Virat Kohli Record: కోహ్లీ ప్రపంచ రికార్డును తొక్కి పడేసిన ఆఫ్ఘాన్ ప్లేయర్.. సచిన్ జస్ట్ మిస్..
Rahmanullah Gurbaz, Afghanistan vs South Africa: రహ్మానుల్లా గుర్బాజ్ ఆఫ్ఘనిస్తాన్ తరపున 43 వన్డేల్లో మొత్తం 7 సెంచరీలు ఆడాడు. దీంతో అఫ్గానిస్థాన్ తరపున అత్యధిక వన్డే సెంచరీ చేసిన బ్యాట్స్మెన్గా నిలిచాడు. దీనికి తోడు ఇప్పుడు విరాట్ కోహ్లీ పేరిట ఉన్న ప్రత్యేక రికార్డును సమం చేశాడు.
షార్జా వేదికగా దక్షిణాఫ్రికాతో జరిగిన రెండో వన్డేలో అఫ్ఘానిస్థాన్ ఓపెనర్ రహ్మానుల్లా గుర్బాజ్ భారీ సెంచరీతో ప్రత్యేక రికార్డు సృష్టించాడు. అలాగే రికార్డు హోల్డర్ విరాట్ కోహ్లీ రికార్డును సమం చేయడం విశేషం.
ఈ మ్యాచ్లో ఓపెనర్గా బరిలోకి దిగిన గుర్బాజ్ 110 బంతుల్లో 3 సిక్సర్లు, 10 ఫోర్లతో 105 పరుగులు చేశాడు. ఈ సెంచరీతో వన్డే క్రికెట్లో అత్యధిక సెంచరీ చేసిన యువ బ్యాట్స్మెన్ల జాబితాలో రెండో స్థానంలో నిలిచాడు.
అంతకుముందు విరాట్ కోహ్లీ మాత్రమే 2వ స్థానంలో నిలిచాడు. 23 ఏళ్లలోపు 66 వన్డే ఇన్నింగ్స్లు ఆడిన కోహ్లి మొత్తం 7 సెంచరీలు చేసి ఈ ప్రపంచ రికార్డు సృష్టించాడు.
ఇప్పుడు 23 ఏళ్ల వయసులో రహ్మానుల్లా గుర్బాజ్ తన 7వ సెంచరీని పూర్తి చేయడం ద్వారా విరాట్ కోహ్లీ రికార్డును సమం చేశాడు. ఈ రికార్డును సమం చేయడానికి గుర్బాజ్ కేవలం 42 ఇన్నింగ్స్లు మాత్రమే తీసుకోవడం విశేషం.
ఈ ప్రపంచ రికార్డు జాబితాలో మాస్టర్ బ్లాస్టర్ సచిన్ టెండూల్కర్, దక్షిణాఫ్రికాకు చెందిన క్వింటన్ డి కాక్లు అగ్రస్థానంలో ఉన్నారు. 23 ఏళ్లలోపు 113 వన్డే ఇన్నింగ్స్లు ఆడిన సచిన్ 8 సెంచరీలతో రికార్డును లిఖించారు. క్వింటన్ డి కాక్ 52 ఇన్నింగ్స్ల్లో 8 వన్డే సెంచరీలు చేయడం ద్వారా ఈ రికార్డును సమం చేశాడు. ఇప్పుడు ఈ జాబితాలో విరాట్ కోహ్లీతో కలిసి రెహ్మానుల్లా గుర్బాజ్ 2వ స్థానాన్ని ఆక్రమించడంలో విజయం సాధించాడు.