉంది. ఈ హిడెన్ విలేజ్ కులు జిల్లాలో ఉంది. తీర్థన్ నది ఆల్పైన్ అడవులు అద్భుతమైన పర్వత దృశ్యాలతో ఆహా అనిపిస్తుంది. లోయలోని గుషైని, నాగిని వంటి గ్రామాలు సాంప్రదాయ హిమాచలి గృహాల పండ్ల తోటలు, ట్రౌట్ ఫిషింగ్ ప్రదేశాలతో విలసిల్లుతుంది. సమీపంలోని గ్రేట్ హిమాలయన్ నేషనల్ పార్క్ ఉత్కంఠభరితమైన ట్రెక్లలు హైకింగ్లను అందిస్తుంది. మీరు అసాధారణ సహజ సౌందర్యాన్ని కోరుకుంటే తీర్థన్ లోయకు వెళ్ళండి.