Team India: 493 పరుగులతో ఐపీఎల్లో సెన్సేషన్.. కట్చేస్తే.. 2 ఏళ్ల తర్వాత భారత జట్టులోకి రీఎంట్రీ?
Team India: ఐపీఎల్ 2025లో ఓ భారత బ్యాట్స్మన్ విధ్వంసం సృష్టించాడు. 1 సెంచరీ, 3 హాఫ్ సెంచరీల సహాయంతో 493 పరుగులు చేశాడు. రెండున్నర సంవత్సరాల తర్వాత జట్టులోకి తిరిగి రావడం ఖాయం చేసుకున్నాడు. మూడు ఫార్మాట్లలోనూ సత్తా చాటేందుకు సిద్ధమయ్యాడు.
Team India: ఐపీఎల్ 2025 సీజన్ కేఎల్ రాహుల్కు ఒక మరుపురాని సీజన్గా నిలిచింది. గాయాలు, ఫామ్ లేమితో గత రెండున్నరేళ్లుగా భారత జట్టుకు దూరమైన రాహుల్.. ఈ సీజన్లో అద్భుతమైన ప్రదర్శనతో తిరిగి ఫాంలోకి వచ్చాడు. ఢిల్లీ క్యాపిటల్స్ తరపున ఆడిన రాహుల్, కేవలం 11 మ్యాచ్ల్లోనే 493 పరుగులు సాధించి, తన బ్యాటింగ్ సత్తాను మరోసారి నిరూపించుకున్నాడు.
ఈ సీజన్లో రాహుల్ బ్యాట్ నుంచి ఒక అద్భుతమైన సెంచరీ, మూడు విలువైన హాఫ్ సెంచరీలు నమోదయ్యాయి. అతని స్ట్రైక్ రేట్ 148.04గా ఉండగా, 61.62 సగటుతో పరుగులు సాధించడం అతని నిలకడకు నిదర్శనంగా మారింది. ముఖ్యంగా, గుజరాత్ టైటాన్స్ తో జరిగిన మ్యాచ్ లో రాహుల్ 65 బంతుల్లో 14 ఫోర్లు, 4 సిక్సర్ల సాయంతో 112 పరుగుల అజేయ శతకాన్ని సాధించి, ఢిల్లీకి భారీ స్కోరు అందించడంలో కీలక పాత్ర పోషించాడు. ఈ సెంచరీతో ఐపీఎల్ చరిత్రలో మూడు వేర్వేరు ఫ్రాంచైజీల తరఫున సెంచరీలు సాధించిన తొలి ఆటగాడిగా కేఎల్ రాహుల్ చరిత్ర సృష్టించాడు.
ఐపీఎల్ 2025లో రాహుల్ ప్రదర్శన కేవలం పరుగులు సాధించడం మాత్రమే కాదు, పలు రికార్డులను కూడా బద్దలు కొట్టింది. టీ20 క్రికెట్లో అత్యంత వేగంగా 8000 పరుగులు పూర్తి చేసిన భారత ఆటగాడిగా విరాట్ కోహ్లీ రికార్డును రాహుల్ అధిగమించాడు. రాహుల్ 224 ఇన్నింగ్స్లలో ఈ ఘనత సాధించగా, కోహ్లీకి 243 ఇన్నింగ్స్లు పట్టింది. ఈ అద్భుత ప్రదర్శనతో రాహుల్ భారత టీ20 జట్టులోకి తిరిగి వస్తాడనే అంచనాలు బలపడ్డాయి.
ఈ సీజన్ మెగా వేలంలో ఢిల్లీ క్యాపిటల్స్ రూ. 14 కోట్ల భారీ ధరకు రాహుల్ను కొనుగోలు చేసింది. గతంలో లక్నో సూపర్ జెయింట్స్కు కెప్టెన్గా వ్యవహరించిన రాహుల్, ఈ సీజన్ లో కెప్టెన్సీ బాధ్యతలను స్వీకరించకుండా కేవలం బ్యాటింగ్ పై దృష్టి పెట్టాడు. ఇది అతని ప్రదర్శన మెరుగుపడటానికి ఎంతగానో సహాయపడింది. ఢిల్లీ క్యాపిటల్స్ జట్టులో కీలక బ్యాట్స్మన్గా రాహుల్, ఒత్తిడి లేకుండా తన సహజమైన ఆటను ప్రదర్శించగలిగాడు.
రెండున్నరేళ్లుగా భారత జట్టుకు దూరమైన రాహుల్, ఐపీఎల్ 2025లో చూపిన అద్భుతమైన ఫామ్తో జాతీయ జట్టులోకి తిరిగి రావడానికి బలమైన సంకేతాలు పంపాడు. రాబోయే అంతర్జాతీయ మ్యాచ్లకు భారత జట్టు సెలక్షన్ కమిటీ అతని పేరును ఖచ్చితంగా పరిగణలోకి తీసుకుంటుందని విశ్లేషకులు అంచనా వేస్తున్నారు. రాహుల్ బ్యాటింగ్లోనే కాకుండా, అవసరమైతే వికెట్ కీపింగ్లో కూడా తన సామర్థ్యాన్ని నిరూపించుకున్నాడు. ఈ సీజన్ ప్రదర్శన చూస్తుంటే, కేఎల్ రాహుల్ టీమిండియాలోకి తిరిగి రావడం దాదాపు ఖాయంగా కనిపిస్తోంది.