Nithya Menen: ఉన్నట్టుండి జోరు పెంచిన నిత్యామీనన్.. నెట్టింట ట్రెండ్ అవుతున్న ముద్దుగుమ్మ
ఇప్పుడున్న నయా ట్రెండ్లో నయనతారని లేడీ సూపర్స్టార్ అన్నట్టు.. సహజనటి ట్యాగ్ నిత్యామేనన్కి ఇచ్చేయాల్సిందేనని అంటున్నారు ఫ్యాన్స్. కేరక్టర్ ఎలాంటిదైనా దాని అంతు చూసేదాకా వదలరు. మన పక్కింట్లోనో, ఎదురింట్లోనో ఇలాంటి కేరక్టర్ ఉండే ఉంటుందనే పీల్ తెప్పించేస్తారని పొడుగుతున్నారు. ఇంత సడన్గా నిత్య గురించి టాపిక్ ఏంటి? అంటారా? మా మేడమ్ మళ్లీ స్పీడ్ పెంచారంటూ ఖుషీగా హ్యాష్ట్యాగ్ ట్రెండ్ చేసుకుంటున్నారు ఫ్యాన్స్.
2022 వైబ్ని ఈ ఏడాది రీక్రియేట్ చేయాలని ఫిక్సయిపోయారు నిత్యామేనన్. 2023, 2024లో మిస్ అయిన అన్నీ ఛాన్సులను ఈ ఏడాది ఎలాగైనా అందిపుచ్చుకోవాలని అనుకుంటున్నట్టున్నారు. ఆమె లైనప్ చూసిన వారు కూడా ఆ విషయాన్నే కన్ఫర్మ్ చేస్తున్నారు.
తిరు చిత్రంబలం కాంబో ఈ ఏడాది రిపీట్ అవుతోంది. ధనుష్తో ఇడ్లీ కడై సినిమా చేస్తున్నారు నిత్యామీనన్. ఆ సినిమాను తలదన్నేలా ఈ సినిమా ఉంటుందన్నది ధనుష్ చెబుతున్న మాట.
ఈ పెయిర్కి ఆల్రెడీ సూపర్ పాజిటివ్ బజ్ ఉండటంతో సినిమా అనౌన్స్ చేసినప్పటి నుంచే హైప్ భీభత్సంగా కనిపిస్తోంది. ఇటు విజయ్ సేతుపతితో తలైవన్ తలైవిలో నటిస్తున్నారు.
పరోటా మాస్టర్గా విజయ్ సేతుపతి, ఆయన భార్యగా నిత్యామీనన్ చేస్తున్న సందడి ఆల్రెడీ ఆడియన్స్ కి రీచ్ కావడం మొదలైంది. సో, ఈ సినిమా రిలీజ్ కోసం మేం వెయిటింగ్ అంటూ పచ్చజెండా చూపిస్తున్నారు ఫ్యాన్స్.
ఆల్రెడీ ఈ ఏడాది సంక్రాంతికి కాదలిక్క నేరమిల్లై అంటూ సక్సెస్ చూశారు నిత్యామీనన్. రవి మోహన్ హీరోగా నటించిన ఈ సినిమా కోలీవుడ్లో డీసెంట్గా హిట్గా పేరు తెచ్చుకుంది. ఫ్యామిలీ ఆడియన్స్ కి బాగా కనెక్ట్ అయింది. సో, సూపర్ సక్సెస్తో స్టార్ట్ అయిన ఇయర్.. సేమ్ వైబ్ని కంటిన్యూ చేస్తుందన్నది నిత్య నమ్మకం.