యాక్షన్ ఇమేజ్ కోసం హీరోయిన్స్ తంటాలు.. తగ్గేదే లే ఈ లిస్టులోకి చేరిన మరో ముద్దుగుమ్మ
హీరోలకు యాక్షన్ ఇమేజ్ వస్తే అందులో పెద్ద వింతేం ఉంది.. వాళ్లకు రాకపోతేనే ఆశ్చర్యపోవాలి. కానీ ఈ మధ్య హీరోయిన్లు కూడా తమకు యాక్షన్ ఇమేజ్ కావాలంటున్నారు.. లేకపోతే తగ్గేదే లే అంటున్నారు. సుకుమారి సుందరీమణులు అంతా కలిపి ఒకేసారి మాస్ మూవీస్‌పై ఫోకస్ చేసారు. తాజాగా కాజల్ కూడా ఈ లిస్టులో చేరిపోయారు. మరి ఈమె విన్యాసాలేంటో చూద్దాం..? కాజల్ అంటే ఇదిగో ఇలాగే తెలుసు ఆడియన్స్‌కు. హాయిగా గ్లామర్ షో చేసుకుంటూ.. అప్పుడప్పుడూ ఫ్యామిలీ సినిమాలతో చందమామలా అందర్నీ అలరిస్తూ వచ్చారు కాజల్.
హీరోలకు యాక్షన్ ఇమేజ్ వస్తే అందులో పెద్ద వింతేం ఉంది.. వాళ్లకు రాకపోతేనే ఆశ్చర్యపోవాలి. కానీ ఈ మధ్య హీరోయిన్లు కూడా తమకు యాక్షన్ ఇమేజ్ కావాలంటున్నారు.. లేకపోతే తగ్గేదే లే అంటున్నారు. సుకుమారి సుందరీమణులు అంతా కలిపి ఒకేసారి మాస్ మూవీస్‌పై ఫోకస్ చేసారు. తాజాగా కాజల్ కూడా ఈ లిస్టులో చేరిపోయారు. మరి ఈమె విన్యాసాలేంటో చూద్దాం..?
కాజల్ అంటే ఇదిగో ఇలాగే తెలుసు ఆడియన్స్‌కు. హాయిగా గ్లామర్ షో చేసుకుంటూ.. అప్పుడప్పుడూ ఫ్యామిలీ సినిమాలతో చందమామలా అందర్నీ అలరిస్తూ వచ్చారు కాజల్. కానీ ఇప్పుడీమె మారిపోయారు. పెళ్ళి తర్వాత లేడీ ఓరియెంటెడ్ సినిమాలపై ఫోకస్ చేసారు. తాజాగా సత్యభామలో యాక్షన్ పాత్ర చేస్తున్నారు కాజల్. టీజర్ చూస్తుంటేనే సినిమా ఎలా ఉండబోతుందో క్లారిటీ వచ్చేస్తుంది.
పెళ్లికి ముందు వరకు లేడీ ఓరియెంటెడ్ సినిమాలకు దూరంగానే ఉన్నారు కాజల్. కానీ ఆఫ్టర్ మ్యారేజ్ ఈమె అప్రోచ్ అంతా మారిపోయింది. సింపుల్‌గా యాక్షన్ రోల్స్ వైపు అడుగులేస్తున్నారు.
ఈమె మాత్రమే కాదు.. సమంత చూపు కూడా పూర్తిగా యాక్షన్ ఇమేజ్ పైనే ఉందిప్పుడు. యశోద, ఫ్యామిలీ మ్యాన్ 2 దీనికి నిదర్శనం. తాజాగా సిటాడెల్‌లోనూ ఇలాంటి పాత్రే చేస్తున్నారు స్యామ్.
నయనతార ఎప్పట్నుంచో యాక్షన్ పాత్రలు చేస్తూనే ఉన్నారు. ఫీమేల్ సెంట్రిక్ సినిమాలతోనే ఈమెకు మార్కెట్ బాగా వచ్చేసింది. మొన్నటికి మొన్న జవాన్‌లోనూ అదిరిపోయే యాక్షన్ రోల్ చేసారు నయన్. అనుష్క సైతం మాస్ ఇమేజ్ కోసం ట్రై చేస్తున్నారు. భగవంత్ కేసరి కోసం శ్రీలీల సైతం యాక్షన్ సీన్స్ చేసారు. మొత్తానికి హీరోయిన్ల చూపంతా ఇప్పుడు యాక్షన్ రోల్స్ వైపు వెళ్తుంది.