Venky: మైండ్ బ్లాక్ చేస్తున్న రవితేజ వెంకీ రీ రిలీజ్ రెస్పాన్స్.. ఖుషి సీన్ రిపీట్..
ఎవరు ఔనన్నా కాదన్నా ఈ మధ్య రీ రిలీజ్ సినిమాలకు డిమాండ్ తగ్గిపోయిందనే మాట అయితే వాస్తవం. కానీ సరైన సినిమా పడితే పాత సినిమాలు చూడ్డానికి కూడా థియేటర్స్కు క్యూ కడుతుంటారు ఆడియన్స్. సరిగ్గా ఏడాది కింద ఖుషీ ఈ విషయాన్ని నిరూపిస్తే.. తాజాగా వెంకీ అదే ప్రూవ్ చేసింది. ఇంతకీ వెంకీ రీ రిలీజ్కు వస్తున్న రెస్పాన్స్ దేనికి సంకేతం..?
పాత సినిమాలు ఎవరు చూస్తారులే అనుకోవచ్చు కానీ ఆ మధ్య ఆ పాత సినిమాలే కొత్త సినిమాల కంటే ఎక్కువ వసూలు చేసాయి. పోకిరి నుంచి మొదలుపెడితే జల్సా, చెన్నకేశవరెడ్డి, ఖుషీ, ఆరెంజ్, ఒక్కడు, సింహాద్రి లాంటి సినిమాలు రీ రిలీజ్లోనూ మ్యాజిక్ చేసాయి. కానీ ఆ తర్వాత అదుర్స్, శంకర్ దాదా ఎంబిబిఎస్ లాంటి సినిమాలకు కనీస స్పందన కరువైంది.
రీ రిలీజ్ల టైమ్ అయిపోయింది.. ఇక ఎలాంటి సినిమాను విడుదల చేసినా చూడరులే అనుకున్నారంతా. కానీ తాజాగా వెంకీ సినిమాకు వస్తున్న రెస్పాన్స్ చూస్తుంటై మైండ్ బ్లాక్ అయిపోతుంది.
న్యూ ఇయర్ సందర్భంగా మళ్లీ రిలీజైన రవితేజ, స్నేహ జంటగా కనిపించిన వెంకీకి ఊహించిన దానికంటే ఎక్కువ రెస్పాన్స్ వస్తుంది. అందుకే ముందు ప్లాన్ చేసిన షోస్ కంటే మూడింతలు పెంచేసారు.
బ్రహ్మానందం ఎంట్రీ సీన్ అయితే థియేటర్లలో నెక్ట్స్ లెవల్లో పేలింది. గజాలా ఫ్యాన్స్ అంటూ బ్యానర్లు కూడా కట్టేసారు అభిమానులు. ట్రైన్ ఎపిసోడ్లో వచ్చే ప్రతీ డైలాగ్ థియేటర్లలో రిపీట్ చేస్తున్నారు ఫ్యాన్స్.
2022 డిసెంబర్ 31న విడుదలైన పవన్ కళ్యాణ్ ఖుషీ సినిమాకి కూడా ఇదే రేంజ్ రెస్పాన్స్ వచ్చింది. ఈ లెక్కన వచ్చే ఏడాది ఎలాంటి క్లాసిక్ను రీ రిలీజ్కు సిద్ధం చేస్తారో చూడాలిక.