Ajith Kumar: ఒక్కసారిగా ఊపందుకున్న అజిత్ సోషల్ మీడియా.. రీజన్ ఏంటి.?
అజిత్ పీ ఆర్ టీమ్ని మార్చేశారా? ఇన్నాళ్లూ లేని చరిష్మా ఆయనకు సోషల్ మీడియాలో ఒక్కసారిగా ఎందుకు ఊపందుకుంది? అజిత్ కెరీర్లో ఏదో జరుగుతోంది. ఒకటి... ఆయనంతట ఆయనే యాక్టివ్ అయ్యారు? లేకుంటే, ఎవరో వెనక నుంచి ఆపరేట్ చేస్తున్నారు... ఈ మాటలు తరచూ వినిపిస్తున్నాయి ఇండస్ట్రీలో.
రీసెంట్గా తమిళనాడు నుంచి పద్మభూషణ్కి ఎంపికయ్యారు తల అజిత్ కుమార్. ఆ మధ్య రేసింగ్లో గెలిచి, ప్యాషన్ ఉంటే చాలు... కష్టపడి పనిచేస్తే ఆటోమేటిగ్గా విజయం వరిస్తుందని ప్రూవ్ చేశారు అజిత్. ఇప్పుడు ఫ్యాన్స్ కి ఆయనో పెద్ద ఇన్స్పిరేషన్.
మనం కాదు, మన పనే మాట్లాడాలన్నది తన సిద్ధాంతం అంటారు అజిత్. ముందు నీ కర్తవ్యాన్ని నువ్వు చెయ్... ఫలితం తప్పకుండా పాజిటివ్గానే ఉంటుందని చాలా సార్లు ఫ్యాన్స్కి సజెస్ట్ చేస్తుంటారు తల.
Pattudalaఇటీవల ఆయన నటించిన పట్టుదల సినిమా ఆశించిన విజయాన్ని అందుకోలేకపోయింది. దీంతో సమ్మర్లో పక్కాగా గుడ్ బ్యాడ్ అగ్లీ సినిమా వచ్చేలా ప్లాన్ చేసుకుంటున్నారు కోలీవుడ్ స్టార్ హీరో అజిత్.
సో, ఆల్రెడీ రచ్చ గెలిచిన అజిత్, ఈ ఏడాది ఇండస్ట్రీలోనూ బ్లాక్ బస్టర్ హిట్స్ అందుకుని, ప్యాన్ ఇండియా స్టార్గా నార్త్లోనూ ఢంజా భజాయించాలని కోరుకుంటున్నారు తల ఫ్యాన్స్.