పెళ్ళి పీటలెక్కబోతున్న ఆ నలుగురు హీరోయిన్లు !! కొత్త ఏడాది కొత్తగా మొదలుపెడతామంటున్న బ్యూటీస్
చూస్తుంటే 2024 హీరోయిన్స్ మ్యారేజ్ నామ సంవత్సరంగా మారిపోయేలా కనిపిస్తుంది. ఒక్కరో ఇద్దరో కాదు.. టాలీవుడ్, బాలీవుడ్‌లో ఉన్న చాలా మంది ముద్దుగుమ్మలు ఈ ఏడాది పెళ్ళి పీటలెక్కబోతున్నారు. చాలా కాలంగా సినిమాలు చేస్తూ బిజీగా ఉన్న బ్యూటీస్ అంతా ఈ ఏడాది కొత్త ఇన్నింగ్స్ మొదలుపెట్టబోతున్నారు. మరి ఎవరా హీరోయిన్స్..? ఇన్నేళ్లూ తన గ్లామర్‌తో ఆడియన్స్‌ను పరేషాన్ చేసిన రకుల్ ప్రీత్ సింగ్ ఫిబ్రవరిలోనే పెళ్లి కూతురు కాబోతున్నారు.
చూస్తుంటే 2024 హీరోయిన్స్ మ్యారేజ్ నామ సంవత్సరంగా మారిపోయేలా కనిపిస్తుంది. ఒక్కరో ఇద్దరో కాదు.. టాలీవుడ్, బాలీవుడ్‌లో ఉన్న చాలా మంది ముద్దుగుమ్మలు ఈ ఏడాది పెళ్ళి పీటలెక్కబోతున్నారు. చాలా కాలంగా సినిమాలు చేస్తూ బిజీగా ఉన్న బ్యూటీస్ అంతా ఈ ఏడాది కొత్త ఇన్నింగ్స్ మొదలుపెట్టబోతున్నారు. మరి ఎవరా హీరోయిన్స్..?
ఇన్నేళ్లూ తన గ్లామర్‌తో ఆడియన్స్‌ను పరేషాన్ చేసిన రకుల్ ప్రీత్ సింగ్ ఫిబ్రవరిలోనే పెళ్లి కూతురు కాబోతున్నారు. ప్రియుడు జాకీ భగ్నానీతో ఫిబ్రవరి 22న పెళ్లి పీటలెక్కబోతున్నట్లు తెలుస్తుంది. గోవాలోని రిసార్ట్‌లో రకుల్, జాకీ పెళ్లి ఘనంగా జరగబోతుంది. ఈ పెళ్లికి చాలా తక్కువ మందికి మాత్రమే ఆహ్వానం అందుతుంది. తర్వాత ఘనంగా రిసెప్షన్ ఏర్పాటు చేయనున్నారు.
మరో సీనియర్ హీరోయిన్ తమన్నా సైతం ఇదే ఏడాది పెళ్లి చేసుకోబోతున్నట్లు ప్రచారం జరుగుతుంది. కొన్ని నెలలుగా బాలీవుడ్ నటుడు విజయ్ వర్మతో డేటింగ్ చేస్తున్నారు మిల్కీ బ్యూటీ. ఈ మధ్య గుళ్లలో ఎక్కువగా ఈ జంట కలిసే కనిపిస్తున్నారు. వీళ్ల తీరు చూస్తుంటే త్వరలోనే గుడ్ న్యూస్ చెప్పడం ఖాయం అని తెలుస్తుంది.
తీన్‌మార్, బ్రూస్లీ లాంటి సినిమాలతో గుర్తింపు తెచ్చుకున్న కృతి కర్భందా.. త్వరలోనే తన ప్రియుడు పుల్కిత్ సామ్రాట్‌ను పెళ్లి చేసుకోబోతున్నారు. ఇప్పటికే ఈ ఇద్దరి నిశ్చితార్థం జరిగింది. పెళ్లి తేదీపై క్లారిటీ రానుంది.
ఇక బంగారం ఫేమ్ మీరా చోప్రా సైతం మార్చ్‌లో పెళ్లి పీటలెక్కబోతున్నారు. మొత్తానికి రానున్న మూడు నెలల్లో దాదాపు అరడజన్ మంది ముద్దుగుమ్మలు ఓ ఇంటి వాళ్లు కాబోతున్నారు.