Kamal Haasan: థగ్ లైఫ్ తర్వాత కమల్ ప్రాజెక్ట్స్ ఏంటి.? లోకనాయకుడు ప్లాన్ ఏంటి.?
థగ్ లైఫ్ తర్వాత కమల్ హాసన్ ప్లాన్ ఏంటి..? ఇంతకీ థగ్ లైఫ్ సినిమా ముచ్చట్లేంటి..? షూటింగ్ పరిస్థితేంటి..? ఎప్పుడు విడుదల కానుంది..? 37 ఏళ్ళ తర్వాత రిపీట్ అవుతున్న ఈ కాంబో విశేషాలేంటి..? ఈ సినిమా తర్వాత కమల్ చేయబోయే ఆ ప్రాజెక్ట్స్ ఏంటి..? అసలు లోకనాయకుడు ఏం ప్లాన్ చేస్తున్నారు..?
జరిగిందేదో జరిగిపోయింది.. అక్కడే ఆగిపోతే ఎలా..? జరగాల్సింది చూడాలి కదా అంటున్నారు కమల్ హాసన్. భారతీయుడు 2తో ఏదో మ్యాజిక్ చేయాలనుకున్నారు కమల్.. కానీ అది వర్కవుట్ కాలేదు. అందుకే ఆ గాయానికి మందు త్వరగానే కనుక్కునే పనిలో పడ్డారీయన.
మణిరత్నంతో కమిటైన థగ్ లైఫ్పై ఫోకస్ చేసారు లోకనాయకుడు.1987లో వచ్చిన నాయకుడు తర్వాత ఈ కాంబో రిపీట్ అవుతుంది. పొన్నియన్ సెల్వన్తో ఫామ్లోకి వచ్చిన మణిరత్నం.. థగ్ లైఫ్తో రప్ఫాడించాలని చూస్తున్నారు.
భారతీయుడు 2 డిజాస్టర్ నేపథ్యంలో కమల్ హాసన్ ఆశలన్నీ ఈ సినిమాపైనే ఉన్నాయిప్పుడు. జూన్ 5న విడుదల చేయనున్నారు మేకర్స్. ఇందులో శింబు కూడా కీలక పాత్రలో నటిస్తున్నారని తెలిసిందే.
థగ్ లైఫ్ రిలీజ్ తర్వాత కూడా కమల్ బిజీగానే ఉండబోతున్నారు. ఇప్పటికే ఇండియన్ 3 ఉంటుందని ప్రకటించారు శంకర్. అలాగే విశ్వరూపం 3 కూడా చేయాలని చూస్తున్నారు లోకనాయకుడు కమల్ హాసన్.
ఇందులో ఇండియన్ 3 షూట్ ఇప్పటికే చివరిదశకు వచ్చేసింది.. విశ్వరూపం 3 ఇప్పుడు మొదలు కానుంది.. అలాగే విక్రమ్ 2 కూడా లైన్లోనే ఉంది. మొత్తానికి మరో రెండు మూడేళ్ళు కమల్ సీక్వెల్స్తోనే బిజీ అన్నమాట.