Vijay Rashmika Marriage : రాముడి కోసం సీతలా.. కనిపించిన ఈ జంటను దీవించగా..! పెళ్లి ఫోటోలు చూస్తుంటే..
టాలీవుడ్ లవబుల్ కపుల్ విజయ్ దేవరకొండ, నేషనల్ క్రష్ రష్మిక మందన్న పెళ్లి బంధంతో ఒక్కటయ్యారు. గురువారం ఉదయం పది గంటలకు వీరిద్దరి వివాహ వేడుక ఘనంగా జరిగింది. రాజస్థాన్ లోని ఉదయ్ పూర్ లోని ఐటీసీ మెమోంటో హోటల్లో వీరి పెళ్లి జరిగింది. అతి తక్కువ మంది సన్నిహితుల సమక్షంలో వీరి వివాహం జరగ్గా కాసేపటి క్రితమే ఇద్దరు తమ పెళ్లి ఫోటోలను పంచుకున్నారు.
గీతా గోవిందం సినిమాతో మొదలైన ప్రయాణం ఇప్పుడు పెళ్లి బంధంతో ఒక్కటయ్యేలా చేసింది. వెండితెరపై ప్రేక్షకులను హృదయాలను దొచుకున్న ఈ జంట.. ఇప్పుడు వైవాహిక బంధంలోకి అడుగుపెట్టారు. విజయ్ దేవరకొండ, రష్మిక మందన్న షేర్ చేసిన పెళ్లి ఫోటోస్ ఇప్పుడు ఆకట్టుకుంటున్నాయి.
ముఖ్యంగా రాయల్ పెళ్లి వేడుకగా సాగింది వీరిద్దరి వివాహం. ఇద్దరూ దుస్తులు, లుక్స్ చూసి ఫిదా అవుతున్నారు నెటిజన్స్. ఇద్దరూ ఎప్పటికీ ఇలాగే సంతోషంగా ఉండాలంటూ సోషల్ మీడియా వేదికగా శుభాకాంక్షలు తెలియజేస్తూన్నారు. రష్మిక ఆరెంజ్ కలర్ చీరకట్టులో మరింత అందంగా కనిపిస్తుంది.
ఆరెంజ్ కలర్ చీరలో ఒంటినిండా బంగారు నగలతో అచ్చం కుందనపు బొమ్మలా కనిస్తుంది. రామయ్య కోసం కదిలి వస్తున్న సీతమ్మలా కనిపిస్తుంది. ఇక విజయ్ సైతం రాయల్ లుక్ లో బంగారు నగలతో అందగా రెడీ అయ్యాు. ప్రస్తుతం వీరిద్దరి పెళ్లి ఫోటోస్ సోషల్ మీడియాలో వైరలవుతున్నాయి.
గీత గోవిందం సినిమాతో తొలిసారి వెండితెరపై కనిపించిన ఈ జోడి ప్రేక్షకులను ఎంతగానో అలరించింది. అలా మొదలైన వీరి పరిచయం ఆ తర్వాత డియర్ కామ్రేడ్ మూవీతో మరోసారి అలరించింది. ఈ సినిమా సమయంలోనే వీరిద్దరి మధ్య ఏర్పడిన పరిచయం ఆ తర్వాత ప్రేమగా మారింది.
వీరిద్దరి ప్రేమ గురించి చాలా కాలంగా సోషల్ మీడియాలో ప్రచారం జరిగింది. కానీ ఇద్దరూ ఎప్పుడూ అధికారికంగా స్పందించలేదు. కొన్ని నెలల క్రితం కుటుంబ సభ్యుల మధ్యలో నిశ్చితార్థం చేసుకున్న వీరిద్దరు.. ఇప్పుడు పెళ్లి బంధంతో ఒక్కటయ్యారు.