ఈ ఐదు వెండి కొండలు ఆ మహా శివుని నివాసాలు..! అదే పంచ కైలాష్…ఎక్కడుందో తెలుసా..?
పరమశివుడి నివాస స్థానం హిమాలయాలుగా భావిస్తారు. పరమేశ్వరుడు కొలువైన ఉన్న ఆ కైలాస పర్వతం ఐదు పర్వత శ్రేణుల సమూహం..దీనిని పంచ కైలాస (కైలాస పర్వత ప్రాముఖ్యత) అని పిలుస్తారు. ఇక్కడ వచ్చే భక్తుల యాత్రనే మానసరోవర్ యాత్ర అంటారు.. జీవితంలో ఒక్కసారి అయినా చేయాల్సిన అద్భుతమైన ప్రయాణం ఇది. 5 సంవత్సరాల తర్వాత మళ్లీ ఇప్పుడు మానస సరోవర్ యాత్ర ప్రారంభమవుతోంది. జూన్ 30 నుంచి యాత్ర ప్రారంభకానుంది.. దీని కోసం మే 13 వరకు దరఖాస్తు చేసుకోవచ్చు. తొలి యాత్ర జూన్ 30న ఢిల్లీ నుంచి ప్రారంభం కానుంది. ఎంతోమంది భక్తులు ఈ యాత్రకు సిద్ధమవుతున్నారు. కైలాస పర్వతం కాకుండా భారత్లోని మరో నాలుగు పర్వతాలను శివుని నివాసంగా భావిస్తారు. వీటిని పంచ కైలాస పర్వతాలు అని పిలుస్తారు. అవి ఎక్కడ ఉన్నాయి. వాటి విశిష్టత ఏంటో ఇక్కడ తెలుసుకుందాం..
కైలాష్ మానసరోవర్: మత విశ్వాసం ప్రకారం, టిబెట్లో ఉన్న కైలాస మానసరోవర్ను ఆ శివపార్వతుల నివాసంగా భావిస్తారు. పురాణాల ప్రకారం, ఇది శివుడు నివసించే పవిత్ర స్థలం. కైలాస మానస సరోవరం ప్రస్తావన శివపురాణంలో ఉంది.
Adi Kailash-ఆది కైలాష్ : ఆది కైలాసం ఉత్తరాఖండ్లో ఉంది. ఈ కైలాసాన్ని రుంగ్ సమాజంతో సంబంధం ఉన్న ప్రజల ప్రధాన ప్రదేశంగా భావిస్తారు. రుంగ్ సంప్రదాయం ప్రకారం, ఆది కైలాసం మహాదేవుని అసలు నివాసం. ఇక్కడికి సాధువులు, ఇతర వ్యక్తులు రావడం వల్ల మహాదేవ్ తపస్సుకు భంగం కలిగిందని, దాని కారణంగా మహాదేవ్ ఈ ప్రదేశం విడిచి వెళ్ళాల్సి వచ్చిందని నమ్ముతారు.
Kinnaur Kailash-కిన్నౌర్ కైలాష్: కిన్నార్ కైలాష్ హిమాచల్ ప్రదేశ్ లో ఉంది. కిన్నార్ కైలాష్ యాత్ర అమర్నాథ్, మానసరోవర్ యాత్ర కంటే కష్టతరమైనదిగా చెబుతారు..కిన్నౌర్ కైలాష్ మహాదేవ్ భక్తులకు ఒక ముఖ్యమైన ప్రదేశం.
Mani Mahesh Kailash- మణిమహేష్ కైలాష్: మణిమహేష్ కైలాష్ హిమాచల్ ప్రదేశ్లో ఉంటుంది. ఈ ప్రదేశంలో శివలింగం ఆకారంలో ఉన్న ఒక రాయి ఉంటుంది. దీనినే ఆ మహాదేవ్ రూపంగా భావిస్తారు. పురాణాల ప్రకారం, పార్వతి దేవిని వివాహం చేసుకున్న తర్వాత శివుడు మణిమహేష్ కైలాసాన్ని నిర్మించాడని చెబుతారు.
Shrikhand Kailash- శ్రీఖండ్ మహాదేవ్ కైలాష్: శ్రీఖండ మహాదేవ్ కైలాష్ హిమాచల్ ప్రదేశ్ లో ఉంది. ఈ కైలాసం మహాదేవ్ మతపరమైన ప్రదేశాలలో ఎత్తైన ప్రదేశంగా పరిగణిస్తారు. ఈ పర్వతం సముద్ర మట్టానికి 18,300 అడుగుల ఎత్తులో ఉంది. పురాణాల ప్రకారం, లోక రక్షకుడైన విష్ణువు, శ్రీఖండ్ మహాదేవ్ కైలాసం వద్ద భస్మాసురుడు అనే రాక్షసుడిని సంహరించాడు.