IPL 2024: ఢిల్లీ ఫ్యాన్స్‌కు మరో షాకింగ్ న్యూస్.. గాయంతో స్టార్ ప్లేయర్ ఔట్?

Delhi Capitals

ప్రస్తుతం జరుగుతున్న ఐపీఎల్ 17వ ఎడిషన్‌లో ఢిల్లీ క్యాపిటల్స్ జట్టు పేలవ ప్రదర్శన కొనసాగుతోంది. ఏప్రిల్ 7న ముంబై ఇండియన్స్‌తో జరిగిన నాలుగో మ్యాచ్‌లో ఓడిపోయిన ఢిల్లీ పాయింట్ల పట్టికలో భారీ పతనాన్ని చవిచూసింది. ఇంతలో, జట్టు నుంచి ఒక షాకింగ్ న్యూస్ బయటకు వచ్చింది. ఆ జట్టు స్టార్ ఆల్ రౌండర్ మిచెల్ మార్ష్ స్నాయువు గాయంతో బాధపడ్డాడు. ముంబైతో ఆదివారం జరిగిన మ్యాచ్‌కు గైర్హాజరైన మార్ష్ తిరిగి ఆటలోకి రావడంపై ఎలాంటి ఖచ్చితమైన సమాచారం అందలేదు.

స్నాయువు గాయం కారణంగా మిచెల్ మార్ష్ ముంబైతో ఆడలేదు. కాబట్టి, పేసర్ జే రిచర్డ్‌సన్ ఆడాడు. ఫలితంగా ఢిల్లీ క్యాపిటల్స్‌కు ఆల్‌రౌండర్‌ కొరత ఏర్పడింది. దీంతో చివరకు ఓటమి రూపంలో ఆ జట్టు భారం మోయాల్సి వచ్చింది.

ముంబైతో మ్యాచ్ ముగిసిన తర్వాత, మిచెల్ మార్ష్ గాయం గురించి ఢిల్లీ అసిస్టెంట్ కోచ్ ప్రవీణ్ ఆమ్రే తెలియజేస్తూ, మిచెల్ మార్ష్ కనీసం వారం రోజుల పాటు జట్టుకు దూరంగా ఉండే అవకాశం ఉందని చెప్పాడు.

మా ఆటగాళ్లు కొందరు గాయపడ్డారని చెప్పాడు. మిచ్ మార్ష్ గాయం కాస్త ఆందోళన కలిగిస్తుంది. ప్రస్తుతం అతను స్కాన్ కోసం వెళ్లాడు. ఫిజియో మాకు ఒక వారంలో నివేదిక ఇస్తారు.

అప్పుడు అసలు పరిస్థితి ఏంటో తెలుస్తుంది. ఆ తర్వాత మిచెల్ మార్ష్ సీజన్ మొత్తం ఆడతాడా లేదా అన్నది నివేదికపై ఆధారపడి ఉంటుంది. ఆమ్రే ప్రకటన ఢిల్లీలో కొంత ఊరటనిచ్చింది. ఎందుకంటే వరుస ఓటములతో ఇబ్బంది పడుతున్న జట్టుకు మార్ష్ అందుబాటులో లేకపోవడం మరింత ఇబ్బందిని తెచ్చిపెడుతుంది.

ఢిల్లీ క్యాపిటల్స్ స్క్వాడ్: డేవిడ్ వార్నర్, పృథ్వీ షా, మిచెల్ మార్ష్, అభిషేక్ పోరెల్, రిషబ్ పంత్(w/c), ట్రిస్టన్ స్టబ్స్, అక్షర్ పటేల్, సుమిత్ కుమార్, రసిఖ్ దార్ సలామ్, అన్రిచ్ నార్ట్జే, ఇషాంత్ శర్మ, ఖలీల్ అహ్మద్, ముఖేష్ కుమార్, కుమార్ కుషాగ్రా, ప్రవీణ్ దూబే, జేక్ ఫ్రేజర్-మెక్‌గుర్క్, యష్ ధుల్, కుల్దీప్ యాదవ్, రికీ భుయ్, ఝే రిచర్డ్‌సన్, షాయ్ హోప్, లలిత్ యాదవ్, విక్కీ ఓస్త్వాల్, స్వస్తిక్ చికారా.

మరిన్ని క్రీడా వార్తల కోసం ఇక్కడ క్లిక్ చేయండి..