బంగారం కొనడానికి వెళ్తున్నారా.. వారంలో ఏ రోజు మంచిదో తెలుసుకోండి మరి!
మగువలకు అతి ప్రీతికరమైనది బంగారం. గోల్డ్ను ఇష్టపడని మహిలే ఉండదు. ఇక జ్యోతిష్య శాస్త్రం ప్రకారం బంగారాన్ని శుభ చిహ్నంగా భావిస్తారు. అంతే కాకుండా దీనిని లక్ష్మీదేవిగా కొలుస్తారు. అందుకే అన్నింటిలో బంగారానికి చాలా ప్రాముఖ్యతనిస్తారు. ముఖ్యంగా అక్షయ తృతీయ, దీపావళి వంటి పండుగల సమయంలో బంగారాన్ని కొనుగోలు చేయడం లేదా బంగారు ఆభరణాలను ఇంటికి తెచ్చుకోవడం చాలా మంచిదంటారు. అయితే అసలు ఏ రోజు బంగారం కొనుగోలు చేయడం మంచిదో మనం ఇప్పుడు తెలుసుకుందాం.
బంగారానికి ఉండే డిమాండ్ గురించి ప్రత్యేకంగా చెప్పాల్సిన పని లేదు. భారత దేశంలో దీనికి చాలా డిమాండ్ ఉంటుంది. ఎందుకంటే భారతాయ మహిళలు ఎక్కువగా బంగారాన్ని ఇష్టపడటమే కాకుండా వీరు బంగారు ఆభరణాలు ధరించడం కూడా తమ సాప్రదాయంలో ఒక భాగంగా భావిస్తారు. అదే విధంగా బంగారాన్ని తమ ఆస్తిగా కూడా భావిస్తారు. కష్టకాల సమయంలో ఇది వారికి చాలా ఉపయోగపడుతుంది అని వారి నమ్మిక. అందుకే మహిళలు ఎక్కువగా బంగారం కొనుగోలు చేయడానికి ఇష్టపడుతారు.
Gold
అందుకే పండితులు దీపావళి, అక్షయ తృతీయ వంటి పండుగల సమయంలో ప్రజలు బంగారాన్ని కొనుగోలు చేయడం చాలా శుభప్రదం అంటారు. అలాగే చాలా మంది ఈరోజుల్లో బంగారం, వెండిని కొనుగోలు చేస్తారు. అయితే ఇదే కాకుండా వారం రోజుల్లో బంగారాన్ని ఏరోజు కొటే కలిసి వస్తుందో ఇప్పుడు తెలుసుకుందాం. పండితులు, శాస్త్రాల ప్రకారం, బంగారం కొనడానికి గురు వారం లేదా, ఆది వారం చాలా మంచిదంట. ఎందుకంటే, బంగారం అనేది సూర్యుడు, బృహస్పతితో సంబంధం కలిగి ఉంటుంది.
అందువలన ఈ రోజుల్లో బంగారం కొనడం వలన మీ జాతకం పై సానుకూల ప్రభావాన్ని చూపిస్తుంది. ముఖ్యంగా మీ జాతకంలోని గురు, సూర్య గ్రహాల స్థానాన్ని బలపరుస్తుంది అంటున్నారు పండితులు. అలాగే పుష్య నక్షత్రం కనిపించే రోజున బంగారం కొనడం కూడా చాలా శుభప్రదం. ఈ నక్షత్రంలో బంగారం కొనడం వల్ల లక్ష్మీదేవి ఆశీస్సులు, ఇంట్లో శ్రేయస్సు వస్తుందని ప్రజల నమ్మకం.
అయితే శని వారం మాత్రం ఎట్టిపరిస్థితుల్లో బంగారం కొనుగోలుచేయకూడదంట. ఎందుకంటే శని, సూర్యులు బద్ధశత్రువులు. దీని వలన ఇంట్లో అశాంతి నెలకొంటుందంట.