Cinema : ఓటీటీలో సంచలనం.. చిరయా సీరిస్లో ఈ నటుడు ఎవరో తెలుసా.. ? బ్యాగ్రౌండ్ ఇదే..
జియో హాట్స్టార్లో ప్రసారమవుతున్న 'చిరయ్యా' వెబ్ సిరీస్ ప్రస్తుతం సోషల్ మీడియాలో హాట్ టాపిక్గా మారింది. ఈ సిరీస్ వైవాహిక అత్యాచారం వంటి తీవ్రమైన సమస్యను హైలైట్ చేస్తుంది. ఈ సిరీస్లో అరుణ్ పాత్రను పోషించిన నటుడు ఇప్పుడు ఒక్కసారిగా సెన్సేషన్ అయ్యాడు. ఇందులో అతడిది నెగిటివ్ షేడ్స్ ఉన్న పాత్ర.
'చిరయ్యా' వెబ్ సిరీస్ 2026 మార్చిలో జియో హాట్స్టార్ ఓటీటీ ప్లాట్ఫామ్లో విడుదలైంది. దీని బలమైన కథాంశం కారణంగా, కొద్ది రోజుల్లోనే ఈ సిరీస్ సోషల్ మీడియాలో హాట్ టాపిక్గా మారి ఓటీటీలో ట్రెండింగ్లోకి వచ్చింది. ఈ చిత్రానికి సంబంధించిన అనేక రీల్స్, పోస్టులు నెట్టింట చక్కర్లు కొడుతున్నాయి.
ఈ వెబ్ సిరీస్ 'వైవాహిక అత్యాచారం' వంటి తీవ్రమైన అంశం ఆధారంగా తెరకెక్కించారు. ఇందులో దివ్య దత్తా, సంజయ్ మిశ్రా, ప్రసన్న బిష్త్, సిద్ధార్థ్ షా ప్రధాన పాత్రల్లో నటించారు. 'చిరయ్యా' లక్నోలోని ఒక కుటుంబం కథ. ఆ కుటుంబ పెద్ద పాపాజీ (సంజయ్ మిశ్రా) సాహిత్య రంగంలో గొప్ప పేరున్న వ్యక్తి. ఆయన స్త్రీల హక్కులు, న్యాయం, మంచికి మద్దతు ఇవ్వడం, చెడును వ్యతిరేకించడం గురించి ఎక్కువగా మాట్లాడుతుంటాడు.
ఆ ఇంటి పెద్ద కోడలు కమలేష్ (దివ్య దత్తా) చాలా సంస్కారవంతురాలు. తన మరిది అరుణ్ (సిద్ధార్థ్ షా)ను సొంత కొడుకులా చూసుకుంది. అతడికి మంచి భార్యను తీసుకువస్తుంది. కానీ అతడి ప్రవర్తనతో విసిగి చెందిన అరుణ్ భార్య అతడి గురించి సంచలన ఆరోపణలు చేస్తుంది. ఈ సీరియల్లో అరుణ్ పాత్ర పోషించిన నటుడి గురించి సోషల్ మీడియాలో చాలా చర్చ జరుగుతోంది.
సిద్ధార్థ్ షా లక్నోలో జన్మించి ఢిల్లీలో పెరిగాడు. అతను తన కెరీర్ను థియేటర్లో ప్రారంభించాడు. 19 ఏళ్ల వయసులో, ఇంతియాజ్ అలీ దర్శకత్వం వహించిన 'లవ్ ఆజ్ కల్' చిత్రంలో కార్తీక్ ఆర్యన్ స్నేహితుడి పాత్ర అతనికి లభించింది. ఆ తర్వాత హిందీలో పలు సినిమాలు, వెబ్ సిరీస్ చేస్తున్నాడు.
సిద్ధార్థ్ 'క్రిమినల్ జస్టిస్' మూడవ సీజన్లో కూడా నటించాడు. ఇందులో అతను రౌనక్ పాత్రను పోషించాడు. ఇది కాకుండా, అతను 'నాట్ డేటింగ్' 'దో గుబ్బారే' వంటి షోలలో కూడా పనిచేశాడు. కానీ చిరయ్య వెబ్ సిరీస్ ద్వారా ఒక్కసారిగా పాపులర్ అయ్యాడు. ఇందులో నెగిటివ్ షేడ్స్ ఉన్న పాత్రలో నటించాడు.