Election Movies: ఎలక్షన్ బేస్ గా తెరకెక్కిన చిత్రాలు.. ఒకటి బ్లాక్ బస్టర్.. మరి మిగిలినవి..
సీజన్‌ ఏదైనా సినిమా వాళ్లకు పండగే. ఆడియన్స్ మూడ్‌కి తగ్గట్టు మూవీస్‌ రిలీజ్‌ చేసి క్యాష్‌ చేసుకుంటారు. అయితే ఈ సారి మాత్రం అలా సీజన్‌ని క్యాప్చర్‌ చేసిన మూవీగా నెంబర్‌ వన్‌ ప్లేస్‌లో నిలుచుంది కోట బొమ్మాళి పీయస్‌. రామ్‌గోపాల్‌ వర్మ తెరకెక్కించిన వ్యూహం కూడా ఈ ఎలక్షన్ సీజన్‌నే టార్గెట్‌ చేస్తుందనే మాటలు వినిపించాయి. ఆంధ్రా ఎన్నికల సమయాన్ని టార్గెట్‌ చేసిన మరో సినిమా యాత్ర 2. దీని ఫస్ట్ పార్టులో ఆడియన్స్ తో శభాష్‌ అనిపించుకున్న మమ్ముట్టి ఇప్పుడు యాత్ర2లోనూ కీ రోల్‌ చేస్తున్నారు.
సీజన్‌ ఏదైనా సినిమా వాళ్లకు పండగే. ఆడియన్స్ మూడ్‌కి తగ్గట్టు మూవీస్‌ రిలీజ్‌ చేసి క్యాష్‌ చేసుకుంటారు. అయితే ఈ సారి మాత్రం అలా సీజన్‌ని క్యాప్చర్‌ చేసిన మూవీగా నెంబర్‌ వన్‌ ప్లేస్‌లో నిలుచుంది కోట బొమ్మాళి పీయస్‌. ఎలక్షన్ సీజన్‌లో హల్‌చల్‌ చేస్తాయని చాలా సినిమాల పేర్లే వినిపించినా, ఫైనల్‌గా డిస్టింక్షన్‌లో పాస్‌ అయింది కోట బొమ్మాళి పీయస్‌.
పోలీసులకు, పొలిటీషియన్లకు మధ్య చోటుచేసుకునే ఘటనల ఆధారంగా తెరకెక్కింది కోట బొమ్మాళి పీయస్‌ సినిమా. ఎన్నికల సీజన్‌లో పోలీసులకున్న ఒత్తిడి, రాజకీయనాయకులకుండే టెన్షన్లు, ఇలా అన్ని వైపుల నుంచి విషయాలను తీసుకుని కోట బొమ్మాళి పీయస్‌ని తెరకెక్కించారు మేకర్స్. ఫస్ట్ షో నుంచే పాజిటివ్‌ టాక్‌ తెచ్చుకుంది ఈ సినిమా. శ్రీకాంత్‌, రాహుల్‌ విజయ్‌, శివానీ నటనకు ఫిదా అవుతున్నారు ఆడియన్స్. లింగి లింగి లింగిడి పాట హోరెత్తుతోంది.
రామ్‌గోపాల్‌ వర్మ తెరకెక్కించిన వ్యూహం కూడా ఈ ఎలక్షన్ సీజన్‌నే టార్గెట్‌ చేస్తుందనే మాటలు వినిపించాయి. అయితే సెన్సార్‌ సమస్యల కారణంగా ఇంకా విడుదల తేదీని ప్రకటించ లేదు మేకర్స్. ఆంధ్రా ఎన్నికల సమయానికి వ్యూహాన్ని థియేటర్లలోకి తీసుకొస్తారనే మాట వినిపిస్తోంది.
ఆంధ్రా ఎన్నికల సమయాన్ని టార్గెట్‌ చేసిన మరో సినిమా యాత్ర 2. ఆల్రెడీ రాజశేఖర్‌రెడ్డి పాదయాత్ర ను నేపథ్యంగా తీసుకుని మహి.వి.రాఘవ్‌ తెరకెక్కించిన యాత్ర సినిమా బంపర్‌ హిట్‌ అయింది. ఇప్పుడు దానికి సీక్వెల్‌గా తెరకెక్కుతోంది యాత్ర2.
ఫస్ట్ పార్టులో ఆడియన్స్ తో శభాష్‌ అనిపించుకున్న మమ్ముట్టి ఇప్పుడు యాత్ర2లోనూ కీ రోల్‌ చేస్తున్నారు. మెయిన్‌ లీడ్‌గా జీవా నటిస్తున్నారు. ఈ సినిమాను వచ్చే ఏడాది ఫిబ్రవరి 8న విడుదల చేయాలన్నది మహి ప్లాన్‌. గతంలో యాత్ర సినిమాను కూడా సేమ్‌ డేట్‌నే విడుదల చేశారు మహి.