తెలుగు సినీ పరిశ్రమలో ఆమె మోస్ట్ వాంటెడ్ హీరోయిన్. కానీ ఇప్పుడు సీన్ మారింది. బ్యాక్ టూ బ్యాక్ చిత్రాలతో అలరించిన ఈ బ్యూటీ ఇప్పుడు సైలెంట్ అయ్యింది. కేవలం చేతిలో ఒక్క సినిమా మాత్రమే ఉన్నట్లు తెలుస్తోంది. తనే హీరోయిన్ శ్రీలీల.
పెళ్లి సందడి సినిమాతో తెలుగు తెరకు పరిచయమైన శ్రీలీల.. ఆ తర్వాత రవితేజ సరసన ధమకా సినిమాతో బ్లాక్ బస్టర్ హిట్ అందుకుంది. ఈ ఒక్క మూవీతో రాత్రికి రాత్రే ఈ అమ్మడు క్రేజ్ మారిపోయింది.
వరుస ఆఫర్స్ క్యూ కట్టాయి. దీంతో ఒక్క ఏడాదిలోనే అరడజను చిత్రాలను ప్రకటించి ఇండస్ట్రీలో సెన్సెషన్ అయ్యింది. కానీ అందులో కొన్ని సినిమాలు డిజాస్టర్స్ కావడంతో.. ప్రాజెక్ట్స్ ఎంపికలో జాగ్రత్తలు తీసుకుంటుంది.
ఇన్నాళ్లు చదువుల కోసం సినిమాలకు దూరంగా ఉన్న శ్రీలీలీ.. మరోసారి తన కెరీర్ పై ఫోకస్ పెట్టినట్లు తెలుస్తోంది. ప్రస్తుతం పవన్ కళ్యాణ్ హీరోగా తెరకెక్కుతున్న ఉస్తాద్ భగత్ సింగ్ చిత్రంలో నటిస్తుంది.
త్వరలోనే ఈ మూవీ అడియన్స్ ముందుకు రానుంది. ఇదిలా ఉంటే.. ఈ సినిమా తర్వాత శ్రీలీల నెక్ట్స్ ప్రాజెక్ట్ కోసం కాస్త టైమ్ తీసుకునేలా కనిపిస్తుంది. అలాగే తన తదుపరి ప్రాజెక్ట్స్ విషయంలో అచితూచి నిర్ణయాలు తీసుకుంటుంది.