Dates Benefits: గుండె ఆరోగ్యానికి ఖర్జూరం.. రోజుకు ఎన్ని తినాలో తెలుసా?
డ్రై ఫ్రూట్స్ పిల్లలకైనా, పెద్దలకైనా ఆరోగ్యానికి ఎంతో మేలు చేస్తాయి. డ్రై ఫ్రూట్స్‌లో ఖర్జూరం కూడా ఒకటి. రోజుకు రెండు నుంచి నాలుగు ఖర్జూరాలు తీసుకుంటే ఆరోగ్యానికి ఎంతో ప్రయోజనకరంగా ఉంటుంది. డ్రై ఫ్రూట్స్ ఆరోగ్యానికి మేలు చేసినప్పటికీ, ఇవి శరీరంలో వేడి చేస్తాయి. అంటే వాటిని తినడం వల్ల శరీరం వెచ్చగా ఉంటుంది. అందుకే సాధారణంగా డ్రై ఫ్రూట్స్ శీతాకాలం లేదా చల్లని ప్రదేశాల్లో ఎక్కువగా తింటారు..
డ్రై ఫ్రూట్స్ పిల్లలకైనా, పెద్దలకైనా ఆరోగ్యానికి ఎంతో మేలు చేస్తాయి. డ్రై ఫ్రూట్స్‌లో ఖర్జూరం కూడా ఒకటి. రోజుకు రెండు నుంచి నాలుగు ఖర్జూరాలు తీసుకుంటే ఆరోగ్యానికి ఎంతో ప్రయోజనకరంగా ఉంటుంది. డ్రై ఫ్రూట్స్ ఆరోగ్యానికి మేలు చేసినప్పటికీ, ఇవి శరీరంలో వేడి చేస్తాయి. అంటే వాటిని తినడం వల్ల శరీరం వెచ్చగా ఉంటుంది. అందుకే సాధారణంగా డ్రై ఫ్రూట్స్ శీతాకాలం లేదా చల్లని ప్రదేశాల్లో ఎక్కువగా తింటారు.
అందుకే ఖర్జూరం వేసవిలో తినాలా వద్దా అనే సందేహం చాలా మందికి ఉంటుంది. పోషకాహార నిపుణుల అభిప్రాయం ప్రకారం, వేసవిలో కూడా ఖర్జూరాన్ని తినవచ్చు. కానీ ఎక్కువగా తినకూడదు. రోజుకు 1-2 ఖర్జూరాలను నానబెట్టి తినవచ్చు. ఇది గుండె ఆరోగ్యం నుంచి జీవక్రియను పెంచడం వరకు ఎన్నో రకాలుగా సహాయపడతాయి.
ఖర్జూరం గుండె ఆరోగ్యానికి చాలా మేలు చేస్తుంది. కాబట్టి గుండె ఆరోగ్యంగా ఉండాలంటే రోజూ కనీసం 2 ఖర్జూరాలు తినడం అలవాటు చేసుకోవాలి. ఇవి పిల్లల నుంచి పెద్దల వరకు అందరికీ ఉపయోగకరంగా ఉంటాయి.
శరీరానికి అవసరమైన ముఖ్యమైన పోషకాలలో విటమిన్ బి12 ఒకటి. ఇది ఎముకలు, కండరాలను బలపరుస్తుంది. ఎర్ర రక్త కణాలను కూడా ఉత్పత్తి చేస్తుంది. అంతేకాకుండా విటమిన్ B12 మానసిక ఆరోగ్యానికి కూడా చాలా ముఖ్యమైనది. ఖర్జూరంలో కాల్షియం అధికంగా ఉంటుంది. కాబట్టి ఎముకల సమస్యలు, కీళ్లలో నొప్పి ఉంటే ప్రతిరోజూ ఖర్జూరాన్ని తీసుకోవాలి. ఇది ఎముకలను బలపరుస్తుంది. ఎముకల నొప్పిని తగ్గించడంలో సహాయపడుతుంది.
మలబద్ధకం సమస్యలున్న వారు ఆహారంలో ఖర్జూరాలను తీసుకోవాలి. ఇందులో ఫైబర్ పుష్కలంగా ఉంటుంది. ఇది జీర్ణక్రియను మెరుగుపరుస్తుంది. అందుకే ప్రతిరోజూ ఉదయాన్నే నానబెట్టిన ఖర్జూరం తింటే మలబద్ధకం సమస్య తగ్గుతుందని ఆరోగ్య నిపుణులు సూచిస్తున్నారు.