Film News: ఎక్స్ ట్రా ఆర్డినరీ మ్యాన్ టీజర్.. హిందీలో కానున్న రీమేక్ బేబీ..
నితిన్, వక్కంతం వంశీ కాంబినేషన్లో వస్తున్న సినిమా ఎక్స్ ట్రా ఆర్డినరీ మ్యాన్. పెళ్లి తర్వాత కూడా వరస ప్రాజెక్టులతో బిజీగా ఉన్నారు హన్సిక. ఈమె ప్రస్తుతం గార్డియన్ అనే సినిమాలో నటిస్తున్నారు. కలర్ ఫోటో ఫేమ్ సుహాస్ హీరోగా నటిస్తున్న సినిమా అంబాజీపేట మ్యారేజ్ బ్యాండ్. శ్రీరామ్ నిమ్మల, కలపాల మౌనిక జంటగా జి సందీప్ తెరకెక్కిస్తున్న సినిమా అనుకున్నవన్నీ జరగవుకొన్ని. ఆనంద్ దేవరకొండ, వైష్ణవి చైతన్య, విరాజ్ అశ్విన్ జంటగా సాయి రాజేష్ తెరకెక్కించిన సెన్సేషనల్ లవ్ స్టోరీ బేబీ.
నితిన్, వక్కంతం వంశీ కాంబినేషన్లో వస్తున్న సినిమా ఎక్స్ ట్రా ఆర్డినరీ మ్యాన్. శ్రీలీల ఇందులో హీరోయిన్గా నటిస్తున్నారు. తాజాగా ఈ చిత్ర టీజర్ విడుదలైంది. పూర్తిగా ఎంటర్టైన్మెంట్ పంథాలోనే ఈ టీజర్ డిజైన్ చేసారు దర్శకుడు వక్కంతం వంశీ. నా పేరు సూర్య తర్వాత నాలుగేళ్లకు పైగా గ్యాప్ తీసుకుని ఈ సినిమా తెరకెక్కిస్తున్నారు వంశీ.
పెళ్లి తర్వాత కూడా వరస ప్రాజెక్టులతో బిజీగా ఉన్నారు హన్సిక. ఈమె ప్రస్తుతం గార్డియన్ అనే సినిమాలో నటిస్తున్నారు. విజయ్ చందర్ నిర్మాతగా వస్తున్న ఈ చిత్రానికి శబరి, గురు శరవణన్ ద్వయం దర్శకత్వం వహిస్తున్నారు. ఈ సినిమాలో హన్సిక గెటప్ చూస్తుంటేనే భయం కలుగుతుంది. ఇప్పటి వరకు ఎక్కువగా గ్లామర్ రోల్స్ చేసిన హన్సిక.. తాజాగా పర్ఫార్మెన్స్పై ఫోకస్ చేసారు.
కలర్ ఫోటో ఫేమ్ సుహాస్ హీరోగా నటిస్తున్న సినిమా అంబాజీపేట మ్యారేజ్ బ్యాండ్. దుశ్యంత్ కటికినేని ఈ సినిమాకు దర్శకుడు. ఇప్పటికే విడుదలైన టీజర్కు మంచి రెస్పాన్స్ వచ్చింది. తాజాగా ఈ చిత్రంలోని మొదటి పాట గుమ్మా విడుదలైంది. ఇదిలా ఉంటే ఈ చిత్రం జనవరి 26, 2024న విడుదల కానున్నట్లు ప్రకటించారు దర్శక నిర్మాతలు.
శ్రీరామ్ నిమ్మల, కలపాల మౌనిక జంటగా జి సందీప్ తెరకెక్కిస్తున్న సినిమా అనుకున్నవన్నీ జరగవుకొన్ని. క్రైమ్ కామెడీ థ్రిల్లర్ జోనర్లో వస్తున్న ఈ చిత్ర ట్రైలర్లో డబ్బుతో ముడిపడిన నేపథ్యాన్ని చూపించారు. పోసాని కృష్ణమురళీ సహా పలువురు సీనియర్ నటులు ఇందులో కీలక పాత్రల్లో నటించారు. తాజాగా ఈ చిత్ర ప్రెస్ మీట్ జరిగింది. నవంబర్ 3న సినిమా విడుదల కానుంది.
ఆనంద్ దేవరకొండ, వైష్ణవి చైతన్య, విరాజ్ అశ్విన్ జంటగా సాయి రాజేష్ తెరకెక్కించిన సెన్సేషనల్ లవ్ స్టోరీ బేబీ. ఈ సినిమా ఎంతటి విజయం సాధించిందో చెప్పనక్కర్లేదు. తాజాగా ఈ సినిమాను హిందీలో రీమేక్ చేయబోతున్నట్లు తెలుస్తుంది. అక్కడా సాయి రాజేష్ ఈ సినిమాను తెరకెక్కించబోతున్నారు. ఓ ఫేమస్ సోషల్ మీడియా ఇన్ఫ్లూయన్సర్ ఇందులో హీరోయిన్గా నటించబోతున్నట్లు ప్రచారం జరుగుతుంది.