Pushpa 2: రిలీజ్ రూమర్స్కు చెక్ పెట్టిన పుష్పా మేకర్స్..
తొందరపడి ఏదో ఒకటి చేయను.. ఏం చేసినా బాగా ఆలోచించే చేస్తాను అంటూ ఓ సినిమాలో ఎమ్మెస్ నారాయణ డైలాగ్ చెప్తారు గుర్తుందా..? ఇప్పుడు సుకుమార్ అండ్ టీం కూడా ఇదే చేస్తున్నారు. పుష్ప 2 విషయంలో ఎక్కడా కాంప్రమైజ్ కావడం లేదు.. కంగారు పడటం లేదు లెక్కల మాస్టారు. రిలీజ్ డేట్ విషయంలోనూ తన ప్లానింగ్స్ తనకున్నాయంటున్నారు. మరి అవేంటో చూద్దామా..? సుకుమార్ ఫోకస్ అంతా ఇప్పుడు పుష్ప 2పైనే ఉంది. ఈ చిత్రంతో తను కూడా 1000 కోట్ల లిస్టులో చేరిపోవాలని చూస్తున్నారు లెక్కల మాస్టారు.
ఐటమ్ సాంగ్స్ ఇవ్వటంలో స్పెషలిస్ట్‌గా పేరున్న దేవీ శ్రీ ప్రసాద్‌, పుష్ప 2 కోసం మరో బ్లాక్ బస్టర్ ట్యూన్‌ను సిద్ధం చేశారు. ఈ పాటతో మరోసారి థియేటర్లను షేక్ చేసేందుకు రెడీ అవుతున్నారు పుష్పరాజ్‌.
సుకుమార్ ఫోకస్ అంతా ఇప్పుడు పుష్ప 2పైనే ఉంది. ఈ చిత్రంతో తను కూడా 1000 కోట్ల లిస్టులో చేరిపోవాలని చూస్తున్నారు లెక్కల మాస్టారు. అందుకే మేకింగ్ విషయంలో కాంప్రమైజ్ కావట్లేదు. ఎక్కడా ఏ చిన్న పొరపాటుకు కూడా తావివ్వకుండా జాగ్రత్తగా తెరకెక్కిస్తున్నారు. ముందు చెప్పినట్లుగానే ఆగస్ట్ 15, 2024న విడుదల కానుంది పుష్ప 2.
రిలీజ్ డేట్ మారిందంటూ జరుగుతున్న ప్రచారంలోనూ నిజం లేదని తేల్చేసింది చిత్రయూనిట్. ఆగస్ట్ 15న రావడానికి కారణాలు కూడా లేకపోలేదు. 5 రోజుల లాంగ్ వీకెండ్ ఉండటంతో భారీ కలెక్షన్లపై కన్నేసారు పుష్ప రాజ్. ఒకవేళ సుకుమార్ అనుకుంటే సమ్మర్‌లో కూడా పుష్ప 2ను విడుదల చేయొచ్చు కానీ ఆలస్యమైనా.. పర్ఫెక్ట్ ప్లానింగ్‌తోనే రావాలని చూస్తున్నారు మేకర్స్.
మార్చ్ వరకు పుష్ప 2 షూటింగ్ పూర్తి కానుంది. పోస్ట్ ప్రొడక్షన్ కోసం నెల రోజులు తీసుకున్నా.. జూన్, జులై అంతా ప్రమోషన్స్ కోసమే కేటాయించాలని చూస్తున్నారు సుకుమార్ అండ్ టీం.
బాలీవుడ్‌లోనూ పుష్ప 2పై అంచనాలు భారీగా ఉన్నాయి. అందుకే నార్త్‌పై స్పెషల్ ఫోకస్ చేయనున్నారు. ఎలా చూసుకున్నా.. కంగారేం లేకుండా కాంప్రమైజ్ కాకుండా పుష్ప రాజ్‌ను బరిలోకి దించుతున్నారు లెక్కల మాస్టారు.