Re Release: రీ రిలీజ్ కు రెడీ అయిన కల్ట్ సినిమాలు.. మరి ఏంటా క్లాసిక్ మూవీస్ ??
రీ రిలీజ్‌కు మునపట్లా క్రేజ్ లేదు.. మార్కెట్ అవ్వట్లేదు.. సినిమాలు వచ్చినా పట్టించుకోవట్లేదంటూ ఓ వైపు టాక్ నడుస్తూనే ఉంది. మరోవైపు వచ్చే సినిమాలు వస్తూనే ఉన్నాయి. రాబోయే నెల రోజుల్లో ఏకంగా 4 కల్ట్ క్లాసిక్స్ రీ రిలీజ్ కాబోతున్నాయి. ఒకప్పుడు థియేటర్స్‌లో మ్యాజిక్ చేసిన ఆ సినిమాలు ఇప్పుడూ అదే చేస్తాయంటున్నారు మేకర్స్. మరి ఏంటా క్లాసిక్ మూవీస్..? ఎన్టీఆర్ కెరీర్‌లో ఎన్ని సినిమాలైనా ఉండొచ్చు కానీ అదుర్స్‌ను మించిన క్లాసిక్ అయితే రాదేమో..? ఈ జనరేషన్ ఆడియన్స్‌కు కామెడీ అంటే ఎలా ఉంటుందో తెలియాలంటే అదుర్స్ చూస్తే సరిపోతుంది.
రీ రిలీజ్‌కు మునపట్లా క్రేజ్ లేదు.. మార్కెట్ అవ్వట్లేదు.. సినిమాలు వచ్చినా పట్టించుకోవట్లేదంటూ ఓ వైపు టాక్ నడుస్తూనే ఉంది. మరోవైపు వచ్చే సినిమాలు వస్తూనే ఉన్నాయి. రాబోయే నెల రోజుల్లో ఏకంగా 4 కల్ట్ క్లాసిక్స్ రీ రిలీజ్ కాబోతున్నాయి. ఒకప్పుడు థియేటర్స్‌లో మ్యాజిక్ చేసిన ఆ సినిమాలు ఇప్పుడూ అదే చేస్తాయంటున్నారు మేకర్స్. మరి ఏంటా క్లాసిక్ మూవీస్..?
ఎన్టీఆర్ కెరీర్‌లో ఎన్ని సినిమాలైనా ఉండొచ్చు కానీ అదుర్స్‌ను మించిన క్లాసిక్ అయితే రాదేమో..? ఈ జనరేషన్ ఆడియన్స్‌కు కామెడీ అంటే ఎలా ఉంటుందో తెలియాలంటే అదుర్స్ చూస్తే సరిపోతుంది. ముఖ్యంగా మీమర్స్, ట్రోలర్స్‌కు అదుర్స్ అనేది ఓ వరం. అలాంటి సినిమా నవంబర్ 18న రీ రిలీజ్ కాబోతుంది. మరోవైపు అక్టోబర్ 23న ఛత్రపతితో రాబోతున్నారు ప్రభాస్.
2005లో రాజమౌళి తెరకెక్కించిన ఛత్రపతి ప్రభాస్ కెరీర్‌లో ఫస్ట్ బిగ్గెస్ట్ బ్లాక్‌బస్టర్. అప్పటి వరకు ఉన్న ప్రభాస్ మార్కెట్‌ను రెండింతలు పెంచేసింది ఛత్రపతి. ముఖ్యంగా సినిమాలోని లైన్ దాటే సీన్.. ఇంటర్వెల్ బ్లాక్స్‌కు ఇప్పటికీ అదే క్రేజ్ ఉంది. ప్రభాస్ బర్త్ డే సందర్భంగా అక్టోబర్ 23న దీన్ని మరోసారి థియేటర్స్‌లోకి తీసుకొస్తున్నారు. ఇక నవంబర్ 4న శంకర్ దాదా ఎంబిబిఎస్ రీ రిలీజ్ కానుంది.
చిరు కెరీర్‌లో కల్ట్ కామెడీగా నిలిచిపోయిన శంకర్ దాదా MBBSను నవంబర్ 4న తీసుకొస్తున్నారు. దీన్ని భారీగానే విడుదల చేయబోతున్నారు. ఘరానా మొగుడు, గ్యాంగ్ లీడర్ రీ రిలీజ్‌లో పెద్దగా ప్రభావం చూపించలేదు. మరి శంకర్ దాదా ఏం చేస్తారో చూడాలి.
వీటితో పాటు నవంబర్ 3న మణిరత్నం, కమల్ ఆల్ టైమ్ క్లాసిక్ నాయకుడు రీ రిలీజ్ కానుంది. మరి వీటిలో ఏది మ్యాజిక్ చేస్తుందో చూడాలి.