IPL 2023: కింగ్ కోహ్లీ ‘టీ20 రికార్డు’ బద్దలు.. చరిత్రను తిరగరాసిన కేఎల్ రాహుల్.. ఆ లిస్టులో అగ్రస్థానంలోకి..
లక్నో, గుజరాత్ జట్ల మధ్య శనివారం జరిగిన ఐపీఎల్ మ్యాచ్‌లో 68 పరుగులు చేశాడు. తద్వారా భారత్ తరఫున టీ20 క్రికెట్‌లో కింగ్ కోహ్లీ పేరిట ఉన్న ఓ అరుదైన రికార్డును తన సొంతం చేసుకున్నాడు రాహుల్.
ఐపీఎల్‌లో భాగంగా శనివారం జరిగిన మొదటి మ్యాచ్‌లో లక్నో సూపర్ జెయింట్స్‌పై గుజరాత్ టైటాన్స్ 7 పరుగుల తేడాతో విజయం సాధించింది. అయితే ఈ మ్యాచ్‌లో లక్నో టీమ్ కెప్టెన్ కేఎల్ రాహుల్ అరుదైన క్లబ్‌లో చేరడంతో పాటు.. విరాట్ కోహ్లీ పేరిట ఉన్న రికార్డును తన సొంతం చేసుకున్నాడు.
1 / 8
మహ్మద్ షమీ వేసిన మూడో ఓవర్ చివరి బంతికి ఫోర్ కొట్టిన రాహుల్ టీ20 క్రికెట్‌లో 7 వేల పరుగులు పూర్తి చేసుకున్నాడు. తద్వారా భారత్ తరఫున ఈ ఘనత సాధించిన 5వ క్రికెటర్‌గా కేఎల్ రాహుల్ అవతరించాడు. అంతేకాక టీమిండియా తరఫున అత్యంత వేగంగా 7000 పరుగులు చేసిన ఆటగాడిగా కూడా నిలిచాడు.
2 / 8
నిజానికి ఈ రికార్డ్ అంతక ముందు కింగ్ కోహ్లీ పేరిట ఉండేది. అయితే 197 టీ20 ఇన్నింగ్స్‌లలోనే 7 వేల పరుగులు బాదడం ద్వారా ఆ రికార్డును తన వశం చేసుకన్నాడు కేఎల్ రాహుల్. మరి భారత్ తరఫున అత్యంత వేగంగా 7 వేల టీ20 పరుగులు చేసిన జాబితాలో ఎవరెవరు ఉన్నారో ఇప్పుడు చూద్దాం..
3 / 8
గుజరాత్ టైటాన్స్‌తో జరిగిన మ్యాచ్‌లో 68 పరుగులు చేసిన కేఎల్ రాహుల్ టీ20 క్రికెట్‌లో 7000 పరుగులు(మొత్తం 7054) మార్క్ అందుకున్నాడు. కోహ్లీ కంటే తక్కువ ఇన్నింగ్స్‌లలోనే ఈ ఘనత సాధించడం ద్వారా మొదటి స్థానంలో కేఎల్ రాహుల్ నిలిచాడు. రాహుల్‌కి ఈ ఫార్మాట్‌లో 6 సెంచరీలు, 61 అర్థ సెంచరీలు కూడా ఉన్నాయి.
4 / 8
ఇండియన్ ‘రన్ మెషిన్‌’గా పేరున్న విరాట్ కోహ్లీ 212 టీ20 ఇన్నింగ్స్‌లలో 7000 పరుగులు పూర్తి చేసుకున్నాడు. అలా భారత్ తరఫున అత్యంత వేగంగా 7000 టీ20 పరుగులు చేసిన ఆటగాడిగా రెండో స్థానంలో ఉన్నాడు.
5 / 8
భారత్ తరఫున అత్యంత వేగంగా 7 వేల టీ20 పరుగులు చేసిన జాబితాలో మూడో స్థానంలో శిఖర్ ధావన్ ఉన్నాడు. గబ్బర్ ఈ ఘనతను సాధించడానికి 246 టీ20 ఇన్నింగ్స్ తీసుకున్నాడు.
6 / 8
సురేష్ రైనా కూడా ఈ లిస్టులో ఉన్నాడు. 251 టీ20 ఇన్నింగ్స్‌లలో 7000 పరుగులు చేయడం ద్వారా 4 స్థానంలో ఉన్నాడు ఈ ‘మిస్టర్ ఐపీఎల్’
7 / 8
అలాగే భారత్ తరఫున అత్యంత వేగంగా 7000 పరుగులు పూర్తి చేసిన టాప్ 5 ఆటగాళ్ల లిస్టులో రోహిత్ శర్మ 5వ స్థానంలో ఉన్నాడు. 7000 మార్క్ అందుకోవడానికి హిట్ మ్యాన్ 258 ఇన్నింగ్స్ తీసుకున్నాడు.
