Dasara Movies OTT : లియో కమింగ్.. బాలయ్య సినిమాను మాత్రమే ఎందుకు దాచేస్తున్నట్లు..?
ఈ రోజుల్లో ఎంత పెద్ద సినిమా అయినా థియేటర్స్‌లో ఉండేది వారం రోజులు.. మహా అయితే 10 రోజులు.. అద్భుతం చేస్తే 20 రోజులు అంతే. అంతకంటే ఒక్క రోజు కూడా ఎక్కువ ఆడట్లేదు. ఒకవేళ ఆడుతుందని, ఆడిందని చెప్పినా అవి అబద్ధాలే. ఎందుకంటే అంత దమ్మున్న సినిమాలు వచ్చినా.. 20 రోజుల తర్వాత కూడా థియేటర్స్‌కు వెళ్లేంత తీరిక, ఓపిక రెండూ జనాలకు లేవు. ఎందుకంటే నెల రోజుల్లో ఓటిటిలో వచ్చేస్తుందిలే అనే ధీమా. మరికొన్ని సినిమాలు అయితే కేవలం 20 రోజుల్లోనే డిజిటల్‌లో వచ్చేస్తున్నాయి.
అలాంటప్పుడు ఎందుకు థియేటర్‌కు వెళ్ళడం అని కొందరు ఏకంగా అటువైపు వెళ్లడం కూడా ఆపేసారు. ఇదంతా తెలిసిన మ్యాటరే కదా ఇప్పుడెందుకు అనుకుంటున్నారు కదా..? ఎందుకంటే దసరా సినిమాల గురించే ఈ చర్చంతా జరుగుతుందిప్పుడు.ఇప్పటికే టైగర్ నాగేశ్వరరావు ఓటిటికి వచ్చేసింది. వచ్చిన నెల రోజుల్లోనే ఈ సినిమాను డిజిటల్‌లోకి తీసుకొచ్చారు అది కూడా చడీచప్పుడు లేకుండా. రవితేజ హీరోగా నటించిన ఈ సినిమాకు వంశీ దర్శకుడు. థియేటర్స్‌లో మ్యాజిక్ చేయని ఈ సినిమా.. ఓటిటిలో మాత్రం అదరగొడుతుంది.
మరోవైపు లియో కూడా వచ్చేస్తుంది. నవంబర్ 28 నుంచి ఈ సినిమా నెట్ ఫ్లిక్స్‌లోకి వచ్చేస్తుంది. ఇండియాలో నవంబర్ 24 నుంచి అందుబాటులో ఉంచుతున్నా.. గ్లోబల్ రిలీజ్ మాత్రం నవంబర్ 28 అని కన్ఫర్మ్ చేసారు.అయితే టైగర్ నాగేశ్వరరావు, లియో రెండూ ఓటిటి కన్ఫర్మ్ అయిపోయాయి.
ఇక బ్యాలన్స్ ఉన్నది భగవంత్ కేసరి మాత్రమే. బాలకృష్ణ, కాజల్, శ్రీలీల ప్రధాన పాత్రల్లో అనిల్ రావిపూడి తెరకెక్కించిన ఈ చిత్రం మంచి విజయం సాధించింది. ఎమోషనల్ యాక్షన్ డ్రామాగా వచ్చిన భగవంత్ కేసరి విడుదలై ఇప్పటికే నెల రోజులు అయిపోయింది. థియెట్రికల్ రన్ కూడా దాదాపు పూర్తైపోయింది. అయినా కూడా ఇప్పటి వరకు సినిమా ఓటిటి రిలీజ్ డేట్‌పై క్లారిటీ ఇవ్వలేదు మేకర్స్.
కలెక్షన్ల పరంగానూ ఎప్పుడో బ్రేక్ ఈవెన్ అయిపోయింది కేసరి. భగవంత్ కేసరి OTT హక్కులు అమేజాన్ ప్రైమ్ వీడియోస్ తీసుకుంది. ఈ సినిమాను కూడా నవంబర్ చివరి వారంలోనే ఓటిటి రిలీజ్ చేయాలని చూస్తున్నారు. కాకపోతే ఇప్పటి వరకు ఆ డేట్ ఏంటనేది మాత్రం తెలియడం లేదు. ప్రస్తుతానికి అది సస్పెన్స్ అయినా వీలైనంత త్వరలోనే ఈ సినిమా డిజిటల్ ఎంట్రీ ఇచ్చే అవకాశముంది.
6 వారాల అగ్రిమెంట్ అయితే మాత్రం.. డిసెంబర్ ఫస్ట్ వీక్‌లో సినిమా వస్తుంది.. అలా కాకపోతే మరో వారం రోజుల్లోనే భగవంత్ కేసరి రాక ఖాయం. మరోవైపు భగవంత్ కేసరి హిందీ డబ్బింగ్ తనే స్వయంగా చెప్తున్నాడు బాలయ్య. హిందీ వర్షన్ కూడా త్వరలోనే రానుంది. ప్రస్తుతం బాబీ దర్శకత్వంలో ఓ సినిమా చేస్తున్నాడు NBK. ఇది 1980స్ నేపథ్యంలో సాగే సీరియస్ మాఫియా డ్రామా. ఈ సినిమా 2024 ఎన్నికలకు ముందే విడుదల కానుంది.