హీరోల లుక్తో ఆడియన్స్ను ఆకట్టుకుంటున్న మేకర్స్!
కథేంటో చెప్పకూడదు, కంటెంట్ ఎలా ఉంటుందో రివీల్ చేయకూడదు, జస్ట్ హీరో లుక్ మాత్రం చూపిస్తే చాలు.. ఆ సినిమా పేరు ట్రెండింగ్లోకి వచ్చేస్తుంది. షూటింగ్ పూర్తయి, సినిమా రిలీజ్ అయ్యే వరకు డిస్కషన్ కంటిన్యూ అవుతుంది. అందుకే అలాంటి క్రేజీ టీజర్స్ను ప్లాన్ చేస్తున్నారు మేకర్స్. సినిమాతో సంబంధం లేకుండా అంచనాలు పెంచేసేలా ఎనౌన్స్మెంట్ గ్లింప్స్ను రిలీజ్ చేస్తున్నారు.
మేకర్స్ సరికొత్తగా ప్లాన్ చేస్తూ ఆడియన్స్ను ఆకట్టుకుంటున్నారు. సినిమా కథను రివీల్ చేయకుండా జస్ట్ వాళ్ల లుక్తోనే అభిమానులను తమ వైపుకు లాక్కుంటున్నారు.
జైలర్తో బిగ్ హిట్ ఇచ్చిన రజనీకాంత్, నెల్సన్ కాంబో మరోసారి రిపీట్ అవుతోంది. జైలర్కు సీక్వెల్ను రూపొందిస్తున్నట్టుగా అఫీషియల్గా ఎనౌన్స్ చేసింది యూనిట్. అందుకోసం ఓ స్పెషల్ వీడియో రిలీజ్ చేసింది. ఇంకా స్టార్ట్ కాకపోయినా.. కేవలం ఎనౌన్స్మెంట్ వీడియో కోసం భారీ యాక్షన్ బ్లాక్ను డిజైన్ చేసింది. ఈ వీడియోతో సినిమా స్కేల్ ఏ రేంజ్లో ఉండబోతుందో హింట్ ఇచ్చింది యూనిట్.
రీసెంట్ టైమ్స్లో ప్రీ టీజర్ ట్రెండ్ గట్టిగా కనిపిస్తోంది. పుష్ప 2 రిలీజ్కు ముందు వేర్ ఈజ్ పుష్పరాజ్ పేరుతో ఓ వీడియో రిలీజ్ చేసింది చిత్రయూనిట్. టీజర్లో ఉన్న కంటెంట్ సినిమాలో లేకపోయినా... మూవీ రిలీజ్ వరకు ఆడియన్స్ను ఎంగేజ్ చేయటంలో హెల్ప్ అయ్యింది ఆ ప్రీ టీజర్.
తెలుగుతో పోలిస్తే కోలీవుడ్ దర్శకులే ప్రీ టీజర్ ట్రెండ్ను ఎక్కువగా ఫాలో అవుతున్నారు. ప్రజెంట్ సెట్స్ మీద ఉన్న థగ్ లైఫ్, కూలీ సినిమాలకు కూడా షూటింగ్ ప్రారంభం కాకముందే టీజర్స్ రిలీజ్ చేశారు. క్యారెక్టర్ లుక్ ఫైనల్ కాగానే, ఆ లుక్లో ఓ వీడియో మాంటేజ్ను సిద్ధం చేసి రిలీజ్ చేస్తున్నారు.
ఈ ట్రెండ్ను మొదలైంది మాత్రం తెలుగు సినిమాతోనే. మహేష్ బాబు హీరోగా స్పైడర్ సినిమాను రూపొందించిన మురుగదాస్, ఆ సినిమా ప్రమోషన్లో భాగంగా ఓ టీజర్ రిలీజ్ చేశారు. సినిమా కథకు సంబంధం లేకుండా కేవలం టైటిల్ జస్టిఫికేషన్ కోసం ప్లాన్ చేసిన స్పైడర్ టీజర్ అప్పట్లో సెన్సేషన్ క్రియేట్ చేసింది.