Rohit Sharma: ఇంగ్లండ్పై రోహిత్ ‘సెంచరీ’.. హిట్మ్యాన్ ఖాతాలో స్పెషల్ రికార్డ్.. అదేంటంటే?
Rohit Sharma, ICC World Cup 2023: వన్డే ప్రపంచకప్లో భారత్ ఇప్పటి వరకు ఆడిన ఐదు మ్యాచ్ల్లోనూ విజయం సాధించింది. పాయింట్ల పట్టికలో నంబర్ 2 స్థానంలో నిలిచింది. ఇక భారత జట్టు ఆరో మ్యాచ్ని ఇంగ్లాండ్తో ఆడనుంది. అక్టోబర్ 29న జరగనున్న ఈ మ్యాచ్ కెప్టెన్గా రోహిత్ శర్మకు స్పెషల్ మ్యాచ్ కానుంది. దీంతో ఈ మ్యాచ్ను కూడా గెలిచి, తన ఖాతాలో మరో రికార్డ్ను లిఖించుకునే అవకాశం ఉంది.
Rohit Sharma, ICC World Cup 2023: వన్డే ప్రపంచకప్లో భారత్ తన ఆరో మ్యాచ్ని ఇంగ్లండ్తో ఆడనుంది. అక్టోబర్ 29న జరగనున్న ఈ మ్యాచ్ కెప్టెన్గా రోహిత్ శర్మకు 100వ మ్యాచ్ కావడం విశేషం.
రోహిత్ శర్మ క్రికెట్లోని మూడు ఫార్మాట్లలో మొత్తం 99 మ్యాచ్లకు కెప్టెన్గా వ్యవహరించాడు. అతని నాయకత్వంలో భారత్ 73 మ్యాచ్ల్లో విజయం సాధించగా, 23 మ్యాచ్ల్లో ఓడింది. రెండు మ్యాచ్లు డ్రా అయ్యాయి.
కెప్టెన్గా రోహిత్ శర్మ రెండు ఆసియా కప్లు, నిదాహస్ ట్రోఫీ, బోర్డర్ గవాస్కర్ ట్రోఫీలను గెలుచుకున్నాడు.
దీంతో పాటు అంతర్జాతీయ క్రికెట్లో 18 వేల పరుగులు పూర్తి చేసేందుకు రోహిత్ శర్మ ఇంగ్లండ్పై 47 పరుగులు చేయాల్సి ఉంటుంది.
రోహిత్ శర్మ 476 ఇన్నింగ్స్ల్లో 456 మ్యాచ్లు ఆడి 17,953 పరుగులు చేశాడు. ఇందులో 45 సెంచరీలు, 98 అర్ధసెంచరీలు ఉన్నాయి. అతని అత్యుత్తమ స్కోరు 264 పరుగులు.
రోహిత్ శర్మ ఇప్పటివరకు ఆడిన 5 వన్డేల్లో 62.20 సగటుతో 311 పరుగులు చేశాడు. అత్యధిక పరుగులు చేసినవారి జాబితాలో టాప్ 5లో ఉన్నాడు.