Tollywood : తెలుగులో క్రేజీ హీరోయిన్.. నాగార్జున, బాలకృష్ణతో బ్లాక్ బస్టర్ హిట్స్.. ఇప్పుడు సినిమాలకు దూరంగా..
ఒకప్పుడు తెలుగులో క్రేజీ హీరోయిన్. ఊహించని విధంగా కెరీర్ మంచి ఫాంలో ఉన్నప్పుడే పెళ్లి చేసుకుని సినిమాలకు దూరమయ్యింది. ఇప్పుడు సోషల్ మీడియాలో తన ఫ్యామిలీ విషయాలు పంచుకుంటుంది. ఇంతకీ ఈ హీరోయిన్ ఎవరో గుర్తుపట్టారా.. ? ఒకప్పుడు ఆమె కుర్రాళ్ల ఆరాధ్య దేవత.
తెలుగులో అప్పట్లో క్రేజీ హీరోయిన్ అంటే ఠక్కున గుర్తొచ్చే పేరు ఆసిన్. తెలుగుతోపాటు బాలీవుడ్ ఇండస్ట్రీలోనూ చక్రం తిప్పింది. 16 ఏళ్లకే మలయాళీ సినిమా ప్రపంచంలోకి అడుగుపెట్టింది. కొచ్చిలో జన్మించిన ఆమె తండ్రి మాజీ CBI అధికారి, తల్లి డాక్టర్.
ఆసిన్ మోడలింగ్ ద్వారా తన కెరీర్ను ప్రారంభించి BPL ప్రకటన ద్వారా గుర్తింపు పొందింది. ఆ తర్వాత ఆమె 16 సంవత్సరాల వయసులో మలయాళ చిత్రం 'నరేంద్రన్ మకన్ జయకాంతన్ వకా' (2001)తో సినీరంగ ప్రవేశం చేసింది.
2003లో విడుదలైన 'అమ్మ నాన్న ఓ తమిళ అమ్మాయి' సినిమాతో తెలుగులో భారీ విజయాన్ని అందుకుంది. ఆ తర్వాత వెనుదిరిగి చూడలేదు. దక్షిణాదితోపాటు ఉత్తరాదిలోనూ వరుస అవకాశాలు అందుకుంది. ఆ తర్వాత ఆమె ఒక్కసారిగా సంచలనంగా మారింది.
నాగార్జున, బాలకృష్ణ, రవితేజ, వెంకటేశ్ , పవన్ కళ్యాణ్ వంటి స్టార్ హీరోలతో నటించి బ్లా్క్ బస్టర్ హిట్స్ అందుకుంది. ఆసిన్ 2016లో మైక్రోమాక్స్ సహ వ్యవస్థాపకుడు రాహుల్ శర్మను వివాహం చేసుకుంది. వారి కుమార్తె అరిన్ రెయిన్ శర్మ 2017లో జన్మించింది.
ఆసిన్ భర్త రాహుల్ మైక్రోమ్యాక్స్ సహ వ్యవస్థాపకుడు. నివేదిక ప్రకారం, రాహుల్ తన తండ్రి నుండి రూ. 3 లక్షల రుణంతో 2000 సంవత్సరంలో ఈ వెంచర్ను ప్రారంభించాడు. భారతదేశంలో మొట్టమొదటి AI-ఆధారిత ఎలక్ట్రిక్ మోటార్సైకిల్ బ్రాండ్ 'రివోల్ట్ ఇంటెలికార్ప్'ను కూడా ఆయన ప్రారంభించారు. ఆయన ఆస్తులు రూ.1300 కోట్లు.