Anikha Surendran : అప్పుడు చైల్డ్ ఆర్టిస్ట్.. ఇప్పుడు క్రేజీ హీరోయిన్.. హిట్టు కోసం వెయిట్ చేస్తున్న ముద్దుగుమ్మ..
చైల్డ్ ఆర్టిస్టులు ఇప్పుడు హీరోహీరోయిన్లుగా అలరిస్తున్న సంగతి తెలిసిందే. అప్పట్లో బాలనటీనటులుగా గుర్తింపు తెచ్చుకున్నవారిలో కొందరు చదువులపై దృష్టి పెట్టారు. మరికొందరు ఇండస్ట్రీలో సక్సెస్ అవుతున్నారు. తాజాగా అనికా సురేంద్రన్ షేర్ చేసిన ఫోటోస్ అందరి దృష్టిని ఆకర్షిస్తున్నాయి. చీరకట్టులో అందమైన ఫోటోషూట్స్ షేర్ చేసింది.
బాలనటిగా చిత్ర పరిశ్రమలోకి అడుగుపెట్టిన అనికా సురేంద్రన్, ప్రస్తుతం దక్షిణ భారత చిత్ర పరిశ్రమలో ప్రధాన కథానాయికగా తనదైన ముద్ర వేసింది. ఇప్పుడిప్పుడే హీరోయిన్ గా అలరిస్తుంది. అలాగే తెలుగు, తమిళంలో సరైన అవకాశం కోసం ఎదురుచూస్తుంది ఈ అమ్మడు.
తమిళంలో అత్యధిక చిత్రాల్లో నటించింది. విశ్వాసం, ఎన్నై అరిందాల్ వంటి చిత్రాలతో ఎక్కువగా పాపులర్ అయ్యింది. ఈ రెండు సినిమాల్లో ఆమె అజిత్ కూతురిగా కనిపించింది. చిన్నవయసులోనే బాలనటిగా విపరీతమైన క్రేజ్ సొంతం చేసుకుంది ఈ ముద్దుగుమ్మ.
ఆ తర్వాత కొన్నాళ్లపాటు సినిమాలకు దూరంగా ఉన్న ఈ అమ్మడు.. బుట్టబొమ్మ మూవీతో కథానాయికగా పరిచయమైంది. ఈ మూవీ ఆశించిన స్థాయిలో హిట్టు కాకపోయినా నటిగా ప్రశంసలు అందుకుంది అనికా. ఆ తర్వాత ఓ మై డార్లింగ్ చిత్రంతో నటిగా అరంగేట్రం చేసింది.
ధనుష్ తెరకెక్కించిన నిలవుక్కు ఎన్ మేల్ ఎనాడి కోపం (తెలుగులో జాబిలమ్మ నీకు అంత కోపమా) సినిమాతో కథానాయికగా హిట్టు అందుకుంది. ఆ తర్వాత ఇందిరా చిత్రంలో కనిపించింది. అందం, అభినయంతో మెప్పించినప్పటికీ ఈ బ్యూటీకి ఆశించిన స్థాయిలో అవకాశాలు రావడం లేదు.
సోషల్ మీడియాలో ఎప్పుడూ యాక్టివ్ గా ఉండే అనికా.. ఇప్పుడు చీరకట్టులో అందమైన ఫోటోస్ షేర్ చేసింది. సింపుల్ శారీ, జుంకాలతో కట్టిపడేస్తుంది అనికా. తాజాగా ఈ అమ్మడు షేర్ చేసిన ఫోటోస్ చూసి ఆశ్చర్యపోతున్నారు నెటిజన్స్.