Health Tips: లిఫ్ట్‌కి ఇక బై-బై చెప్పండి.. రోజూ మెట్లు ఎక్కండి ఆరోగ్యాన్ని కాపాడుకోండి..
లైఫ్‌స్టైల్ మారిపోయింది.. ఆహారపు అలావాట్లు కూడా మారిపోయాయి.. కష్టం లేకుండా సుఖవంతమైన జీవితం కోసం చాలామంది పరితపిస్తున్నారు. ఈ క్రమంలోనే హోటల్ అయినా, ఆఫీసు అయినా లేదా నివసించే భవనం అయినా.. ఈ రోజుల్లో చాలామంది మెట్లు ఎక్కడానికి జంకుతున్నారు. ప్రతిచోటా కూడా లిఫ్ట్ ఎక్కేందుకే ఆసక్తికనబరుస్తున్నారు. అంతేకాకుండా.. ఇప్పుడు ఎక్కడికి వెళ్లినా..
లైఫ్‌స్టైల్ మారిపోయింది.. ఆహారపు అలావాట్లు కూడా మారిపోయాయి.. కష్టం లేకుండా సుఖవంతమైన జీవితం కోసం చాలామంది పరితపిస్తున్నారు. ఈ క్రమంలోనే హోటల్ అయినా, ఆఫీసు అయినా లేదా నివసించే భవనం అయినా.. ఈ రోజుల్లో చాలామంది మెట్లు ఎక్కడానికి జంకుతున్నారు. ప్రతిచోటా కూడా లిఫ్ట్ ఎక్కేందుకే ఆసక్తికనబరుస్తున్నారు. అంతేకాకుండా.. ఇప్పుడు ఎక్కడికి వెళ్లినా.. ఏ ప్రదేశానికి వెళ్లినా.. సులభంగా వెళ్లే.. లిఫ్ట్‌లు, ఎస్కలేటర్‌లను ఏర్పాట్లు చేస్తున్నారు. ఎందుకంటే.. శారీరక శ్రమ లేకుండా.. సులభంగా చేరుకునేందుకు ఆశ్రయిస్తున్నారు.
అయితే, ఆరోగ్యంగా ఉండటానికి, ప్రజలు తరచుగా సమీపంలోని పార్కులు లేదా బహిరంగ ప్రదేశాల్లో పరిగెత్తడం కనిపిస్తుంది. ఇప్పటికీ, చదునైన రహదారిపై నడవడం లేదా పరుగెత్తడం కంటే మెట్లు ఎక్కడం చాలా ఎక్కువ శ్రమతో కూడుకున్నది. ప్రస్తుతం లిఫ్ట్‌ని పట్టించుకోకుండా అప్పుడప్పుడు కూడా మెట్లు ఎక్కితే ఆరోగ్యానికి ఎన్నో లాభాలు చేకూరుతాయని నిపుణులు పేర్కొంటున్నారు.
మెట్లు ఎక్కడం గుండెకు మేలు చేస్తుంది: నేటి కాలంలో గుండె సంబంధిత వ్యాధులు సర్వసాధారణమైపోయాయి. పేలవమైన జీవనశైలి, ఎక్కువ గంటలు కూర్చుని పని చేయడం, శారీరక శ్రమ తక్కువగా ఉండటం వంటి అనేక అంశాలు గుండె జబ్బుల ప్రమాదాన్ని పెంచుతాయి. అటువంటి పరిస్థితిలో, మీరు వారానికి ఒకసారి సైకిల్ తొక్కడం లేదా నడవడం వంటి ఏదైనా శారీరక శ్రమకు సమయం ఇవ్వలేకపోతే, గుండె ఆరోగ్యాన్ని కాపాడుకోవడానికి మెట్లు ఎక్కడం మంచి మార్గం. ఇది గుండె జబ్బుల ప్రమాదాన్ని గణనీయంగా తగ్గిస్తుంది.
జీర్ణక్రియ మెరుగుపడుతుంది - ఫిట్‌గా ఉంటారు: బయటికి వెళ్లి తిన్నప్పుడు తిరిగి వచ్చేటపుడు లిఫ్ట్‌ను నివారించండి. మెట్లను ఉపయోగించండి. ఇలా చేయడం వల్ల ఆహారం సులభంగా జీర్ణం కావడమే కాకుండా పొట్టకు సంబంధించిన సమస్యల నుంచి రక్షణ లభిస్తుంది. మెట్లు ఎక్కడం జీవక్రియ రేటును మెరుగుపరుస్తుంది. ఇది బరువును అదుపులో ఉంచడంలో సహాయపడుతుంది. దీంతో ఫిట్‌గా ఉంటారు.
కండరాలకు ప్రయోజనం: బోరింగ్, శరీర కదలికను పొందడానికి, కండరాలను పటిష్టం చేయడానికి మెట్లు పైకి ఎక్కడం.. క్రిందికి దిగడం గొప్ప మార్గం. దీంతో కండరాలు దృఢంగా ఉండడంతోపాటు స్టామినా కూడా పెరుగుతుంది. మెట్లు ఎక్కేటప్పుడు, దిగేటప్పుడు శరీరం కండరాలు బలంగా, బిగువుగా మారతాయి. స్క్వాట్‌లు చేయడం ఎంత ప్రయోజనకరమో, మెట్లు ఎక్కడం కూడా అదే విధంగా ఉంటుందని నివేదికలు చెబుతున్నాయి.
ఈ విషయాన్ని దృష్టిలో ఉంచుకోవడం ముఖ్యం.. మెట్లు ఎక్కడం - దిగడం అనేది బరువును అదుపులో ఉంచుకోవడం నుంచి అనేక విధాలుగా ప్రయోజనకరంగా ఉంటుంది. అయితే ఇది మీరు మెట్లు ఎక్కే వేగం.. ఎంతసేపు అనే దానిపై ఆధారపడి ఉంటుంది. దీనితో పాటు, వ్యక్తి ఆరోగ్యం, వయస్సు, పరిస్థితిపై కూడా ఆధారపడి ఉంటుంది. కావున వీటిని దృష్టిలో ఉంచుకుని మెట్లను ఉపయోగించడం మంచిది.