Youth Movies: యూత్ ఫుల్ కంటెంట్‌కి మళ్లీ ఊపు.. సినిమాలన్నీ ఈ రూట్‌లోనే..
కుర్రాళ్ళోయ్ కుర్రాళ్లు.. ఇండస్ట్రీలో కొత్త ఫార్ములా ఇది. యూత్ ఫుల్ కంటెంట్‌కి మళ్లీ ఊపొచ్చినట్లే కనిపిస్తుంది సీన్ చూస్తుంటే ఇప్పుడు. ఈ మధ్య సినిమాలన్నీ ఈ రూట్‌లో వచ్చినవే. రాబోయే సినిమాలది కూడా ఇదే దారి. ఇంతకీ ఏంటా యూత్ ఫుల్ మూవీస్..? అందులో ఉన్న యూత్ ఎవరు..?
మ్యాటర్ బాగుండాలే కానీ.. బాక్సాఫీస్ దగ్గర కొత్త వాళ్లతో కూడా మెంటల్ ఎక్కించొచ్చు అని చాలా సినిమాలు ప్రూవ్ చేసాయి. అందులో మ్యాడ్ కూడా ఒకటి. ఇప్పుడు దీనికి సీక్వెల్ కూడా వస్తుంది. త్వరలోనే మ్యాడ్ 2 రిలీజ్ కానుంది.
ఇక ఇదే దారిలో వచ్చిన కమిటీ కుర్రోళ్లు కలెక్షన్లు కుమ్మేసింది. నిహారిక కొణిదెల నిర్మించిన ఈ చిత్రంతో 20 మంది కొత్త వాళ్లు పరిచయమయ్యారు. కమిటీ కుర్రోళ్లులో కేవలం కామెడీ మాత్రమే కాదు.. ఎమోషనల్ రైడ్ కూడా ఉంటుంది.
ఇక ఆయ్ కూడా పూర్తిగా యూత్ ఫుల్ కంటెంట్‌తోనే వచ్చి మంచి విజయం అందుకుంది. పైగా గీతా ఆర్ట్స్ 2 నుంచి వచ్చిన సినిమా ఇది. నార్నె నితిన్, నయన్ సారిక ఈ చిత్రంలో జంటగా ఆకట్టుకున్నారు. రాజ్ కుమార్ కసిరెడ్డి, అంకిత్ కొయ్య కామెడీ మూవీకి హైలెట్గా నిలిచింది.
మత్తు వదలరా 2లోనూ యూత్ ఫుల్ కంటెంట్ బాగానే ఉంటుంది. ఇది కూడా సూపర్ హిట్ అయింది. మత్తు వదలరా సినిమాకు కొనసాగింపుగా తెరకెక్కిన చిత్రమిది. ఇందులో ఫరియా అబ్దుల్లా పోలీస్ పాత్రలో యాక్షన్ చూపించింది.
తాజాగా మ్యాడ్ 2తో మరోసారి పిచ్చెక్కించడానికి వచ్చేస్తున్నారు నార్నె నితిన్ అండ్ టీం. కళ్యాణ్ శంకర్ తెరకెక్కిస్తున్న ఈ చిత్రం త్వరలోనే విడుదల కానుంది. సితార ఎంటర్‌టైన్మెంట్స్ నుంచి వస్తున్న సినిమా కావడంతో ప్రమోషన్స్ కూడా కాస్త గట్టిగానే ప్లాన్ చేస్తున్నారు. మొత్తానికి యూత్ ఫుల్ మూవీస్ అన్నీ బాక్సాఫీస్ దగ్గర బాగానే వర్కవుట్ అవుతున్నాయి.